| e-texts navigator |
| Wylie |
104b1 རྡོ་རྗེ་སོགས། །རྣམ་པ་སྣ་ཚོགས་སྟོན་པ་ནི། །སྙིང་པོ་ཀུན་ལས་འདི་བསྡུས་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་གསང་བ་གསང་བ་འདུས་པ་དཔལ་རྣལ་འབྱོར་ཆེན་པོའི་གཉིས་སུ་མེད་པ་མཉམ་པ་ཉིད་རྣམ
104b2 པར་རྒྱལ་བ་ལས་ཆོས་ཐམས་ཅད་མཉམ་པ་ཉིད་ལ་གནས་པའི་ལེའུ་སྟེ་དང་པོའོ། ། །།དེ་ནས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཡང་དག་པར་འདུས་ཏེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་བྱང་ཆུབ་ཀྱི
104b3 སེམས་རྡོ་རྗེ་ལ་འདི་སྐད་ཅེས་གསོལ་ཏོ། །རྣལ་འབྱོར་དབང་ཕྱུག་མཆོག་རྣམས་ཀྱིས། །ངེས་པར་བགྲོད་པའི་ལམ་གྱུར་པ། །རྡོ་རྗེའི་གསུང་གིས་བཀའ་སྩལ་དོན། །བསྒྲུབ་བྱ་སྒྲུབ་བྱེད་དོན་བཤད་གསོལ། །ཅེས་གསོལ་བ་བཏབ་པས་རྡོ་རྗེ་འཛིན་པ
104b4 ཆེན་པོས་ཇི་ལྟ་བར་མཁྱེན་ཅིང་ཐུགས་སུ་ཆུད་ནས། བཅོམ་ལྡན་འདས་ཀྱིས་ཆོས་ཐམས་ཅད་ཀྱི་སྒོ་ལ་འཇུག་པ་ངོ་བོ་ཉིད་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་བཞུགས་ནས་དེ་བཞིན་གཤེགས་པའི་འཁོར་འདུས་པ་དེ་དག་ཐམས་ཅད་ལ་འདི་སྐད་ཅེས
104b5 བཀའ་སྩལ་ཏོ། །རང་བཞིན་དག་ཅིང་བདག་མེད་པའི། །ཆོས་ཀྱི་དབྱིངས་ནི་སྤྲོས་དང་བྲལ། །སྣ་ཚོགས་སྒྱུ་མའི་ཆོ་འཕྲུལ་ནི། །རང་འབྱུང་དག་པར་འཆར་བ་ཡིན། །རྣལ་འབྱོར་རྣམས་ལ་དངོས་གྲུབ་ཀྱི། །འབྲས་བུ་ཉམས་སྣང་སྣ་ཚོགས་པའོ། །
104b6 ཁམས་གསུམ་སེམས་ཅན་ཐམས་ཅད་ལ། །ལས་དང་ཉོན་མོངས་སྡུག་བསྔལ་འབྱུང་། །དེ་བཞིན་གཤེགས་པ་ཐམས་ཅད་ལ། །ཐམས་ཅད་མཁྱེན་པའི་ཡེ་ཤེས་ཀྱི། །གསང་བ་བསམ་གྱིས་མི་ཁྱབ་པ། །ཕྲིན་ལས་དག་པའི་སྟོབས་སུ་འཆར། །དེ
104b7 ཉིད་གཞན་དུ་མི་རྙེད་དེ། །ཤེས་རྒྱུད་གཅིག་གིས་བསྡུས་པའི་ཕྱིར། །འབྲེལ་བ་ཅན་དུ་བརྗོད་པར་བྱ། །ཁྱད་པར་ཆོས་ནི་བརྟག་དཀའ་བའོ། །སྟོང་གསུམ་ཞིང་འདི་སྤྲུལ་པ་ཡི། །དཀྱིལ་འཁོར་རྒྱ་ཆེ་འཇིག་རྟེན་ཁམས། །གསལ་བ་དྲི་མ་མེད་པ་སྟེ། །དག
iiif viewer powered by OpenSeadragon
