| e-texts navigator |
| Wylie |
100b1 ཉིད། །སྒོམ་པ་རྣམས་སུ་ཤེས་པར་བྱ། །རིགས་ཀྱི་ལས་ཀྱི་རབ་དབྱེ་བས། །དཀྱིལ་འཁོར་རྣམས་ཀྱི་རྣམ་སྒོམ་པའོ། །སྔགས་ཀྱི་ཡི་གེའི་རབ་དབྱེ་བས། །བསྒོམ་བྱ་དངོས་གྲུབ་ཐོབ་པར་འགྱུར། །སྙིང་གའི་དབུས་སོན་ཕྲ་མོ་ནི། །དཀྱིལ་འཁོར་རྣམས
100b2 ཀྱི་རྣམ་བསྒོམ་པ། །སྔགས་ཀྱི་ཡི་གེའི་རབ་དབྱེ་བས། །བསྒོམས་པས་དངོས་གྲུབ་ཐོབ་པར་འགྱུར། །སྙིང་གའི་དབུས་སོན་ཕྲ་མོ་ནི། །དཀྱིལ་འཁོར་རྣམས་ཀྱི་རྣམ་བསྒོམ་པ། །སྟེང་དུ་བཀོད་པའི་དབྱེ་བ་ཡིས། །འདི་ནི་བསམ་གཏན་ཚུལ་མཆོག་གོ། །
100b3 དཀར་ནག་དམར་པོའི་སྦྱོར་བ་ལས། །བསམ་གཏན་ཐམས་ཅད་དུ་བརྟག་བྱ། །གཞན་དུ་དངོས་གྲུབ་མེད་པ་ཉིད། །སྔགས་རྣམས་ཀུན་ཏུ་བཟླས་པར་བྱ། ཧཱུ~ཾ་ཡིག་ཨོཾ་ཡིག་དབྱེ་བ་ཡིས། སྭཱ་ཧཱ་ཧཱུ~ཾ་ཡིག་གཞན་གྱི་གཟུགས། །སྐྱེད་པའི་ཆོ་ག་བྱས
100b4 ནས་ནི། །བསྙེན་པ་གང་ཞིག་ངེས་བསྒྲུབ་བྱ། །རིགས་གསུམ་ལ་ཡང་ཧཱུ~ཾ་ཡིག་དང་། །ོཾ་ཡིག་ཡེ་ཤེས་རིགས་མཆོག་ཡིན། །སྔགས་ཀྱི་ཡི་གེ་ལ་སོགས་རྣམས། །དཔྲལ་བར་བཀོད་ནས་རྣམ་བསྒོམ་བྱ། །བཅོམ་ལྡན་འདས་རྡོ་རྗེ་འཆང
100b5 གིས་དེ་སྐད་ཅེས་གསུངས་སོ། །ཐུན་བཞིའི་སྦྱོར་བ་ལ་སོགས་ཀྱིས། །རྡོ་རྗེ་ཅན་ལ་བདུད་རྩིའི་གཟུགས། །སྤྲོ་བ་དང་ནི་གནས་པར་བྱ། །འདི་ནི་དངོས་གྲུབ་ཚུལ་བསྟན་པའོ། །སྒྲུབ་པར་རང་གི་ལྷ་ཡི་གཟུགས། །རྡོ་རྗེ་ཅན་ལ་བདུད་རྩིའི་གཟུགས། །
100b6 ཉེ་བར་སྒྲུབ་པ་འདུས་པ་ལ། །འདི་ནི་དངོས་གྲུབ་ཚུལ་མཆོག་གོ། །བདག་གི་སྒྲུབ་པའི་ལས་ཅན་ལ། །བདག་པོའི་གཟུགས་དང་ཡང་དག་ལྡན། །བསྙེན་པའི་དུས་སུ་རབ་བསྒྲུབ་པ། །གཙུག་ཏོར་གཟུགས་དང་ཡང་དག་ལྡན། །མེ་སྟག་འཐིབས་པས
100b7 འཁྲུགས་པ་ཡི། །རང་ལྷའི་གཟུགས་དང་ཡང་དག་ལྡན། །རྡོ་རྗེ་ཕྲ་རབ་དབྱེ་བ་ཡིས། །དུས་གསུམ་སངས་རྒྱས་བཞུགས་པའོ། །གྲགས་པར་ལྡན་པའི་དངོས་གྲུབ་ཀུན། །འདི་ཉིད་ཀྱིས་ནི་བྱང་ཆུབ་ཐོབ། །དེ་ཡི་མཆོག་ཏུ་བསྒྲུབ་པར་བྱ། །དངོས་གྲུབ་ཆེན་པོའི
iiif viewer powered by OpenSeadragon
