| e-texts navigator |
| Wylie |
280a1 དང་རྐང་དང་ཁུ་བ་ནི། །ཕ་ལས་སྐྱེས་ཞེས་བཤད་པ་ཡིན། །གོང་བུར་ཡང་དག་འདུས་པ་ནི། །དེ་དག་ཙམ་དུ་བཤད་པ་ཡིན། །གཟུགས་དང་ཚོར་བ་འདུ་ཤེས་དང་། །དེ་བཞིན་འདུ་བྱེད་རྣམ་ཤེས་རྣམས། །སངས་རྒྱས་དངོས་པོ་ལྔ་ཡི་གཟུགས། །ཕུང
280a2 པོ་ཞེས་བྱར་བཤད་པའོ། །ལྷ་མོ་བཞིས་ཡོངས་སུ་ཞུས་པ་ལས་ལྷ་མོ་ན་བཟའ་དཀར་མོས་ཞུས་པ་སྟེ་ལེའུ་གསུམ་བའོ།། །།དེ་ནས་བཞད་པའི་ཞལ་འགྱུར་ཏེ། །ལྷ་མོ་སྒྲོལ་མ་བཅོམ་ལྡན་མས། །རྡོ་རྗེ་སེམས་དཔའ་ལ་ཞུས་པ། །ཆོས་ཀྱི་དབྱིངས
280a3 ཀྱི་སྒྲུབ་པ་ནི། །གསུངས་ཤིག་རྡོ་རྗེ་ཅན་ཆེན་པོ། །རྫས་རྣམས་སྒྲུབ་པར་བཀའ་སྩལ་འཚལ། །དེ་བཞིན་རིག་པའི་སྔགས་རྣམས་ཀྱང་། །དཀྱིལ་འཁོར་རྣམས་ནི་བརྟག་པ་དང་། །སྦྱིན་སྲེག་སོ་སོར་བྱ་བ་དང་། །དེ་བཞིན་མཆོད་པའི་ཆོག་ཡང་། །ཁྱད་པར་དུ
280a4 ཡང་བཀའ་སྩལ་འཚལ། །དེ་ལྟར་ལྷ་མོས་ཞུས་མ་ཐག་།རྡོ་རྗེ་སེམས་དཔས་བཀའ་སྩལ་པ། །ཆོས་ཀྱི་དབྱིངས་ཀྱི་སྒྲུབ་ཐབས་ནི། །ཉོན་ཅིག་ལྷ་མོ་བཤད་པར་བྱ། །གཟུགས་དང་སྒྲ་དང་དྲི་དང་ནི། །དེ་བཞིན་རོ་དང་རེག་ལ་སོགས། །ཁམས་བརྒྱད་པོ
280a5 དེ་དག་ཀྱང་། །ཆོས་ཀྱི་དབྱིངས་ཞེས་བྱ་བའོ། །དེ་དག་ཉིད་ལས་བྱུང་བ་ནི། །བྱང་ཆུབ་སེམས་ཞེས་ཤེས་པར་བྱ། །བྱང་ཆུབ་སེམས་ལས་གོང་བུ་སྐྱེ། །གོང་བུ་ལས་ཀྱང་ཡིད་སྐྱེད་དོ། །ཡིད་ལས་ནམ་མཁའི་ཁམས་ཀྱང་ནི། །ཁམས་རྣམས་དང་ནི་སྐྱེ་མཆེད
280a6 རྣམས། །དབང་པོ་ཕུང་པོ་འབྱུང་བ་རྣམས། །དེ་ལྟར་དབྱིངས་སུ་བསྡུས་པ་སྟེ། །བསྡུ་བ་དེ་ནི་བསྟན་བྱས་པ། །ཆོས་ཀྱི་དབྱིངས་ཀྱི་སྒྲུབ་པ་ཡིན། །དེ་བས་ནན་ཏན་ཐམས་ཅད་ཀྱིས། །སྒྲུབ་པ་ཡང་དག་སྤྱད་པར་བྱ། །ཇི་ལྟར་ཀ་ལ་པ་ཞེས་དངོས་ཀྱིས། །བསྒྲུབ
280a7 པར་བྱ་བ་རབ་ཏུ་བརྟག་། ཆོས་དབྱིངས་སྒྲུབ་པ་བཤད་ནས་སུ། །རྫས་བརྒྱད་ཡན་ལག་སྒྲུབ་པ་བཤད། །རིལ་བུ་མིག་སྨན་དངོས་གྲུབ་དང་། །ས་འོག་རལ་གྲིའི་དངོས་གྲུབ་དང་། །ནམ་མཁར་འཕུར་དང་མིག་སྨན་དང་། །འཆི་བ་མེད་དང་ནད་འཇོམས་དང་། །
iiif viewer powered by OpenSeadragon
