| e-texts navigator |
| Wylie |
40b1 གྱིས་རབ་བརྒྱན་རབ་མཛེས་པ། །བཙལ་ཏེ་བླ་མ་ལ་ཕུལ་ནས། །དེ་ནས་རྒྱལ་དབང་སློབ་མ་དེ། །ནང་གི་སྦས་པ་བཏུས་པ་ཡི། །གསང་བ་མཉམ་པར་འཇུག་པ་ཡི། །སྦྱོར་དང་ལྡན་པས་དབང་བསྐུར་བྱ། །རྡོ་རྗེ་པདྨོ་ལས་དྲང་བ། །སྦོམ
40b2 པོ་མཐའ་ལྟག་རྩེ་སྦྱར་ནས། །རྐན་དུ་རྡོ་རྗེ་གཞག་པར་བྱ། །ཀྱེ་མའོ་བདེ་བ་བདེ་བ་ཆེ། །ཀྱེ་མའོ་དམ་ཚིག་བདེ་བརྗོད་ཅིང་། །ཀྱེ་མའོ་བདེ་བ་བླང་བར་བྱའོ། །འདི་ནི་གསང་བ་ཞེས་བྱ་བའི། །དེ་དབང་བསྐུར་བའི་ཐབས་མཆོག་གོ། །ཡང་ན
40b3 ཤིན་ཏུ་དད་ལྡན་པ། །གཟུགས་བཟང་སྒྲུབ་ལ་དགའ་བ་དང་། །སྦྱོར་གོམས་བླ་མ་ལ་ནི་དབུལ། །བླ་མས་བྱིན་བརླབས་ལྷ་མོ་དང་། །སྒྲུབ་པ་དེ་ལ་སྦྱིན་པར་བྱ། །དེ་ཡིས་བླངས་ནས་བརྩོན་པའི་ཚོགས། །ཅི་སྐད་གསུངས་བཞིན་རབ་བྱས་ནས། །
40b4 རང་གི་ལྷ་དང་སངས་རྒྱས་དང་། །བྱང་ཆུབ་སེམས་དཔའི་ཚོགས་རྣམས་ཀུན། །མཉེས་བྱེད་ཆོ་གས་སེམས་བརྟགས་ཏེ། །མངོན་སུམ་བདེ་བ་རང་འབྱུང་བ། །གཞན་གྱིས་གང་དུ་བསྒྲག་མི་ནུས། །གོ་བའི་ཡུལ་དེ་བདེ་བ་ཆེ། །བླ་མ་དེ་ལ་དབུལ་བར
40b5 བྱ། །བླ་མ་གཞན་ལ་དེ་བཞིན་དུ། །ཅི་དགའ་བར་ནི་ཡོན་ཡང་དབུལ། །སློབ་དཔོན་ཅུང་ཟད་ཅི་འདོད་པ། །ཡིད་ལ་བསམས་པ་དབུལ་བར་བྱ། །དམ་ཚིག་འདའ་བས་འཇིགས་པའི་ཕྱིར། །བསྒྲིམས་ཏེ་དེ་བཞིན་དབུལ་བར་བྱ། །སློབ་དཔོན
40b6 གྱི་ནི་ཡུལ་གྱི་མཆོག་། རིགས་ཀྱི་ཁྱད་པར་གྱིས་ནི་ལྔ། །བུམ་པའི་དབང་སོགས་དབྱེ་བ་ཡིས། །ཡང་ན་གསུམ་དུ་འགྱུར་བ་ཡིན། །རང་གི་མ་དང་སེང་གེ་གདན། །ཡོན་གྱི་མཆོག་སྟེ་སངས་རྒྱས་རིགས། །གསེར་དང་གླང་པོ་རིན་ཆེན་དང་། །
40b7 སྲིང་མོ་བླ་མ་ལ་དབུལ་བ། །རྡོ་རྗེ་སེམས་དཔའི་རིགས་ཡིན་ཏེ། །ཡོན་དེ་ཡོན་གྱི་མཆོག་ཡིན་ནོ། །ཤིང་རྟ་རྟ་ནི་ཤིན་ཏུ་བརྒྱན། །རང་གི་ཆུང་མ་དབུལ་བྱ་སྟེ། །རིན་ཆེན་སྣ་ཚོགས་རྣམ་དག་པ། །ཡོན་དེ་རིན་པོ་ཆེ་ཡི་རིགས། །མུ་ཏིག་ཕྲེང་བ་ཤིན
iiif viewer powered by OpenSeadragon
