| e-texts navigator |
| Wylie |
39a1 བདེ་མཆོག་སོགས་ལ་ང་ཡིས་ནི། །ལས་དང་བཅས་པར་རབ་བཤད་པ། །རྣལ་འབྱོར་རྟོགས་པས་ཤེས་བྱའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྔགས་ཀྱི་ལེའུ་སྟེ་གཉིས་པའོ། །དེ་ནས་མཁའ་འགྲོ
39a2 གྲོང་ཁྱེར་མཆོག་། དཀྱིལ་འཁོར་འཇིགས་པ་བྲི་བར་བྱ། །ལས་ཀྱི་ཆོ་ག་ཤེས་པ་ཡིས། །ཅི་རིགས་པར་ནི་ལས་རྣམས་བྱ། །ཉི་ཤུ་རྩ་ལྔའི་སྲད་བུ་ནི། །སེམས་མེད་ལས་བྱུང་བྱས་ནས་སུ། །བྱིན་རླབས་མི་བསྐྱེད་རྟག་པ་རུ། །བྱས་ཏེ
39a3 ཐིག་ནི་གདབ་པའོ། །གྲུ་བཞི་པ་ལ་སྒོ་བཞི་པ། །ཏྭ་ར་ཎ་བཞིས་བརྒྱན་པ་སྟེ། །དར་དང་མེ་ཏོག་ཕྲེང་བས་བཀླུབས། །སྲད་བུ་བཞི་དང་རབ་ལྡན་པ། །ཟུར་གྱི་ཆ་ནི་ཐམས་ཅད་དུ། །ཟླ་བ་རིན་ཆེན་རྡོ་རྗེ་དགོད། །ལས་ཀྱི་བྱེ་བྲག་ཤེས་པ་ཡིས། །
39a4 བློ་དང་ལྡན་པས་ཕྱག་རྒྱ་དགོད། །ིནྡྲ་ནཱི་ལ་ལྟ་བུ་ཡི། །འཇིགས་བྱེད་རྡོ་རྗེ་དབུས་སུ་བྲི། །ཤར་དུ་རྩིབས་བརྒྱད་འཁོར་ལོ་དཀར། །ལྷོ་རུ་རིན་ཆེན་ཟུར་དགུ་ལྗང་། །ནུབ་ཏུ་འདབ་བརྒྱད་པདྨ་དམར། །བྱང་དུ་རལ་གྲི་སྔོན་པོ་བྲི། །མེ་ཡི་མཚམས
39a5 སུ་འཁོར་ལོ་སྔོན། །བདེན་བྲལ་ཨུཏྤལ་དམར་པོ་དང་། །རླུང་གི་མཚམས་སུ་པདྨ་དམར། །དབང་ལྡན་ཨུཏྤལ་སེར་པོ་སྟེ། །རྡོ་རྗེ་ཐོ་བ་ཤར་གྱི་སྒོ། །ལྷོ་ཡི་སྒོ་རུ་རྡོ་རྗེ་དབྱུག་།པདྨའི་སྡོང་བུ་ནུབ་ཀྱི་སྒོ། །བྱང་སྒོ་རྡོ་རྗེ་ཁ་བྱེ་བ། །སྦྱོར་བ་ལྡན་པས
39a6 དགོད་པར་བྱ། །རྣམ་པ་ཉི་ཤུ་རྩ་ལྔར་ནི། །ཚོན་རྩི་དག་ཀྱང་བསྒོམ་བྱ་སྟེ། །རྡུལ་ཚོན་ལྔ་ལ་སོགས་པ་རྣམས། །རིམ་པ་བཞིན་དུ་གདབ་པར་བྱ། །དེ་ནས་བུམ་པ་གཟུང་བྱ་བ། །རྩ་བ་ནག་ནོག་མེད་པ་ཡི། །ཞབས་བརྟན་མགྲིན་རིང་མཆུ་འཕྱང
39a7 བ། ལྷ་ཡི་གྲངས་ཙམ་སྟ་གོན་གནས། །མགུལ་པར་རས་ཀྱིས་ཡང་དག་དཀྲིས། །ལྡུམ་བུ་ཡིས་ནི་ཁ་མཛེས་པ། །རིན་ཆེན་སྨན་འབྲུ་སྣ་ལྔ་དང་། །སྤོས་ཆུ་ཡིས་ནི་རབ་བཀང་ནས། །བུམ་པ་མངོན་པར་བསྔགས་པར་བྱ། རྣམ་རྒྱལ་བུམ
iiif viewer powered by OpenSeadragon
