| e-texts navigator |
| Wylie |
106a1 ཐུགས་ཀྱི་སྙིང་པོ་གསང་བ་གསང་བ་འདུས་པ་རྡོ་རྗེ་གསུམ་བསྟན་པའི་ལེའུ་སྟེ་གཉིས་པའོ། ། །།དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་དང་། གསུང་རྡོ་རྗེ་དང་། ཐུགས་རྡོ་རྗེ་གཉིས་སུ་མེད་པའི
106a2 ཡེ་ཤེས་སྟོན་པར་མཛད་པའི་ཕྱིར། གསང་བའི་བདག་པོ་རྡོ་རྗེ་འཛིན་པ་ཉིད་ཀྱིས་ཆོས་ཐམས་ཅད་ལས་རྣམ་པར་རྟོག་པ་མེད་ཅིང་རྡུལ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་འདུས་པ་རྣམས་ལ་ཡང་དག་པའི་སྣང་བ་སྟོན
106a3 པར་མཛད་པའི་ཕྱིར་འདི་གསུངས་སོ། །ཆོས་རྣམས་མི་འགྱུར་ནམ་མཁའ་བཞིན། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་སེམས་དཔའ་དེ་བཞིན་གཤེགས། །བླ་མ་ཉིད་དུ་སྟོན་པར་མཛད། །སྔགས་ཀྱི་སྤྱོད་པ་སྤྱོད་མཆོག་གིས། །གསང་བའི
106a4 ཚུལ་འདི་སྤྱད་པ་ན། །གང་སྤྱོད་དེ་ཡིས་ཡེ་ཤེས་འཐོབ། །ཚུལ་འདི་ཤིན་ཏུ་འདའ་དཀའ་བའོ། །མཁའ་དང་མཚུངས་པ་མཉམ་འགྱུར་བས། །རྣམ་པར་མི་རྟོག་ངོ་བོ་ཉིད། །ཆོས་རྣམས་རང་བཞིན་དག་པ་ལས། །ཡང་དག་སྐུ་ནི་རབ་ཏུ་འབྱུང་། །
106a5 ཨོཾ་སྭ་བྷཱ་བ་ཤུད་དྷཱཿསརྦ་དྷ་རྨཱཿསྭ་བྷཱ་བ་ཤུད་དྷོུ྅ཧ~ཾ། ཨོཾ་ཡོ་ག་ཤུད་དྷཱཿསརྦ་དྷརྨཱཿཡོ་ག་ཤུད་དྷོུ྅ཧ~ཾ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་ན་བཛྲ་སྭ་བྷཱ་བ་ཨཱཏྨ་ཀོུ྅་ཧ~ཾ། །དག་པའི་སྔགས་ཀྱི་སྒྲ་རྣམས་དང་། །སྔགས་དང་རླུང་དུ་སྦྱར་བ་ཉིད། །རང་བཞིན་དག་པའི་ཡེ་ཤེས་ལན
106a6 ག། །ཆོས་རྣམས་ཡི་གེ་སྟོང་པར་བརྗོད། །རྡོ་རྗེ་མི་བསྐྱོད་རྒྱལ་མཆོག་ནི། །ཞེ་སྡང་ཅན་གྱི་གདུལ་བྱ་ལ། །རྡོ་རྗེ་རིགས་ཀྱི་དཀྱིལ་འཁོར་གྱིས། །གཏུམ་ཞིང་གདུག་པ་ཐམས་ཅད་འདུལ། །དཀོན་མཆོག་དཔལ་གྱི་རྒྱ་ཆེན་གྱིས། །ང་རྒྱལ་ཅན་གྱི
106a7 གདུལ་བྱ་རྣམས། །རིན་ཆེན་རིགས་ཀྱི་དཀྱིལ་འཁོར་གྱིས། །སེར་སྣས་འཇུངས་པ་ཐམས་ཅད་བཏུལ། །ཚེ་དཔག་མེད་ཀྱིས་འོད་བྱེད་ཀྱིས། །འདོད་ཆགས་ཀྱིས་ནི་བཅིངས་པ་རྣམས། །པདྨ་རིགས་ཀྱི་དཀྱིལ་འཁོར་གྱིས། །སྲེད་པ་ཅན་གྱི་གདུག་པ
iiif viewer powered by OpenSeadragon
