| e-texts navigator |
| Wylie |
38a1 གྱི་ཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཞིང་སྒྱུར་བ་དང་། འདོར་ཞིང་བསྐུལ་བ་དང་འཇོག་ཅིང་འདེགས་པའི་རྣམ་པར་གནོན་པས་ནམ་མཁའི་དབྱིངས་འདི་ཐམས་ཅད་ཀུན་དུ་ཁྱབ་པར་མཛད་དེ། རླུང་གི་ཁམས་ཆེན་པོར་ཀུན
38a2 ཏུ་ཁྱབ་པར་མཛད། དེ་ལ་ཁྱབ་ནས་མེའི་ཁམས་ཆེན་པོར་ཀུན་དུ་ཁྱབ་པར་མཛད་དེ། དེ་ནས་ཆུའི་ཁམས་ཆེན་པོར་ཀུན་དུ་ཁྱབ་པར་མཛད། དེ་ནས་སའི་ཁམས་ཆེན་པོར་ཀུན་དུ་ཁྱབ་པར་མཛད་དོ། །དེ་ཡང་ཀུན་དུ་ཁྱབ་ནས་བཅོམ་ལྡན
38a3 འདས་བྱང་ཆུབ་ཀྱི་སེམས་ལ་ཀུན་དུ་ཁྱབ་པར་མཛད་དོ། །རི་དང་སེམས་ཅན་ཐམས་ཅད་དང་། །སྣ་ཚོགས་ཕྲ་བ་སྦོམ་པོ་དང་། །བུད་མེད་གཞོན་ནུ་རྒན་པོ་དང་། །སྐྱེས་པ་དང་ནི་མ་ནིང་དང་། །ལྷ་དང་ཀླུ་དང་གནོད་སྦྱིན་དང་། །གདོན་དང་སྐར་མ
38a4 གཤིན་རྗེ་དང་། །ཆུ་བདག་བརྒྱ་བྱིན་ལ་སོགས་དང་། །འབྱུང་དང་འབྱུང་འགྱུར་ཐམས་ཅད་ལ། །བཅོམ་ལྡན་འདས་ནི་བདེ་ཆེན་པོ། །ཀུན་དུ་བཟང་པོ་རྡོ་རྗེ་འཛིན། །ཀུན་དུ་ཁྱབ་པར་བྱས་ཏེ་གནས། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རྡོ་རྗེ
38a5 མཁའ་འགྲོ་བྱིན་གྱིས་རློབ་པའི་ལེའུ་སྟེ་དང་པོའོ། ། །།དེ་ནས་གཞན་ཡང་བཤད་བྱ་བ། །ལས་ཀྱི་མཆོག་རྣམས་འགྲུབ་བྱེད་པའི། །གསང་སྔགས་རྣམས་ནི་བཤད་པར་བྱ། །རྩེ་གཅིག་སེམས་ཀྱིས་མཉན་པར་བྱའོ། །ོཾ་ཨ་ཀཱ་རོ
38a6 མུ་ཁཾ་སརྦ་དྷརྨཱ་ཎཱཾ་ཨཱདྱཱ་ནུཏྤནྣ་ཏྭཱཏ། གཏོར་མའི་སྔགས་སོ། ། ཨཱ། ཨི་ཨཱི། ཨུ་ཨཱུ། ཨེ་ཨཻ། ཨོ་ཨཽ། ཨ་ཨཿ། བུད་མེད་དོ། །རྀ་རཱྀ། ལྀ་ལཱྀ། མ་ནིང་ངོ་། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། སྐྱེས
38a7 པའིའོ། །ཡ་ར་ལ་ཝ་འབྱུང་བའིའོ། །ཤ་ཥ་ས་ཧ་འཇིགས་པ་ལ་སོགས་པའོ། །ཀྵཿཆོས་ཀྱི་དབྱིངས་ཀྱིས་བོན་ནོ། །བཛྲ་དྷྲྀཀ་ཧཱུ~ཾ། ཛི་ན་ཛིཀ་བྷྲཱུ~ཾ། རཏྣ་དྷྲྀཀ་ཨ~ཾ། ཨཱ་རོ་ལིཀ་ཛྲཱ+ེཾ། པྲཛྷྲ་དྷྲྀཀ་ཁ~ཾ། མཁའ་འགྲོ་ཆེན་པོ་ལྔའིའོ། །དྭེ་ཥ་ར་ཏི་མཱ~ཾ། མོ་ཧར
iiif viewer powered by OpenSeadragon
