| e-texts navigator |
| Wylie |
42b1 བསམ་པ་ནི། །དམར་དང་མཐིང་ག་དཀར་བའི་ཞལ། །པདྨ་རཱ་གའི་མདོག་ལྟ་བུ། །པདྨའི་ཕྱག་རྒྱ་སྙིང་ག་ན། །རྡོ་རྗེ་རིན་ཆེན་གཡས་པ་ན། །འཁོར་ལོ་རལ་གྲི་གཡོན་པ་ན། །པདྨ་ལ་ནི་མཉམ་གཞག་བསམ། །བྱང་ཕྱོགས་གནས་སུ་དོན་གྲུབ་ནི། །
42b2 ལྗང་གུ་མཐིང་ག་དཀར་བའི་ཞལ། །རལ་གྲི་ཕྱག་རྒྱ་སྙིང་ག་ན། །འབར་བའི་ཕྲེང་བས་མཉམ་པའིའོ། །པདྨ་རྡོ་རྗེ་གཡས་པ་ན། །འཁོར་ལོ་རིན་ཆེན་གཡོན་པ་ན། །ཟླ་བའི་དཀྱིལ་འཁོར་དབུས་གནས་པ། །བྱང་གི་གནས་སུ་བསམ་པར་བྱ། །སྔགས
42b3 པས་ཕྱག་དྲུག་བསམ་པ་ནི། །སྤྱན་དེ་ཞལ་གསུམ་དཀར་མོ་ཡི། །རྣམ་པར་སྣང་མཛད་ཕྱག་རྒྱ་བཞིན། །དེ་ཡི་དོན་དུ་རྣམ་པར་བསྒོམ། མཱ་མ་ཀཱི་ཡང་བསམ་པ་ནི། །ུཏྤལ་དང་ནི་མཐིང་འདྲ་བ། །ཞལ་གསུམ་ཕྱག་དྲུག་ཆགས་པ་སྟེ། །མི
42b4 བསྐྱོད་ཕྱག་རྒྱ་མཆོག་འཛིན་པའོ། །ཆགས་པས་ཆགས་པ་རིགས་ཀྱི་སྔགས། །ཞལ་གསུམ་ཕྱག་དྲུག་དགེ་བ་སྟེ། །སྦྱོར་བའི་ས་ནི་དཀར་མོ་བསམ། །པདྨ་རཱ་གའི་ཕྱག་རྒྱའོ། །སྒྲོལ་མ་ཁ་དོག་སེར་མོ་སྟེ། །འཁྲིལ་བག་རྒྱན་གྱིས་རབ་ཏུ་བརྒྱན། །
42b5 ཞལ་གསུམ་ཕྱག་དྲུག་རབ་ཏུ་བསམ། །ཐོགས་མེད་རྒྱལ་པོའི་ཕྱག་རྒྱའོ། །སྒོ་བཞི་སྒོ་སྲུངས་དགོད་བྱ་བ། །སྒོ་རྣམས་སུ་ནི་ཁྲོ་བོ་བསམ། །ཁྲོ་བོ་ཆེན་པོ་གཤིན་རྗེའི་གཤེད། །གཞན་གྱིས་མི་ཐུབ་དེ་བཞིན་ཏེ། །ཐུབ་པར་དཀའ་བ་རྟ་མགྲིན་དང་། །
42b6 ཁྲོ་བོ་བདུད་རྩི་འཁྱིལ་བ་བསམ། །དེ་དག་ཀུན་ཀྱང་ཞལ་གསུམ་པ། །དྲག་ཅིང་དྲག་པོར་གནོན་པའོ། །མཐིང་ག་སེར་པོ་དེ་བཞིན་དམར། །ལྗང་གུ་དག་ནི་ཁ་དོག་ཏུའོ། །མཚོན་ཆ་སྣ་ཚོགས་འཛིན་པ་སྟེ། །ཐོད་པའི་ཕྲེང་ཐོགས་དེ་བཞིན་ནོ། །
42b7 གདོན་རྣམས་ཐམས་ཅད་སྐྲག་བྱེད་པ། །གནོད་སྦྱིན་སྲིན་པོ་ཕྲ་མེན་མ། །མ་ཧེ་སེང་གེ་སྟག་རྣམས་དང་། །བ་ལང་ཞོན་པ་རྣམས་བཞིའོ། །རྣམ་པར་འགྱུར་བའི་ཁྲོ་གཉེར་ཅན། །ཁྲོ་བོ་སྤྱན་ནི་ཀུན་ནས་བསྡུས། །སྔགས་འདི་རྣམས་ཀྱིས
iiif viewer powered by OpenSeadragon
