| e-texts navigator |
| Wylie |
42a1 བརྒྱན། །རྟག་པར་དོ་ཤལ་མེ་ལོང་དང་། །མེ་ཏོག་ཕྲེང་བས་རྒྱན་རྣམས་བྲེས། །དེ་ཡི་དབུས་སུ་སེང་གེའི་གདན། །སེང་གེ་བརྒྱད་ཀྱིས་རྣམ་པར་བརྒྱན། །སྨོན་ལམ་དབང་གིས་དེ་དག་ཀུན། །བྱང་ཆུབ་སེམས་དཔའ་མཐུ་བོ
42a2 ཆེ། །ཤར་ཕྱོགས་བ་གླང་ཤིན་ཏུ་རྒྱས། །ལྷོ་ཕྱོགས་རྟ་ཡི་གདན་བཟང་སྟེ། །ནུབ་ཕྱོགས་སུ་ནི་རྨ་བྱ་བཤད། །དེ་བཞིན་བྱང་ཕྱོགས་ནམ་མཁའ་ལྡིང་། །མི་བསྐྱོད་ཁྲོ་བོ་བསམ་པ་ནི། །མཐིང་ག་དཀར་པོ་དམར་པོའི་ཞལ། །རྡོ་རྗེ་ཕྱག་རྒྱ
42a3 ཐུགས་ཀ་ན། །མཐིང་ག་ཁ་དོག་གསལ་ལ་བཟང་། །གཡས་ན་རིན་ཆེན་འཁོར་ལོ་སྟེ། །རལ་གྲི་པདྨ་གཡོན་པ་ན། །འཇིག་རྟེན་ཁམས་ནི་ཀུན་འཁྲུག་པའོ། །བརྟུལ་ཞུགས་ཅན་གྱིས་ཞལ་གསུམ་བསམ། །དང་པོ་ཡི་ནི་སྟོང་པ་ཉིད། །
42a4 གཉིས་པ་དེ་བཞིན་མཚན་མ་མེད། །གསུམ་པ་སྨོན་པ་མེད་པ་ཡི། །ཞལ་དུ་མཁས་པས་རིག་པར་བྱ། །ཕྱག་དྲུག་རྟག་ཏུ་འབར་བར་བསྒོམ། །མཚོན་ཆ་སྣ་ཚོགས་རྣམས་དང་ལྡན། །པདྨ་ལ་ནི་མཉམ་གཞག་ནས། །ཡེ་ཤེས་ཕྱག་རྒྱ
42a5 སྙིང་ག་ནང་། །དབུས་ཀྱི་གནས་སུ་བསམ་པ་ནི། །རྡོ་རྗེ་སྐྱིལ་མོ་ཀྲུང་དུ་གནས། །ཤར་གྱི་གནས་སུ་བསམ་པ་ནི། །སྔགས་པ་རྣམ་སྣང་ཐུབ་པ་སྟེ། །དཀར་དང་མཐིང་ག་དམར་བའི་ཞལ། །འཁོར་ལོ་ཕྱག་རྒྱ་སྙིང་ག་ན། །རྡོ་རྗེ་འབར
42a6 སོགས་འོད་གསལ་བ། །རིན་ཆེན་རྡོ་རྗེ་གཡས་པ་ན། །རལ་གྲི་པདྨ་གཡོན་པ་ན། །རྣལ་འབྱོར་ཅན་གྱིས་རྟག་པར་བསམ། །ཐོར་ཚུགས་དབུ་རྒྱན་དག་གིས་བརྒྱན། །རིན་ཆེན་མགོན་པོ་ལྷོ་ཕྱོགས་ན། །སེར་དང་མཐིང་ག་དཀར་བའི་ཞལ། །
42a7 རིན་ཆེན་ཕྱག་རྒྱ་སྙིང་ག་ནས། །མརྒད་ལྟ་བུར་སྣང་བའོ། །གཡས་ན་འཁོར་ལོ་རལ་གྲི་སྟེ། །རྡོ་རྗེ་པདྨ་གཡོན་ནའོ། །རྟག་པར་རྣལ་འབྱོར་པས་བསམ་པ། །རིན་ཆེན་ཆར་དུ་འབེབས་པའོ། །ནུབ་ཕྱོགས་གནས་སུ་དགོད་བྱ་བ། །སྣང་བ་མཐའ་ཡས
iiif viewer powered by OpenSeadragon
