| e-texts navigator |
| Wylie |
29b1 ཆེན་པོར་བསྒྱུར་བའོ། ། @##། །རྒྱ་གར་སྐད་དུ། ཨཱརྱ་ཏཱ་རེ་ཀུ་རུ་ཀུལླེ་ཀལྤ། བོད་སྐད་དུ། འཕགས་མ་སྒྲོལ་མ་ཀུ་རུ་ཀུ་ལླེའི་རྟོག་པ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འཕགས་མ་ལྷ་མོ་སྒྲོལ་མ་ལ་ཕྱག
29b2 འཚལ་ལོ། །སྒྲོལ་མ་འབྱུང་བའི་རྣལ་འབྱོར་རྒྱ་མཚོའི་རྒྱུད་ཀྱི་ནི། །གཞུང་དང་རྟོག་པ་ཉམས་ཤིང་ནུབ་པར་གྱུར་ནས་ཡང་། །སྒྲོལ་མ་འབྱུང་བའི་ཏིང་འཛིན་ཞེས་བྱ་རྒྱུད་ཀྱི་གཙོ། །དེ་ཡང་ནུབ་པར་གྱུར་ནས་རྟོག་པ་འདི་ཡང་འབྱུང་། །སེམས་ཅན་མང་པོའི་དོན་དུ་རྣལ་འབྱོར་པ། །རྒྱས་པར
29b3 བསྟན་པའི་རྒྱུད་ལས་བསྡུས་བྱས་ནས། །རྟོག་པ་འདི་ནི་འཇིག་རྟེན་དབང་ཕྱུག་གསུངས། །བྱང་ཆུབ་སེམས་དཔའ་ཐམས་ཅད་མཉན་པར་གྱིས། །འཇིག་རྟེན་སྐྱབས་མེད་གྱུར་ལ་རྣམ་བལྟས་ནས། །འགྲོ་ཀུན་དོན་བྱེད་པ་ཡི་ཚུལ་འདི་ནི། །སྡུག་བསྔལ་གསུམ་གྱིས་སྡུག་བསྔལ་གྱུར
29b4 བལྟས་ནས། །གུས་པ་ཆེན་པོས་ཁྱོད་ཀྱིས་བླང་བར་བྱོས། །འཇིག་རྟེན་རྣམ་རྟོག་ཞི་བར་བྱ་ཕྱིར་རྟོག་པ་འདི། །སངས་རྒྱས་ཐམས་ཅད་ཀྱིས་ནི་རབ་ཏུ་གསུངས། །དཔལ་ལྡན་གྲུ་འཛིན་རི་ལ་འཇམ་དཔལ་དང་། །པདྨ་བསྣམས་དང་རྒྱལ་བར་བྱེད་པ་དང་། །སྒྲིབ་པ་རྣམ་སེལ་བློ་གྲོས་རྒྱ་མཚོ
29b5 དང་། །བྱམས་པ་ལ་སོགས་ཚོགས་རྣམས་ཐམས་ཅད་ཀྱིས། །གང་ཡང་ཆོས་ཀྱི་ཚིག་འདི་ཐོས་གྱུར་ནས། །རྗེས་སུ་ཡི་རང་སྤྱི་བོས་གུས་ཕྱག་བྱས། །རྒྱལ་བའི་སྲས་ཀྱིས་མངའ་བྱས་བསྟོད་པ་འམ། །ཡང་ན་གླུ་དང་དབྱངས་དག་བྱས་པ་ཡིས། །སྣ་ཚོགས་གར་གྱིས་འདི་ནི་མཆོད
29b6 པ་བྱས། །གནོད་སྦྱིན་སྲིན་པོ་འཇིག་རྟེན་དང་། །སྣ་ཚོགས་བུ་མོ་དང་ནི་རྒྱུ་སྐར་དང་། །ས་ཡི་དབང་དང་ལག་ན་རྡོ་རྗེ་དང་། །རླབས་རྣམས་སྣ་ཚོགས་ཅན་གང་གནས་པ་ཡི། །ཀླུ་ཡི་བུ་མོ་ཟུར་གྱིས་བལྟ་བས་ལྟ་བ་དང་། །ས་འོག་སྐྱོང་དང་ལྷ་དབང་གྲུབ་པའི་བུ་མོས་མཆོད། །དྲི་ཟའི་རྒྱལ
29b7 མོ་ནུ་མ་ཤིན་ཏུ་རྒྱས་པ་དང་། །རིག་པ་འཛིན་དང་མི་འམ་ཅི་ཡི་ཆུང་མ་དང་། །གནོད་སྦྱིན་ཆུང་མ་རི་ཡི་བུ་མོའི་བུ་དག་ནི། །གང་ཡིན་བདག་དང་སྐྱབས་མེད་ཅེས་ནི་འདི་སྐད་སྨྲ། །གང་ཕྱིར་སྐྱབས་མེད་སྐྱབས་གྱུར་སངས་རྒྱས་བསྟན་པ་འདིར། །མགོན་མེད་མགོན་གྱུར་འཇིག་རྟེན་མགོན་པོ་ཁྱོད། །
iiif viewer powered by OpenSeadragon
