| e-texts navigator |
| Wylie |
105b1 ཡི་རངས་ཏེ། བདེ་བ་དང་ཡིད་བདེ་བ་བླ་ན་མེད་པ་ཐོབ་ནས་ལུས་ངག་ཡིད་གསུམ་སྐུ་གསུང་ཐུགས་རྡོ་རྗེ་ལ་རབ་ཏུ་གནས་པར་གྱུར་ནས་ཆེད་དུ་རྗོད་པ་འདི་ཆེད་དུ་བརྗོད་དོ། །ེ་མའོ་རང་ལུས་སྒྱུ་མར་གྲུབ་པ་དག་།ནམ་མཁའ་ལྟ་བུར་སྐྱེ་བ་མེད། །དབང
105b2 པོའི་གཞུ་དང་མཚུངས་པ་ཉིད། །སྟོང་པ་ཉིད་ནི་རྡོ་རྗེའི་སྐུ། །ལུས་ནི་རང་བཞིན་མི་དམིགས་པས། །དག་པ་ཆེན་པོ་ཡེ་ཤེས་ལུས། །ངག་ནི་བྲག་ཅའི་སྒྲ་དང་མཚུངས། །བརྗོད་པའི་དུས་ན་སྟོང་པ་སྟེ། །པི་ཝང་སྒྲ་བཞིན་རྟེན་འབྲེལ་གྱིས། །རང
105b3 གྲག་བརྗོད་པ་ཐ་སྙད་ཙམ། །སེམས་ནི་རང་འབྱུང་དག་པ་ལ། །ཡེ་ཤེས་ཆེན་པོ་རང་གནས་ཉིད། །རྒྱུ་རྐྱེན་ཚོགས་པ་བྲལ་བ་ལས། །སྣང་བ་ཙམ་དུའང་མི་གནས་པའོ། །དེ་ནས་བཅོམ་ལྡན་འདས་དཔལ་རྡོ་རྗེ་འཛིན་པ་ཆེན་པོས་ཆོས་ཐམས་ཅད་ལ་ཟབ
105b4 པའི་ཚུལ་ལ་དམིགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་རྡོ་རྗེ་བླ་ན་མེད་པའི་དོན་བཀའ་སྩལ་པ། མ་སྐྱེས་མི་འགག་རོལ་པར་གང་འབྱུང་བ། །བྱང་ཆུབ་སེམས་ནི་དཔལ་ལྡན་རྡོ་རྗེ་འཆང་། །ཐབས་དང
105b5 ཤེས་རབ་གཉིས་མེད་སྟོན་པའི་སྐུ། །སྒྱུ་འཕྲུལ་རྒྱལ་པོ་བདེ་ཆེན་འདི་ཉིད་དེ། །ཆོས་རྣམས་ཐམས་ཅད་རང་བཞིན་འོད་གསལ་བ། །མཚན་མ་མེད་ཅིང་མི་འགྱུར་འཇའ་ཚོན་ལྟར། །གཉིས་མེད་གཉིས་སུ་མེད་མིན་མཉམ་པའི་སྐུ། །ཤིན་ཏུ་དྲི་མེད་ནམ
105b6 མཁའི་ངོ་བོ་ཉིད། ཧཱུ~ཾ་བཛྲ་དྷྲྀཀ་།བྷྲཱུ~ཾ་ཛི་ན་ཛིཀ་།ཏྲཱ~ཾ་རཏྣ་དྷྲྀཀ་།ཧྲཱིཿ་རོ་ལིཀ་།ཁ~ཾ་པྲཛྙཱ་དྷྲྀཀ་།ལ~ཾ་དྭེ་ཥ་ར་ཏི། མ~ཾ་མོ་ཧ་ར་ཏི། པ~ཾ་རཱ་ག་ར་ཏི། ཏ~ཾ་བཛྲ་ར་ཏི། ཡ་ཡ་མཱནྟ་ཀྲྀཏ། མ་པྲཛྙཱནྟ་ཀྲྀཏ། ཏ་པདྨཱནྟ་ཀྲྀཏ། ཀ་བིགྷྣའནྟ་ཀྲྀཏ། རྡོ་རྗེ་རིན་ཆེན་པདྨ
105b7 དང་། །འཁོར་ལོ་བསྣམས་པའི་འོད་འཕྲོ་བ། །དཀྱིལ་འཁོར་རྫོགས་ཚུལ་ལྷ་རྣམས་ཀུན། །ཡབ་ཡུམ་བདེ་བ་ཉིད་དུ་བཞུགས། །དཔལ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང
iiif viewer powered by OpenSeadragon
