| e-texts navigator |
| Wylie |
284b1 བཤད་པ་སྟེ། འདི་ལྟ་སྟེ། འདོད་ཆགས་མ་ཡིན་པ་དང་། འདོད་ཆགས་དང་བྲལ་བ་མ་ཡིན་པ་དང་། བར་མ་ཉེ་བར་མི་དམིགས་པ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དགོངས་པས་བཤད་པའོ། །ལུས་དང་། ངག་དང་། ཡིད་མེད་པ་དང་།
284b2 བདག་མེད་པ་དང་། ཐམས་ཅད་སྟོང་པ་དང་། དག་པ་དང་། འོད་གསལ་བ་ཞེས་བྱ་བ་ལ་སོགས་པ་རྡོ་རྗེའི་ཚིག་ནི་དགོངས་པ་མ་ཡིན་པས་བཤད་པའོ། །ག་པུར་དང་། ཁྲག་ཆེན་པོ་དང་། ཙནྡན་དམར་པོ་དང་། རྡོ་རྗེ་དང་། པདྨ་དང་། ཕྱག
284b3 རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང་བའི་དོན་ཏེ། ག་བུར་ནི་ཁུ་བ་དང་། ཁྲག་ཆེན་པོ་ནི་ཟླ་མཚན་གྱི་ཁྲག་དང་། ཙནྡན་དམར་པོའི་ཁུ་བ་དང་བསྲེས་པ་ནི་ཙནྡན་དམར་པོའོ། །རྡོ་རྗེ་ནི་མཚན་མ་སྟེ་ཐབས་སོ། །པདྨ་ནི་བྷ་ག་སྟེ་ཤེས་རབ་དང་།
284b4 ཕྱག་རྒྱ་དང་། བཙུན་མོ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་ངེས་པའི་དོན་ཏོ། །གཉིས་ཀ་དང་། སྤྱོད་པ་དང་། བྱ་བའི་རྒྱུད་རྣམས་སུ་དོན་གསལ་བར་གསུངས་པ་འདི་ལྟ་སྟེ། དཀྱིལ་འཁོར་དང་། མཆོད་སྦྱིན་དང་། གཏོར་མ་དང་། སྨན
284b5 དང་། ཞི་བ་ལ་སོགས་པའི་ལས་ཀྱི་ཚོགས་རྣམས་དང་། དེ་བཞིན་དུ་འཇིག་རྟེན་པའི་དངོས་གྲུབ་ཆེན་པོ་བརྒྱད་གསུངས་པ་རྣམས་ནི་སྒྲ་ཇི་བཞིན་པ་སྟེ། དེ་ནི་ཡི་གེའི་དོན་གྱི་བཤད་པའོ། །ཀོཏྲཱ་ཁྱ། ཀོ་ཏྲཱ་བ། ཀོ་ཏྲཱཿ། ཀོ་ཏྲཱ་བཤྩ། ཀོ་ཏྲི་རཱ་ཀཱ། ཀོ
284b6 ལ་ཁྱ། ཀོ་ལ་བ། ཀོ་ལ། ཀོ་ལ་བཤྩ། ཀོ་ལ་སྟ་ཐ། འདིས་དབང་པོ་དང་ཡུལ་གསུངས་ཏེ། དེ་ལྟ་བུ་ལ་སོགས་པ་རྡོ་རྗེའི་ཚིག་རྣམས་ནི་སྒྲ་ཇི་བཞིན་པ་མ་ཡིན་པས་བཤད་པའོ། །བྱང་ཆུབ་སེམས་དཔའ་སེམས་དཔའ་ཆེན་པོས་གསོལ་པ།
284b7 བཅོམ་ལྡན་འདས་རྣལ་འབྱོར་ཆེན་པོའི་རྒྱུད་དང་། གཉིས་ཀའི་རྒྱུད་དང་། སྤྱོད་པའི་རྒྱུད་དང་། བྱ་བའི་རྒྱུད་དང་། རྟོག་པའི་རྒྱུད་རྣམས་ཀྱི་ཚད་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། རྣལ་འབྱོར་ཆེན་པོའི་རྒྱུད་ཀྱི་མིང་སྟོང་ཕྲག
iiif viewer powered by OpenSeadragon
