| e-texts navigator |
| Wylie |
280b1 མི་དང་གླང་པོ་ཆེ་དང་རྟ། །གླང་དང་ཁྱི་དང་བོང་བུ་དང་། །རྔ་མོ་མ་ཧེ་སྤྱང་གི་རྣམས། །ཆ་ནི་མཉམ་པོར་བྱ་བའོ། །མཐེ་བོང་ཚིགས་ཚད་ཙམ་དུ་ནི། །ཤིན་ཏུ་མཉམ་པར་བཞག་ནས་སྦྱར། །དྲི་ཆེན་ཆུ་དང་རཀྟ་དང་། །བྱང་ཆུབ་སེམས་ནས་ཚད་ཙམ་ནི། །སྔགས
280b2 བཟླས་ནས་ནི་སྦྱར་བྱས་ཏེ། །བྱིན་གྱིས་བརླབས་ཀྱང་བྱ་བའོ། །ཕྱག་འཚལ་དང་ནི་ཡི་གེ་ཨཱཿ། །དབུས་སུ་དེ་བཞིན་ཧཱུ~ཾ་བྱས་ཏེ། །འབར་བའི་ཧཱུ~ཾ་ཡིག་འབར་བྱེད་པ། །དགུ་པོ་དེ་ནི་རབ་ཏུ་བསྒྲུབ། །ལན་ནི་ཉི་ཤུ་རྩ་གཅིག་ཏུ། །སྔགས་བཟླས་ནས་ནི་བྱེ་མར་བཏགས། །
280b3 ཡུངས་ཀར་ལྔ་ཡི་ཚད་ཙམ་དུ། །ལྔ་དང་ལྔ་ནི་འབྱོར་པར་བྱ། །ཚེས་བརྒྱད་དང་ནི་བཅུ་བཞི་ལ། །རིལ་བུ་རྣམས་ནི་བྱས་ནས་སུ། །པདྨའི་སྣོད་ལ་བཞག་བྱས་ཏེ། །སྟོང་ཕྲག་བརྒྱར་ནི་བཟླ་བར་བྱ། །མཚམས་བཞི་ལ་ནི་བསྒོམ་བྱས་ནས། །ཉིན་དང་མཚན་དུ་བཟའ
280b4 བར་བྱ། །དེ་ནས་བསྐལ་པའི་མཐའ་བར་ཡང་། །དངོས་གྲུབ་རྒྱས་པར་འགྲོ་བ་སྟེ། །གཟི་བརྗིད་མདངས་དང་སྟོབས་བརྩོན་འགྲུས། །ལྔ་པ་ལ་ནི་སྨོན་ལམ་ཡང་། །མངོན་པར་ཤེས་པ་ལྔ་ཐོབ་པ། །རིལ་བུ་ཆེན་པོ་ཟོས་ཕྱིར་རོ། །རྫས་ཀྱི་སྒྲུབ་པ་རྣམས
280b5 རྫོགས་ནས། །རིག་པའི་སྔགས་རྣམས་བདག་ལ་སྩོལ། །ཡི་གེ་ཨེ་དང་བ~ཾ་ཡིག་དང་། །ལ~ཾ་ཡིག་དབུས་སུ་ཡང་དག་གནས། །དང་པོའི་མདོག་ནི་དམར་པོ་སྟེ། །གཉིས་པ་ཡི་ནི་མདོག་དཀར་བ། །གསུམ་པ་ཁ་དོག་སེར་བ་རྣམས། །བྷ་གའི་དབུས་སུ
280b6 བསྒོམ་པར་བྱ། །འཁོར་ལོ་ལྟར་ནི་བསྐོར་བ་ནི། །ཉིན་ཕྱེད་དང་ནི་མཚན་བྱེད་ལ། །རིག་པ་དེ་ནི་རབ་འབྱོར་ན། །དེ་ནི་སྐད་ཅིག་ཁོ་ནར་འགྲུབ། །ལྷ་མོ་ལྷ་མིན་བུ་མོ་དང་། །མི་ཡི་བུ་མོ་རྣམ་པ་བཞི། །ས་ཡི་དཀྱིལ་འཁོར་ཀུན་དུ་ནི། །སྔགས་ཀྱིས
280b7 བཀུག་ནས་སྤྱད་པར་བྱ། །བསྒོམ་པ་དེ་བཞིན་རིག་པའི་སྔགས། །བདག་གིས་བཤད་པ་ཟིན་བྱས་ཏེ། །དཀྱིལ་འཁོར་རྣམས་ནི་བཤད་པར་བྱ། །དགའ་མ་སེམས་ཀྱིས་རྩེ་གཅིག་ཉོན། །དཀྱིལ་འཁོར་ལུས་ཞེས་གསུངས་པ་སྟེ། །དཀྱིལ་འཁོར་བྷ་གར་བསྟན
iiif viewer powered by OpenSeadragon
