| e-texts navigator |
| Wylie |
102b1 ལག་ཁང་ནས་རྒྱ་དཔེ་ལྷག་མ་རྣམས་རྙེད་ནས་བསྒྱུར་བར་རྩོམ་པ་ན། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ་གྱི་ཚུལ་ལ་མི་འཇིགས་པའི་སྤོབས་པ་ཐོབ་པའི་བླ་མ་ཡང་དག་པས། དགེ་བའི་བཤེས་གཉེན་ཆེན་པོ་ལེགས་པར་སྦྱར་བའི་སྐད་ཀྱི་བརྡ
102b2 སྤྲོད་པའི་ཚུལ་ལ་བློ་གྲོས་ཤིན་ཏུ་བྱང་བའི་འཇིག་རྟེན་གྱི་མིག་ཆོས་གྲགས་དཔལ་བཟང་པོའི་བཀས་བསྐུལ་ཞིང་སྦྱིན་བདག་མཛད་ནས། བུ་སྟོན་གྱིས་བསྒྱུར་བའི་ཡི་གེ་པ་ནི་དགེ་སློང་རིན་ཆེན་རྒྱལ་མཚན་པའོ། །རྒྱུད་མིན་རྒྱུད་ལྟར་བཅོས་པ་ཡི། །
102b3 ཆོས་མིན་སུན་དབྱུང་བྱ་ཕྱིར་དང་། །དམ་ཆོས་སྣང་བ་སྤེལ་བའི་ཕྱིར། །ཇི་ལྟར་ནུས་བཞིན་བསྒྱུར་བ་ལགས། །འདི་དོན་འབྱེད་པའི་འགྲེལ་པ་དང་། །རྒྱ་དཔེའི་དཔེ་དཔང་མ་རྙེད་ཅིང་། །དོན་ཟབ་སྒྲ་ནི་རྟོགས་དཀའ་ལ། །སཾ་སྐྲྀ་ཏ་ལ་མ་བྱང་བས། །སྒྲ་དོན་ཇི
102b4 བཞིན་མ་འབྱོར་བའི། །ནོངས་དེ་མཁས་རྣམས་བཟོད་མཛད་ཅིང་། །ཕྱིས་འབྱུང་སྐད་གཉིས་སྨྲ་རྣམས་ཀྱིས། །མ་དག་ཤེས་ན་བཅོས་པར་ཞུ། །རྒྱུད་ཆེན་འདི་ནི་བསྒྱུར་བ་ལས། །དགེ་བ་བདག་གིས་གང་ཐོབ་པ། །དེ་ཡིས་མཐའ་ཡས་འགྲོ་བ་ཀུན། །
102b5 རྡོ་རྗེ་འཆང་ཆེན་ཉིད་གྱུར་ཅིག་།དེ་ནས་འདི་ལ་དབུ་ནས་ཤོག་ལྟོ་གཅིག་མ་ཚང་བས་རྙེད་ན་བསྒྱུར་བར་བྱའོ། །འདི་དང་ཐུན་མོང་མ་ཡིན་པའི་གསང་བ་གཅིག་ཏུ་འདོད་པ་ཡང་དག་པར་འཁྲུལ་བར་སྣང་ངོ་། །འདིས་འཁོར་བ
102b6 སྡུག་བསྔལ་གྱི་རྒྱ་མཚོ་ཆེན་པོ་མྱུར་དུ་སྐེམས་པར་གྱུར་ཅིག་། རྒྱུད་འདི་ལ་ཀུན་མཁྱེན་གཉིས་པ། བུ་སྟོན་ཞབས་ཀྱི་འགྱུར་མི་འདྲ་བ་གཉིས་འདུག་པ་ལས། འདི་ནི་ཕྱིས་འགྱུར་བདེ་བ་དེ་ཉིད་ལས་བྲིས་པ་ཡིན་ལ། རྒྱ་དཔེ་ཟུགས་པའི་བར
102b7 སྐབས་ནས། ཚིགས་བཅད་རྐང་པ་རེ་རེ་གཉིས་གཉིས་ཙམ་གྱི་བར་ལ། ཧོར་ཀོང་མ་ཚང་བ་རྣམས་སུ་རྒྱ་གྲམ་གྱི་མཚན་མ་བཏབ་ཡོད་པར་ཤེས་པར་བྱའོ།། །།
iiif viewer powered by OpenSeadragon
