| e-texts navigator |
| Wylie |
102a1 གཤེགས་པ་ཐམས་ཅད་ཀྱི་བདག་པོས་དེ་བཞིན་གཤེགས་པ་ཐམས་ཅད་དང་གཉིས་སུ་མེད་པ་མཉམ་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་བཅོམ་ལྡན་འདས་ཀྱིས་གངྒའི་ཀླུང་གི་བྱེ་མ་དང་མཉམ་པའི་འོད་ཟེར
102a2 བྱེ་བ་ཁྲག་ཁྲིག་བརྒྱ་སྟོང་ཕྱུང་ནས་ཤར་དང་ལྷོ་ལ་སོགས་པའི་ཕྱོགས་མངོན་པར་བརྗོད་དུ་མེད་པའི་ཡང་བརྗོད་དུ་མེད་པའི་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་གི་རྡུལ་ཕྲ་རབ་དང་མཉམ་པའི་སྐུ་གསུམ་གྱི་ཡེ་ཤེས་ཀྱིས་གང་བར་མཛད་དོ། །དེ་ནས་དེ་བཞིན་གཤེགས་པ་དེ་རྣམས
102a3 བྱོན་ནས་བྱང་ཆུབ་ཀྱི་སེམས་འདི་གསུངས་སོ། །བྱང་ཆུབ་རང་བཞིན་ཡང་དག་ཐོབ། །བྱང་ཆུབ་སེམས་དཔས་སྙིང་པོ་བྱིན། །ནམ་མཁའི་ཁམས་ལ་ལོངས་སྤྱོད་པའི། །རྡོ་རྗེ་བྱང་ཆུབ་རབ་ཏུ་གནས། །མཚན་ཉིད་མེད་པའི་ཆོས་རྣམས་ལ། །སྤྲོས་པ་དག་ནི་ཡོད་མ་ཡིན། །རྡོ་རྗེའི་རང་བཞིན་ཡེ
102a4 ཤེས་ཀྱིས། །ནམ་མཁའ་ལྟ་བུར་དྲི་མ་མེད་ཅེས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་ཏིང་ངེ་འཛིན་ལས་བཞེངས་ནས་རྡོ་རྗེ་ཆོས་ལ་བོས་པར་གྱུར་ཏོ། །སེམས་དཔའ་ཆེན་པོ་དམ་ཚིག་གང་ཡིན་པ་དེ་མཐོང་ངམ། བཅོམ་ལྡན་འདས་མཐོང་ལགས་སོ། །དེ་ནས་བཅོམ་ལྡན་འདས་ཕྱག
102a5 ན་རྡོ་རྗེ་སྐྱེས་བུ་ཆེན་པོ་དེའི་སྐུ་དང་གསུང་དང་ཐུགས་ཀྱི་དབྱེ་བ་རིན་པོ་ཆེ་སྒྲོམ་བུ་ངེས་པར་རིག་ནས་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་རྣམས་རང་ག་ཐུགས་སུ་ཞུགས་པར་མཛད་དོ། །དེ་ཇི་ལྟ་བ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས
102a6 ཅད་ཀྱི་བདག་པོས་རང་གི་སྐུ་དང་གསུང་དང་ཐུགས་ནམ་མཁའ་ལྟ་བུར་སྦྱོར་བས་ཡང་དག་པར་གནས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡོངས་སུ་དག་པའི་ངོ་བོ་ཉིད་ཀྱི་རྡོ་རྗེ་ཞེས་བྱ་བའི་ལེའུ་ཉི་ཤུ་རྩ་གཉིས་པ་རྫོགས་སོ།། །།
102a7 འཕགས་པ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ཞེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།། །།མཁན་ཆེན་ཐར་པ་ལོ་ཙྪ་བའི་ཕྱག་དཔེའི་གསེབ་ནས་ཤོག་ཡར་ལྔ་བྱུང་བ་སྔར་བསྒྱུར་བ་ལས། ཕྱིས་ཉོང་སྟོད་སྨོན་འགྲོའི་གཙུག
iiif viewer powered by OpenSeadragon
