| e-texts navigator |
| Wylie |
104a1 རྡོ་རྗེ་འཆང་བ་ཆེན་པོའི་ཡུལ། །ཐབས་ལས་མ་ལུས་སངས་རྒྱས་འབྱུང་། །འདི་ཉིད་གསང་བའི་ཆོས་ཉིད་ཅན། །སྐུ་ཡི་གསང་བ་མ་སྐྱེས་པ། །སེམས་ཅན་ལུས་དང་སྣང་བ་ཁྱབ། །གསུང་གི་གསང་བ་མ་འགགས་པས། །ཐམས་ཅད
104a2 སྒྲ་དང་དབྱེར་མི་ཕྱེད། །ཐུགས་ཀྱི་གསང་བ་སྐྱེ་བ་མེད། །ཕྱག་རྒྱ་ཆེན་པོ་ལམ་གྱི་མཆོག་།འཁོར་འདས་ཆོས་དང་རོ་གཅིག་པས། །སྦས་པ་གསང་བ་མི་ཤེས་རྣམས། །ལུས་དང་ངག་དང་སེམས་རྣམས་ནི། །དྲི་མས་ཁེབས་པའི་རང་བཞིན་གྱིས། །
104a3 འགྲོ་བ་ལྔ་སོགས་དག་ཏུ་འཁོད། །གསང་བའི་ཡི་གེའི་དོན་མ་མཐོང་། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཇི་སྲིད་ཡ་ར་ལ་ཧའི་བར། །ཀ་ཁ་ག་མཐའ་ན་ཛྷའི་མཐའ། །ད་དྷའི
104a4 མཐའ་དང་མ་མཐར་བཅས། །དེ་དེ་རྩ་བའི་ཡི་གེ་གསུམ། །ཐོག་མཐའ་གསང་བ་ཨེ་དང་བ~ཾ། །དུས་གསུམ་རྡོ་རྗེའི་ཡི་གེའི་གནས། །འབྱུང་དང་འབྱུང་ལས་གྷུར་སྒྲར་བཅས། །འདུས་པ་འདི་ནི་སྦས་པའོ། །རྣལ་འབྱོར་རྒྱུད་ཚུལ་སྣ་ཚོགས་རྣམས། །
104a5 རྩ་བའི་དཀྱིལ་འཁོར་ངེས་པ་ཡིས། །དུ་མ་ཉིད་དུ་དབང་བསྐུར་བས། །ཐབས་དང་ཤེས་རབ་སྤྱོད་པ་ཡི། །ཡེ་ཤེས་འབར་བའི་ཕུང་པོ་ཡིན། །ཐབས་དང་ཐབས་ལས་བྱུང་བ་ཡི། །ཁྱད་པར་རིམ་པ་གང་གིས་ནི། །མདོ་དོན་མངོན་པར་བསྡུས་པ
104a6 ཡིན། ། ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨ~ཾ་ཨཿ། ཨ་ནི་སྐྱེ་བ་མེད་པའི་ཚུལ། །ཤེས་རབ་ཕ་རོལ་ཕྱིན་སྦྱོར་བ། །དབྱངས་ཀྱི་ཡི་གེ་ཐ་མའི་བར། །སྟོང་ཉིད་ནམ་མཁའི་ཆོས་རྣམས་ཀྱིས། །བདེ་བར་གཤེགས་པའི་གསུང
104a7 རབ་མཆོག་། སྙིང་པོའི་ཡན་ལག་དག་ཏུ་བཤད། །ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་བཞི་སྟོང་གསུངས་པ་ལས། །དཔལ་ལྡན་འདུས་པའི་སྣོད་ཡིན་ཏེ། །དེ་བས་འདི་ནི་རྒྱུད་ཀྱི་རྩ། །སངས་རྒྱས་ཀུན་གྱི་སྐུ་གསུང་ཐུགས། །ཡོན་ཏན་ཕྲིན་ལས
iiif viewer powered by OpenSeadragon
