| e-texts navigator |
| Wylie |
36b1 མཁའ་འགྲོ་ཆེན་པོ་དང་། ཚོར་བའི་མཚན་ཉིད་སིམ་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། འདུ་ཤེས་ཀྱི་མཚན་ཉིད་ནུབ་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། འདུ་བྱེད་ཀྱི་མཚན་ཉིད་ལ་རྟོག་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། རྣམ
36b2 པར་ཤེས་པའི་མཚན་ཉིད་བསྡུས་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་ལ་སོགས་པ་ནམ་མཁའི་དབྱིངས་དང་མཉམ་པ་རྣམས་ཀྱིས་སངས་རྒྱས་ཀྱི་ཞིང་འདི་ཏིལ་གྱི་གང་བུ་ལྟ་བུར་གང་བར་སྣང་ངོ་། །དེ་ནས་རྡོ་རྗེ་མཁའ་འགྲོ་དེ་དག་ཐམས་ཅད་གཅིག་ཏུ་འདུས
36b3 ནས་མཁའ་འགྲོ་ཆེན་པོ་རྡོ་རྗེ་འཛིན་པ་ཆེན་པོ་ལ་མཆོད་པའི་སྤྲིན་སྤྲོས་པ་དུ་མ་ཡིད་ལས་བྱུང་བ་ལྷ་དང་མིའི་མཆོད་པ་ལས་ཁྱད་པར་དུ་འཕགས་པས་མཆོད་ནས་ཕྱག་འཚལ་ཏེ། འདི་སྐད་ཅེས་གསོལ་ཏོ། །དེ་བཞིན་གཤེགས་རྣམས་ཐམས་ཅད་ཀྱི། །
36b4 གསང་གསུམ་བསྡུས་པའི་སྤྱོད་པའི་མཆོག་།རྡོ་རྗེ་སྙིང་པོའི་རྒྱན་གྱི་རྒྱུད། །འདྲེན་པ་མཆོག་གིས་བཤད་དུ་གསོལ། །དེ་ནས་རྡོ་རྗེ་ཆེན་པོས་གསོལ་བ་བཏབ་པའི་ཚིག་གསན་ནས་མཁའ་འགྲོ་ཐམས་ཅད་ལ་རྣམ་པར་བལྟས་ཏེ་ཅང་མི་གསུང་བར་བཞུགས་སོ། །
36b5 དེ་ནས་བྱང་ཆུབ་སེམས་དཔའི་རྡོ་རྗེ་མཁའ་འགྲོ་དེ་དག་ཐམས་ཅད་ཀྱིས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གི་ཡོན་ཏན་ཁྱད་པར་དུ་འཕགས་པའི་རྡོ་རྗེ་མཁའ་འགྲོ་ཆེན་པོ་ལ་སོགས་པའི་འཁོར་དུ
36b6 འཆད་དུ་མི་བཞེད་པ་དེ་བདག་ཅག་ལ་མི་དགྱེས་སུ་མ་མཛད་ཅིག་། དེ་ནས་དེ་བཞིན་གཤེགས་པའི་བདག་པོ་རྡོ་རྗེ་འཛིན་པ་ཆེན་པོས་འཁོར་གྱི་དཀྱིལ་འཁོར་ལ་རྣམ་པར་བལྟས་ཏེ་ཚིགས་སུ་བཅད་པ་གསུངས་པ། སེམས་དཔའ་ཆེན་པོས་ཞུས་པ་ལེགས། །
36b7 ས་འོག་མ་ཡི་སངས་རྒྱས་ཀྱང་། །འདི་ཡི་གཞུང་གིས་སེམས་རྨོངས་ན། །སེམས་དཔའ་གཞན་ནི་སྨོས་ཅི་དགོས། །སངས་རྒྱས་ཆོས་ཉིད་དག་པ་འདི། །བྱིས་པ་རྣམས་ཀྱིས་མི་རྟོགས་ཕྱིར། །བྱིན་གྱིས་བརླབས་ནས་འཆད་པ་ནི། །སྟོན་པ་རྣམས
iiif viewer powered by OpenSeadragon
