| e-texts navigator |
| Wylie |
100a1 པའི་དཀྱིལ་འཁོར་བསམ་གཏན་གྱིས། །གཟུགས་ནི་དབུས་སུ་དགོད་པར་བྱ། །ཁྱབ་བདག་ཞི་བ་སེར་པོའི་མདོག་།སྤྱན་གསུམ་བརྟུལ་ཞུགས་ཅན་གྱིས་བསྒོམ། །ཀུན་དུ་དག་པའི་ཤེལ་དང་མཚུངས། །མེ་སྟག་ཚོགས་ནི་ཀུན་དུ་འཁྲུགས། །ཕྱག་བཞི
100a2 པར་ནི་ཆོ་ག་ཡིས། །བསྒོམ་བྱ་མྱུར་དུ་འགྲུབ་པར་བྱེད། །རྡོ་རྗེའི་མཐར་ཐུག་ནོར་དངོས་གྲུབ། །རབ་ཏུ་གནས་པས་དེ་བསྒྲུབ་བྱ། །འདི་དེ་སྔགས་རྣམས་ཐམས་ཅད་ཀྱི། །ཐར་པའི་ཏིང་འཛིན་སྙིང་པོ་ཅན། །སྐུ་གསུང་ཐུགས་ཀྱི་སྒོམ་པ་ནི། །རྡོ་རྗེ་སེམས
100a3 དཔས་སྤྲུལ་པ་ཡིན། །རྡོ་རྗེ་མདུང་གི་དམ་ཚིག་ཅེས་བྱ་བའི་ཏིང་ངེ་འཛིན་ནོ། །ཇི་སྲིད་གཟུགས་ནི་ཀུན་སྦྱོར་བ། །དེ་ལ་ལྷ་ཉིད་རབ་ཏུ་གྲགས། །སླར་ཡང་འདི་ཡི་ཚུལ་གྱིས་ནི། །སྐྱེད་པར་བྱེད་པའི་ཆོ་གར་འགྱུར། །བཅོམ་ལྡན་འདས་རྡོ་རྗེ་སེམས་དཔས་དེ
100a4 སྐད་ཅེས་གསུངས་སོ། །རང་གི་སྔགས་ཡིག་དབྱེ་བས་སམ། །ཡང་ན་རིགས་ཀྱི་རིག་པ་ཡིས། རིགས་ཀྱི་བདག་པོའི་སྔགས་ཀྱིས་སམ། །བརྟུལ་ཞུགས་ཅན་གྱི་རིག་རྒྱལ་པོས། །ཐམས་ཅད་ལས་ཅན་སྔགས་ཀྱིས་དང་། །གཙུག་ཏོར་སྔགས་ཀྱིས
100a5 རྣམ་བསྒོམ་བྱ། །འདི་དེ་སྔགས་རྣམས་ཐམས་ཅད་ཀྱི། །གསང་བའི་དེ་ཉིད་གསུངས་པ་ཡིན། །བཅོམ་ལྡན་འདས་ཕྱག་ན་རྡོ་རྗེས་དེ་སྐད་ཅེས་གསུངས་སོ། །ཞི་བའི་ལས་ཀྱི་རབ་དབྱེ་བས། །རིགས་ཀྱི་སྔགས་སུ་རབ་ཏུ་གྲགས། །རྒྱས་པ་ཅན་ལ
100a6 རིགས་ཀྱི་སྔགས། །སྒོམ་པས་ངེས་པར་འགྲུབ་པར་བྱེད། །དབང་དུ་བྱ་བའི་ཆོ་ག་ལས། །རིག་པའི་རྒྱལ་པོས་བསྒོམ་པར་བྱ། །ཐམས་ཅད་ལས་ཅན་སྔགས་ཀྱིས་ནི། །མངོན་སྤྱོད་རྣམ་པར་སྒོམ་པར་བྱེད། །སྐྲོད་པར་བྱེད་པའི་ཆོ་ག་ལས། །གཙུག
100a7 ཏོར་དུ་ནི་རྣམ་བསྒོམ་བྱ། །སྔགས་ཤེས་པས་ནི་ཕུར་གདབ་སོགས། །ཕོ་ཉ་ཕོ་ཉ་མོ་བསམ་བྱ། །བཅོམ་ལྡན་འདས་ཕྱག་ན་རྡོ་རྗེས་དེ་སྐད་ཅེས་གསུངས་སོ། །འོད་ཟེར་ལྔ་ཡི་ཚུལ་གྱིས་ནི། །རྟོག་པས་དེ་ལ་བསྒོམ་པར་བྱ། །གཞན་དུ་དངོས་གྲུབ་མེད་པ
iiif viewer powered by OpenSeadragon
