| e-texts navigator |
| Wylie |
41b1 སུ། །རྣམ་བརྟགས་ཨེ་མའོ་འཇིག་རྟེན་ཀུན། །སྡུག་བསྔལ་ཆོས་ཀྱིས་ཀུན་ནས་གཙེས། །བྱང་ཆུབ་སེམས་ཉམས་སེམས་ཅན་རྣམས། །ཀུན་ལས་འབྱུང་ཞེས་དམ་བཅས་པའི། །སྔགས་པས་སྤྱི་བོར་བཞག་པ་ནི། །ཱཿསེམས་ཀྱི་རྡུལ་ཕྲན
41b2 ཆ་དྲུག་རྣམས། །ཕྱོགས་བཅུ་དག་ཏུ་ཕྱེ་ནས་སུ། །ཆོས་ཀྱི་དོན་རྣམས་དེས་བསལ་ནས། །ཤིན་ཏུ་དྲི་མེད་སེམས་དག་པ། །འདས་དང་མ་འོངས་པ་ཡི་སེམས། །ད་ལྟར་ཡང་ནི་དམིགས་སུ་མེད། །གཉིས་མེད་དེ་ལ་གཉིས་མེད་མེད། །ནམ
41b3 མཁའ་ཞེས་པའང་གནས་པ་མེད། །དེ་ལྟར་ཀུན་དུ་བརྟགས་ནས་སུ། །འགྲོ་བ་ཐམས་ཅད་ཤིན་ཏུ་སྟོང་། །དྲི་མེད་རྣལ་འབྱོར་ཉིད་ཀྱི་ཡིན། །དངོས་པོ་མེད་པར་རང་སེམས་བསམ། །འགྲོ་བ་འདི་ནི་དེ་ལྟ་བུའི། །དངོས་པོ་གང་དག་ཡོད་མིན
41b4 ན། །སྡུག་བསྔལ་སྣ་ཚོགས་གང་དག་ལགས། །སེམས་ཉམས་སེམས་ཅན་འབྱུང་བར་བསྒོམ། །འོན་ཀྱང་སྔོན་གྱི་སྨོན་ལམ་ཤུགས། །དབྱངས་ཡིག་སྤེལ་བའི་གླུ་ལྡན་བྱ། །རིན་ཆེན་སེམས་ནི་རྨུགས་པ་ལ། །བདེ་གཤེགས་རྣམས་ཀྱིས
41b5 བསྐུལ་བར་སྣང་། ཤཱུ་ནྱ་ཏཱ་ཏི་ཡོ་ག་པཱ་ད~ཾ་སྭཱ་ཧཱ། པྲ་བྷ་བཱི་ཨཱ་ཀཱ་ཤ་ཏ་མཱ་པ་ག་ཏ་ས་མ་ཡ། ཨུ་པ་ཏ་པ་ཡནྟི་སུ་ག་ཏ་སུ་ག་ཏེ་ག་ཏི་ཤྲཱི་བཛྲ་སྭཱ་ཧཱ། པཱུ་པུ་སྟ~ཾ་ཧ~ཾ། རྣམ་རྟོག་ཀུན་སྤངས་དྲི་མེད་པའི། །རྣམ་པར་མི་རྟོག་སྒོམ་པའི་སེམས། །སྔགས
41b6 ཀྱི་དེ་ཉིད་བསྐྱོད་བྱས་ལ། ཧཱུ~ཾ་ཞེས་པ་ཡི་གཟུགས་སུ་བརྟག་།ཏིང་ངེ་འཛིན་གྱིས་དབང་འགྱུར་ན། །གང་ཕྱིར་དེ་ནི་བསྒོམས་པས་ཐོབ། །དམ་པ་ནམ་མཁའི་དབྱིངས་ལ་གནས། བྱང་ཆུབ་སེམས་ཚོགས་དེར་བཅས་ལ། །རྣལ་འབྱོར་ཡིད་ཀྱིས
41b7 ཀུན་བསམས་ནས། །རྒྱས་པར་རྣམ་པར་བརྟག་པར་བྱ། །ཡི་གེ་བྷྲཱུ~ཾ་གྱིས་ལྷ་ཡི་གནས། །རྡོ་རྗེ་རིན་ཆེན་གྱིས་ནི་བརྒྱན། །སྒོ་ཁྱུད་རྟ་བབས་ཀ་བ་དག་།དར་གྱི་ཕྲེང་བས་རྣམ་པར་བཀླུབས། །གྲུ་བཞི་པ་ལ་སྒོ་བཞི་པ། །དྲིལ་བུའི་དྲ་བ་དག་གིས
iiif viewer powered by OpenSeadragon
