| e-texts navigator |
| Wylie |
279a1 མཐའ། །སྟབས་ཀྱི་མཐའ་རུ་འགྲོ་བྱེད་པས། །ཐིག་ལེའི་སྦྱོར་བར་རབ་ཏུ་གནས། །སྣོམ་བྱེད་པ་དང་ཐོས་བྱེད་པ། །དེ་ཚེ་མཐོང་བྱེད་ཟ་བྱེད་པ། །རེག་པར་བྱེད་ཀྱང་དེ་ཁོ་ནས། །བདེ་དང་སྡུག་བསྔལ་ཚོར་བྱེད་པའོ། །གང་ལས་བཞད་བྱེད་བཟའ་བྱེད་པ། །
279a2 དེ་བཞིན་ཆོ་ངེ་དང་ངུ་བ། །འབྱེད་པ་གཅོད་པ་དེ་ཁོ་ནས། །ཆོ་ག་རྣམ་པ་མང་པོ་ཤེས། །རྒྱལ་བོ་དོན་ཡང་བྱེད་པར་འགྱུར། །དབང་ཕྱུག་དོན་ཡང་བྱེད་པར་འགྱུར། །བྲམ་ཟེ་རྒྱལ་པོ་རྗེའུ་རིགས་དང་། །དམངས་རིགས་སྨད་པའི་རིགས་རྣམས་དང་། །བུད་མེད་དུ་མ་སྤྲུལ
279a3 པར་བྱེད། །དུད་འགྲོ་སྐྱེ་བ་དང་། །གཟུགས་ཅན་རྣམས་དང་གཟུགས་མེད་དང་། །དེ་བཞིན་འདོད་པའི་སྲིད་རྣམས་ལས། །འབྱུང་བ་ཐམས་ཅད་སྐྱེད་བྱེད་མ། །དེ་ཉིད་ཁོ་ན་རྫུ་འཕྲུལ་གནས། །མོ་གཟུགས་དང་ནི་ཕོ་ཡི་གཟུགས། །བདེ་བ་ཆེན་པོ་གོ་འཕང་གནས། །
279a4 དེ་ལྟར་དེ་བཞིན་ཉིད་ཤེས་པ། །དམ་པའི་ཡིག་འབྲུ་ཤེས་པ་གང་། །དེས་ནི་གསང་ཆེན་ཤེས་པ་སྟེ། །གང་དེས་བདག་ཉིད་ཀུན་གནས་པ། །ཁ་དོག་མེད་ཅིང་ཁ་དོག་དམར། །ཁ་དོག་དཀར་དང་སེར་བ་ཡི། །ཐིག་ལེའི་གཟུགས་སུ་བསྒྱུར་བ་འདི། །འགྲོ་དང་ཕྱིར་འོང་རྣམ
279a5 པར་བསྟན། །གང་དེ་རིག་པ་རྫུ་འཕྲུལ་ཆེ། །མཐའ་ཡས་བཅས་པ་སྣ་ཚོགས་གཟུགས། །སྐྱེ་དང་བསྡུས་དང་འཇིག་པ་ལ། །ཐིག་ལེའི་གཟུགས་སུ་རབ་གནས་སོ། །གང་གི་བརྒྱད་ཁྲི་རྩ་བཞིའི་ཆོས། །སྟོང་ཕྲག་བརྒྱ་རུ་ཤེས་ན་ཡང་། །དེ་ཡིས་དེ་ཉིད་མི་ཤེས་ཏེ། །དེ་དག
279a6 ཀུན་ཀྱང་འབྲས་མེད་དོ། །བཅུ་གཉིས་ལྔ་ཡི་ལྔ་པ་ཡང་། །བརྒྱད་ཀྱི་མཐའ་རུ་འབྱུང་བ་འདུས། །སྒྲ་ཡིག་དང་པོ་ཡི་གེ་ཨ། །ལྔ་པ་ཡིས་ནི་ཡང་དག་བརྒྱན། །སྙིང་རྗེ་ཆེན་པོ་ལས་བྱུང་བ། །ཁ་མར་བལྟས་པའི་དྲུག་པས་བཏགས། །གདོད་མ་མཐའ་མ་མེད་པའི་ལྷ། །དེ
279a7 ནི་སྤྱི་བོར་བསྟན་པ་ཡིན། །དེ་དག་གསང་ཆེན་དམ་པ་ཡིན། །ལྷ་མོ་བདག་གིས་རབ་བསྟན་ཏོ། །ལྷ་མོ་བཞིས་ཡོངས་སུ་ཞུས་པ་ལས་ལྷ་མོ་མཱ་མ་ཀཱིས་ཞུས་པ་སྟེ་ལེའུ་གཉིས་པའོ།། །།དེ་ནས་ལྷ་མོ་གོས་དཀར་མོས། །ཡན་ལག་ཀུན་གྱིས་བཏུད་ནས་སུ། །ཐལ
iiif viewer powered by OpenSeadragon
