| e-texts navigator |
| Wylie |
276a1 རྒྱུས་པ་ཤ་དང་རྩིབ་ལོགས་སྙིང་། །རླུང་ནི་དོན་ཡོད་གྲུབ་པའོ། །དྲི་མ་རྒྱུས་པ་མཁྲིས་པ་སྙིང་། །དེ་ནི་ནམ་མཁའི་ཁམས་སུ་གྲགས། །མི་བསྐྱོད་པ་ཡི་རང་བཞིན་དང་། །སྙིང་ནི་རྣམ་ཤེས་ལྔ་ཞེས་བྱ། །རེ་རེ་ལ་ཡང་སོ་སོར་ནི། །རྣམ་པ
276a2 ལྔ་ནི་སྤྲོ་བ་ཤེས། །དེ་བཞིན་གཤེགས་པའི་ཕུང་པོ་ལྔ། །ནང་གི་བདག་ཉིད་རྫས་བྱེ་བ། །ཤ་རྩ་རྒྱུས་པ་ཤ་ཁམ་ཚད། །ཀླད་པ་དང་ནི་ཀླད་རྒྱས་དང་། །རུས་པ་རྐང་དང་སྙེ་མ་དང་། །མཁལ་མ་སྙིང་དང་ལྟོ་བ་དང་། །གློ་བ་མཚེར་པ་གཅིན་དང་ནི། །བཤང
276a3 བ་ཕོ་བ་ལོང་ཀ་དང་། །ཞག་དང་ཆུ་སེར་རྣག་དང་ནི། །ཁྲག་དང་མཁྲིས་པ་བད་ཀན་དང་། །ངར་སྣབས་སྐྲ་དང་ཁ་སྤུ་དང་། །སེན་མོ་སྤུ་དང་པགས་པ་དང་། །ལག་པ་རྐང་མིག་ཡན་ལག་སོགས། །མཚོག་མ་དཔུང་བ་ཞེས་ནི་བརྗོད། །དེ་དག་རིམ་པར་ཤེས
276a4 པར་བྱ། །གཞལ་ཡས་ཁང་ནི་རྣམ་དག་པས། །དེ་ལ་གནས་ཀྱི་དབྱེ་བ་ནི། །མདོར་བསྡུས་ནས་ནི་བཤད་པར་བྱ། །པཱུ་ལླི་ར་ནི་མགོ་བོར་ཤེས། །སྤྱི་གཙུག་ཛཱ་ལན་དྷ་ར་དང་། །རྣ་བ་གཡས་པར་ཨོ་ཌྱན་དང་། །སྤྱི་བོའི་རྒྱབ་ནི་ཨརྦུ་ད། །གོ་དཱ་བ་རི་རྣ་བ
276a5 གཡོན། །རཱ་མེ་ཤྭ་རི་སྨིན་མའི་དབུས། །མིག་གཉིས་དེ་བི་ཀོ་ཊི་དང་། །མཱ་ལ་ཝེ་ནི་དཔུང་པའི་རྩ། །ཀཱ་མ་རཱུ་པ་མཆན་ཁུང་གཉིས། །ོ་ཌེ་ནུ་མ་གཉིས་སུ་གྲགས། །ཀོ་ས་ལ་ནི་ལྟེ་བར་ཤེས། །ཏྲི་ས་ཀཱུ་ནེ་སྣ་ཡི་རྩ། །ཁ་ཡི་པདྨ་ཀ་ལིང་ག། །མགྲིན་པ
276a6 ལམ་པཱ་ཀར་ནི་བརྗོད། །སྙིང་ནི་ཀཱཉྩིར་ཤེས་པར་བྱ། །ཧི་མ་ལ་ཡ་མདོམས་སུ་ཤེས། །མཚན་མ་གྲྀ་ཧ་དེ་ཝ་དང་། །བྲེ་ཏ་པུ་རི་བཤང་བའི་ལམ། །བརླ་གཉིས་སུ་ཝརྞྞ་དྭཱི་པ། །སཽ་རཥྚྭ་ནི་བྱིན་པ་གཉིས། །རྐང་པའི་བོལ་ནི་སིན་དྷཱའི་ཡུལ། །སོར་མོ་རྣམས་ལ་ནཱ
276a7 ག་ར། །མཐེ་བོང་གཉིས་ནི་མ་རུར་ཤེས། །ཀུ་ལུ་ཏཱ་ནི་རྐང་པའི་མཐིལ། །དེ་ལྟར་གནས་ཀྱི་རྣམ་དག་དང་། །ས་བཅུ་རྣམ་པར་དག་པ་ཉིད། །དེ་ཉིད་དང་ལྡན་ཤེས་པར་བྱ། །ཐིམ་དང་ལོངས་སྤྱོད་བདག་པོ་ཉིད། །འཇུག་པ་ལ་སོགས་བྱེ་བྲག་གིས། །རིམ་གྱིས་རྡོ་རྗེ
iiif viewer powered by OpenSeadragon
