| e-texts navigator |
| Wylie |
278b1 བོན་སྐྱེ་གནས་དབུས་བཞག་སྟེ། །ཆོས་ཀྱི་དབྱིངས་ནི་ཞུ་བར་བྱེད། །དེ་ནི་རིམ་པར་སྐྱེད་བྱེད་ན། །སྒོ་དགུ་ལ་ནི་ཀུན་དུ་འགྲོ། །ཁྱབ་ཅིང་ཁྱབ་གནས་འགྲོ་ཀུན་ལ། །མི་གཡོ་ལ་སོགས་གཡོ་དང་བཅས། །ཚངས་སོགས་ལྷ་དང་ལྷ་མིན་གྱི། །གཞི་ནི་དེ་ལས་གྱུར
278b2 བའོ། །གང་ལས་གཙོ་བོར་སྐྱེད་བྱེད་པ། །ས་དང་ནམ་མཁའ་དེ་ཞེས་གསུངས། །ཇི་སྲིད་ལུས་ལ་གནས་པའི་བར། །དེ་ཡིས་ལས་དང་ལས་མིན་བྱེད། །དགེ་དང་མི་དགེ་བསམ་པ་ཡང་། །བྱ་བའི་ལས་ཀུན་བྱེད་པ་ཡིན། །སྦྱོར་བ་རྟག་ཏུ་དེ་གསུངས་ཏེ། །མཆོད
278b3 པ་བསྒོམ་པར་གསུངས་པ་ཡིན། །གང་ཚེ་ལས་ཀྱི་ལུས་ཞིག་ན། །དེ་ཚེ་དེ་ཡི་རང་མཐུ་ཡིས། །དེ་འདྲའི་ལུས་སུ་དེ་འགྱུར་ཏེ། །གང་གིས་གཡོ་དང་མི་གཡོ་ཁྱབ། །ནམ་མཁའ་མཉམ་པ་ཉིད་འདྲ་བ། །དེ་ནི་གནས་པར་ཤེས་པར་བྱ། །བཅུ་ཡི་གཉིས་མཐའ་ཚིག
278b4 གི་དོན། །གང་གིས་རྟག་ཏུ་བསྒོམ་བྱས་ན། །དེས་ནི་དངོས་གྲུབ་རྒྱས་པ་ཡིས། །རྡོ་རྗེ་འཛིན་པར་བདག་ཉིད་འགྱུར། །སོ་དང་མཆུ་དང་རྐན་དང་ལྕེ། །མགུལ་གནས་གང་ལ་ཡོད་པ་ནི། །གང་ལ་དེ་ནི་ཡིག་འབྲུ་ཉིད། །དེ་ནི་ཟད་དང་གནས་ཕྱིར་རོ། །བརྗོད་པ་མེད
278b5 ཅིང་ཐེ་ཚོམ་པ། །སྒྲ་ཡིག་རྣམ་པར་སྤངས་པ་ནི། །རང་གི་ཕྱི་ནང་དེ་བཞིན་ཉིད། །བྱང་ཆུབ་སེམས་ནི་འདིར་གསུངས་སོ། །ལྷ་མོ་བཞིས་ཡོངས་སུ་ཞུས་པ་ལས་ལྷ་མོ་སྤྱན་མས་ཡོངས་སུ་ཞུས་པའི་ལེའུ་སྟེ་དང་པོའོ།། །།དེ་ནས་ལྷ་མོ་མཱ་མ་ཀཱིས། །རྡོ་རྗེ
278b6 ཅན་ལ་འདི་ཞུས་ཏེ། །བྱང་ཆུབ་སེམས་ཀྱི་རིམ་པ་ཡི། །ཁ་སྙིང་ལྟེ་བ་གསང་བ་ལ། །འགྲོ་དང་ཕྱིར་འོང་བསྟན་པ་ནི། །རྡོ་རྗེ་ཆེན་པོས་བཀའ་སྩལ་འཚལ། །ཆ་ཤས་རྣམ་པ་དུ་ཞིག་གསུངས། །གནས་ཀྱི་རྣམ་པ་བསྒྱུར་བ་དུ། །ཁ་དོག་རྣམ་པ་དུ་ཞིག་གསུངས། །
278b7 དེ་བཞིན་གདན་ཡང་ཇི་ལྟར་འཚལ། །རྡོ་རྗེ་ཅན་གྱིས་བཀའ་སྩལ་བ། །ཆ་ཤས་བཞི་དང་མཉམ་ལྡན་ཞིང་། །པདྨ་བཞི་ལ་ཡང་དག་གནས། །སྙིང་གའི་པདྨ་ལ་གནས་གནག་།ཁ་ཡི་པདྨ་ལ་གནས་དཀར། །ང་རོ་ལྟེ་བའི་པདྨར་གནས། །གསང་བའི་པདྨ་ང་རོ
iiif viewer powered by OpenSeadragon
