| e-texts navigator |
| Wylie |
43a1 བསམ་པ་ནི། །གཤིན་རྗེའི་གཤེད་ལ་སོགས་པའོ། །སྔགས་ཀྱི་དེ་ཉིད་རྗེས་མཐུན་པར། །སྔགས་པའི་དཀྱིལ་འཁོར་བསྒྲུབས་ནས་སུ། །ས་ཡི་སྙིང་པོ་ལ་སོགས་པ། །སེམས་དཔའ་རྣམས་ནི་དེར་གནས་བསམ། །
43a2 ལུས་དང་ངག་དང་སེམས་དེ་ཉིད། །ཧཱུ~ཾ་ཞེས་བྱ་བའི་ཡི་གེ་མཆོག་།སེམས་ནི་དེ་རུ་ཞུགས་པར་བསམ། །མི་བསྐྱོད་པ་ནི་བདག་ཉིད་ཆེ། །དབང་པོའི་ལམ་དུ་བྱུང་ནས་སུ། །དང་བའི་དཀྱིལ་འཁོར་གྱིས་ནི་བརྒྱན། །བདག་ཉིད་གཅིག་ཅིང་གཅིག
43a3 འགྱུར་བ། །སྐད་ཅིག་གིས་ནི་བརྟག་པར་བྱ། །ཁྱོད་ནི་རྡོ་རྗེ་སེམས་ཞེས་བྱ། །དེ་ལ་སོགས་པས་སྟོད་པར་བྱེད། །དེ་ནས་རྣམ་སྣང་མཛད་ལ་སོགས། །རང་གི་སྙིང་གར་རབ་ཏུ་གཟུད། །གཟུགས་རྣམས་ཀྱི་ནི་རང་བཞིན་དུ། །རྣམ་པར
43a4 སྣང་མཛད་ཐུབ་པ་བཞུགས། །ཚོར་བ་རིན་ཆེན་མགོན་པོ་ཡིན། །མཐའ་ཡས་འོད་ནི་འདུ་ཤེས་སུའོ། །འདུ་བྱེད་ཀུན་དུ་གདོན་མི་ཟ། །མི་བསྐྱོད་པ་ནི་ཕུང་པོ་ལྔར། །དེ་བཞིན་གཤེགས་པ་ལྔ་རྣམས་ནི། །སྔགས་འདི་རྣམས་ཀྱིས་བཞུགས
43a5 པར་བསམ། །ས་ཡི་ཁམས་ཀྱི་རང་བཞིན་དུ། །དེ་ནས་སྤྱན་ནི་གཞུག་བྱ་སྟེ། །རྣལ་འབྱོར་ཡིད་ཀྱིས་བསམ་པ་ནི། །དེ་ཡང་སྤྲོ་བར་གནས་པར་བསམ། །མཱ་མ་ཀཱི་ཡང་ཆུ་ཡི་ཁམས། །བརླན་ཞིང་ཁྲག་ནི་རྒྱུ་བའི་ཕྱིར། །རྣལ་འབྱོར་པས་ནི
43a6 ཡིད་ཀྱིས་བསམ། །དེ་ཡི་ལུས་ནི་རྒྱས་པར་འགྱུར། །མེ་ཡི་ཁམས་ཀྱི་རང་བཞིན་དུ། །གོས་དཀར་མོ་ཡང་གཞུག་པར་བྱ། །ཀུན་དུ་ཁྱབ་པར་བཞུགས་པ་ཡི། །འོད་རྣམས་སུ་ནི་དེར་འགྱུར་རོ། །སྒྲོལ་མ་རླུང་གི་རང་བཞིན་དུ། །བཞུགས
43a7 པར་དེ་ནི་བསམ་པར་བྱ། །རླུང་ནི་རྣམ་པ་ལྔ་རུ་འགྱུར། །དེ་བཞིན་ཡིད་མགྱོགས་རྫུ་འཕྲུལ་འགྲུབ། །རྡོ་རྗེ་དབྱིངས་ཀྱི་དབང་ཕྱུག་མ། །ནམ་མཁའི་རང་བཞིན་དག་ཏུ་འཇུག་།དེ་ལུས་ཁོང་སྟོང་ཉིད་ལ་ནི། །རང་སེམས་ཡོན་ཏན་བསྒོམ་པའི་སེམས། །
iiif viewer powered by OpenSeadragon
