| e-texts navigator |
| Wylie |
101b1 འདུས་བྱས་ཐམས་ཅད་འདོད་པར་བྱ། །འདི་ལྟ་སྟེ། རིགས་ཀྱི་བུ་ཞེས་བྱ་བ་བྱང་ཆུབ་སེམས་དཔའི་ཆོས་ཀྱི་སྤྲིན་གྱི་ས་ལ་རབ་ཏུ་གནས་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུ་དང་། དེ་བཞིན་གཤེགས་པ་ཐམས་ཅད་ཀྱི་ལོངས་སྤྱོད་རྫོགས་པའི་སྐུ་དང་། དེ་བཞིན་གཤེགས་པ
101b2 ཐམས་ཅད་ཀྱི་སྤྲུལ་པའི་སྐུ་རྣམས་སུ་རྣམ་པར་རྟོག་པ་མེད་ཅིང་ཐེ་ཚོམ་མེད་པ་དེ་བདག་གོ་ཞེས་ཆོས་ཐམས་ཅད་ཀྱང་ནམ་མཁར་མཐོང་བར་གྱུར་ཏོ། །རིགས་ཀྱི་བུ་མདོར་བསྡུས་ན་བྱང་ཆུབ་སེམས་དཔའ་རྡོ་རྗེ་ཡེ་ཤེས་ཞེས་བརྗོད་པར་བྱའོ། །དེ་ནས་བཅོམ་ལྡན་འདས་དེ་བཞིན
101b3 གཤེགས་པ་ཐམས་ཅད་ངོ་མཚར་དུ་གྱུར་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐྱེས་བུའི་མཆོག་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་སྔགས་ཀྱི་སྤྱད་པ་སྤྱོད་པར་བྱེད་པའི་བྱང་ཆུབ་སེམས་དཔའ་འདི་དོན་དམ་པའི་གསང་བ་ལ་དད
101b4 པར་ཅི་ལྟར་འགྱུར། འདི་ལྟ་སྟེ། ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སངས་རྒྱས་བཅོམ་ལྡན་འདས་རྣམས་སུ་ཡང་དག་པར་བྱང་ཆུབ་ནས་མངོན་པར་རྫོགས་པར་འཚང་རྒྱ་བར་ཇི་ལྟར་འགྱུར། དེ
101b5 བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། བཅོམ་ལྡན་འདས་དེ་བཞིན་གཤེགས་པ་གཅིག་པུ་མངོན་པར་རྫོགས་པར་འཚང་རྒྱ་བར་འགྱུར་རོ། །རྡོ་རྗེ་འཆང་བས་གསོལ་པ་ཇི་ལྟར་མངོན་པར་རྫོགས་པར་འཚང་རྒྱ་བར་འགྱུར། འདི་ལྟ་སྟེ་གཞན་ཡང་སྟོང་གསུམ་གྱི་སྟོང
101b6 ཆེན་པོའི་འཇིག་རྟེན་གྱི་ཁམས་རྡུལ་ཕྲ་རབ་ཀྱི་ཆ་ཤས་སུ་གྱུར་པ་གཞིའི་སེམས་ཅན་རྣམས་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱག་ན་རྡོ་རྗེའི་ཚུལ་འདི་བལྟ་བར་བྱའོ། །དེ་ནས་བྱང་ཆུབ་སེམས་དཔའ་དེ
101b7 རྣམས་ཡ་མཚན་ཐོབ་ཅིང་དགའ་ཞིང་རབ་ཏུ་མགུ་བ་ཐོབ་ནས་དེ་ལྟ་བུའི་དབྱངས་འདི་གསུངས་སོ། །ེ་མའོ་ཡེ་ཤེས་ཡེ་ཤེས་ཆེ། །རྡོ་རྗེ་ཆེན་པོ་རབ་ཏུ་མཐོང་། །རྨད་དུ་བྱུང་བའི་འཇིག་རྟེན་གྱིས། །ཡེ་ཤེས་མིག་ནི་རྣམ་སྦྱངས་པའོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན
iiif viewer powered by OpenSeadragon
