| e-texts navigator |
| Wylie |
28b1 གྱུར་པ་ནི། །རང་བཞིན་བསམ་གཏན་སྦྱོར་བ་ཡིས། །བྱ་བ་འདི་ལ་ཐེ་ཚོམ་མེད། །གང་ཞིག་ལྷ་ནི་ནམ་མཁའ་མཚུངས། །ཁ་དོག་དབྱེ་བས་སོ་སོ་སྟེ། །འཇིག་རྟེན་གསུམ་ན་གང་སྤྱོད་པའི། །ལས་རྣམས་ཐམས་ཅད་བྱ་བའོ། །སྐལ་བཟང་བྱེད་པའི་སྔགས་རྣམས་ནི། །སྙིང་གའི
28b2 ཆུ་སྐྱེས་དབུས་སོང་བ། །སྙིང་གའི་ཆུ་སྐྱེས་སྦྱོར་བ་ཡིས། །དབང་ལ་སོགས་པ་ཡང་དག་བསྒྲུབ། །ཡི་གེ་གསུམ་དང་བཅས་པའི་ལྷ། །སྟེང་དུ་འགྲོ་བ་གསུམ་ལྡན་པས། །མི་རྣམས་ལས་ནི་རྟག་བསྒྲུབས་པ། །རྣལ་འབྱོར་མ་རྣམས་ཞལ་ལ་གནས། །རྣམ་པ་གསུམ་ནི་འགུགས་པར
28b3 བྱེད། །པདྨ་གཟུགས་ལྡན་གྱུར་པས་མཛེས། །རྟག་སྦྱོར་རྒྱུན་དུ་རྣལ་འབྱོར་པས། །མར་མེ་གཡོ་མེད་གནས་པ་བཞིན། །སྔོན་གསུངས་ལྷ་ཡི་ལྷ་དབང་ཕྱུག་།སྐྱ་རེངས་དམར་པོ་དང་མཚུངས་འོད། །མཚན་མོ་ཕྱེད་ཀྱི་དུས་གནས་ལ། །རྣལ་འབྱོར་ཉིད་ནི་ཡང་དག་སྤྱོད། །
28b4 དེ་ཡི་གཟུགས་འཛིན་ལུས་ལ་ནི། །ཡང་དག་སྔོན་དུ་བཀོད་པ་ཡིས། །ཞགས་པ་ལྕགས་ཀྱུ་འཛིན་པའི་ལྷ། །བསྒྲུབ་བྱའི་ལུས་ལ་ཡང་དག་བླང་། །ཐམས་ཅད་བླ་མའི་ཞལ་ལ་གནས། །ཞགས་པ་ལྕགས་ཀྱུའི་འོད་ཟེར་གྱིས། །དེ་ལས་ལྕགས་ཀྱུ་བསྣུན་ནས་ནི། །ཞགས་པ་ཡིས
28b5 ནི་འགུགས་པར་བྱེད། །རྣམ་པར་མྱོས་ཤིང་ལུས་ནི་དམར། །ཡང་དང་ཡང་དུ་བརྒྱལ་གྱུར་ཏེ། །བུ་ག་སྒོ་དགུ་ནས་བསྣུན་ནས། །ཁྲག་ནི་རབ་ཏུ་འབབ་པར་བྱེད། །སྒྲིབ་པ་མེད་པར་དང་མཚུངས་པར། །རང་ལུས་རྣམ་པར་བལྟ་བར་བྱ། །དེ་ཡི་དབུགས་ལས་བཞེངས་པའི་སྔགས། །
28b6 ཡི་གེའི་དབང་པོ་དང་པོར་བསམ། །འབར་ཞིང་འབར་བ་ལྟ་བུ་ཡིས། །ཁ་ཡི་སྒོ་རུ་སྔོན་འདོད་རོལ། །པདྨའི་གཟུགས་འཛིན་དེ་ཡང་ནི། །ཁ་ཡི་ནང་ནས་ངེས་པར་འབྱུང་། །བསྒྲུབ་བྱའི་ཁ་རུ་ཐིམ་གྱུར་ཏེ། །ཇི་སྲིད་དེ་སྙིང་ཆུ་སྐྱེས་ལ། །གང་ཞིག་དེ་ཡི་སྙིང་གནས་པ། །འདིར་ནི་དེའི་སྙིང
28b7 ཀུན་ནས་ཕྲོགས། །མེར་མེར་པོར་ནི་བླངས་པ་ཡིས། །སྒྲོལ་མའི་གཟུགས་བཞིན་ཡིད་འཕྲོག་པ། །དེ་ནི་གསུམ་པས་ཆོ་ག་བཞིན། །རླུང་གིས་ལོ་མ་གཡོ་བ་ལྟར། །རང་གི་ཁྱིམ་དུ་རིམ་པར་བསྒོམ། །གཅིག་གི་ངོ་བོར་གྱུར་པ་མཆོག་།ལྷ་དང་ལྷ་ཡི་སྒྲུབ་པའི་ཐབས། །མཚན་མོ
iiif viewer powered by OpenSeadragon
