| e-texts navigator |
| Wylie |
40a1 སྲེག་པར་བྱེད། །དམ་ཚིག་བསྲུངས་ན་དངོས་གྲུབ་པའི། །འཐུང་ཤིག་རྡོ་རྗེ་བདུད་རྩིའི་ཆུ། །བཛྲ་ཨུདྐ་ཋ། དེ་ནས་སངས་རྒྱས་ཐམས་ཅད་ཀྱི། །དམ་ཚིག་དང་ནི་སྡོམ་པ་རྣམས། །བླ་མས་སློབ་མ་སྡིག་བྲལ་ལ། །ཅི་ལྟ
40a2 བ་བཞིན་བསྒྲག་པར་བྱ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རི་མོའི་དཀྱིལ་འཁོར་གྱི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །དབང་བསྐུར་བ་ཡི་ཆོ་གའི་མཆོག་།གང་གིས་ལེགས་པར་བྱེད་འགྱུར་ན། །དེ་ནི
40a3 སངས་རྒྱས་ཉིད་དུ་འགྲུབ། །སློབ་དཔོན་མཚན་ཉིད་ཐམས་ཅད་ལྡན། །ཡང་དག་ཤེས་ཤིང་རྒྱུད་ཤེས་པ། །དེ་ཉིད་བཅུ་ལ་སོགས་པ་ཡི། །གསང་རིག་ཆོ་ག་ཤེས་པ་པོས། །བསྒྲིམས་ཏེ་སློབ་མ་ཡང་དག་གཟུང་། །བླ་མ་ལ་གུས་དད་པའོ། །
40a4 དགེ་བསྒོམ་ལྷ་རྣམས་མཆོད་བྱེད་པ། །གཏོང་ཕོད་ཡོན་ཏན་ལྡན་པའོ། །དེ་ནས་སློབ་མ་དེ་ཡིས་ཀྱང་། །ལངས་ཏེ་ཞབས་ལ་མགོས་གཏུགས་ནས། །རྒྱལ་པོ་དབང་ཕྱུག་བདེ་དམ་པ། །གོས་དང་རྒྱན་གྱིས་ལེགས་པར་བགོས། །སྟེང་དུ་བླ་རེ་བྲེ་བར
40a5 བྱ། །གདུགས་དང་རྒྱལ་མཚན་བ་དན་དང་། །ལྷམ་དང་ཚངས་པའི་སྐུད་པ་དང་། །གདུ་བུ་དག་དང་སྐ་རགས་དང་། །བཀྲ་ཤིས་ཚིགས་བཅད་སྣ་ཚོགས་ཀྱིས། །སློབ་མ་སྡིག་དང་བྲལ་བ་ལ། །སློབ་དཔོན་གྱིས་ནི་དབང་བསྐུར་རོ། །དང་པོ་རྣམ་རྒྱལ
40a6 བུམ་པ་དང་། །དེ་ནས་ལྷ་མོ་བཞི་རྣམས་དང་། །ལྷ་རྣམས་ཀུན་གྱི་བཞི་པོ་ཡིས། །བཀྲ་ཤིས་ཚིགས་བཅད་གླུ་སྒྲ་དང་། །རྡོ་རྗེ་དྲིལ་བུ་གསིལ་བ་ཡིས། །སྐྱོབ་པའི་དཀྱིལ་འཁོར་མངོན་སུམ་དུ། །ཏིལ་གྱི་གང་བུ་བཞིན་གང་བའི། །རྒྱལ་བས་བུམ
40a7 པ་བཟུང་ནས་ནི། །དེ་ཉིད་ལ་ནི་དབང་བསྐུར་བར། །དཀྱིལ་འཁོར་དེ་ཉིད་རིག་པར་བསམ། །དེ་ལྟ་བུ་ནི་བསམས་ནས་ཀྱང་། །ཆོས་ཀྱི་མཚན་ཉིད་བསྟན་པར་བྱ། །དེ་ནས་ཡིད་འོང་བུ་མོ་ནི། །ལེགས་པར་གོམས་པ་དབང་ཐོབ་པ། །རྒྱན
iiif viewer powered by OpenSeadragon
