| e-texts navigator |
| Wylie |
275b1 དང་ལྷོ་ཡི་མཚམས་སུ་ནི། །མེ་ལོང་ཡེ་ཤེས་སུ་ནི་བཤད། །རྣམ་པར་སྣང་མཛད་རྣམ་དག་ཉིད། །བདེ་དང་སྡུག་བསྔལ་འཇིགས་དང་སྐྱོ། །ཚོར་བའི་མཚན་ཉིད་དུ་ནི་འདོད། །ཚོར་བ་ཆུ་ཡི་ཁམས་དང་ནི། །ཕྱི་རོལ་སྒྲ་ནི་རྡོ་རྗེ་དང་། །རྣ་བ་ཕྱག་ན་རྡོ་རྗེར་བཤད། །
275b2 རིགས་ནི་གཉིས་པོ་འདྲེས་པ་ཉིད། །དྲི་ཡི་རྡོ་རྗེ་ཕྱི་རོལ་འགྱུར། །སྣ་ཡི་རྣམ་ཤེས་མཁའ་སྙིང་བོ། །ཁྲོ་བོ་གཉིས་པོ་རྣམ་པར་ཤེས། །མཉམ་ཉིད་རིན་ཆེན་འབྱུང་བ་དང་། །དངོས་དང་དངོས་མེད་སོགས་འདུ་ཤེས། །སྔ་མ་རྗེས་དྲན་མཚན་ཉིད་ཅན། །འདུ་ཤེས་ཕུང
275b3 པོ་མེ་ཁམས་དང་། །ཕྱི་རོལ་དྲི་ཡི་རྡོ་རྗེ་དང་། །ལྕེ་ཡི་རྣམ་ཤེས་འཇིག་རྟེན་མགོན། །དེ་བཞིན་ཁྲོ་བོའི་རྒྱལ་པོ་གཉིས། །དེ་ནི་སོ་སོར་རྟོག་ཡེ་ཤེས། །འོད་དཔག་མེད་ཀྱི་རིགས་ལས་བྱུང་། །དགེ་དང་མི་དགེའི་ལས་རྣམས་ཀྱིས། །བག་ཆགས་འདུ་བྱེད
275b4 མཚན་ཉིད་ནི། །འདུ་ཤེས་ཕུང་པོ་རླུང་གི་ཁམས། །ཕྱི་རོལ་རོ་ཡི་རྡོ་རྗེ་དང་། །ལུས་ཀྱི་རྣམ་ཤེས་སྒྲིབ་རྣམ་སེལ། །ཀུན་བཟང་ཚིགས་ཀྱི་མཚམས་དབུས་བཞུགས། །དེ་བཞིན་ཁྲོ་བོའི་རྒྱལ་པོ་གཉིས། །བྱ་བ་ནན་ཏན་གྲུབ་ཡེ་ཤེས། །དོན་ཡོད་གྲུབ་པའི
275b5 རིགས་ལས་བྱུང་། །དངོས་པོ་ཀུན་གྱི་རང་བཞིན་ནི། །ཡེ་ཤེས་མཚན་ཉིད་རྣམ་ཤེས་བརྗོད། །རྣམ་པར་ཤེས་པ་ནམ་མཁའི་ཁམས། །ཡིད་ཀྱི་རྣམ་ཤེས་འཇམ་རྡོ་རྗེ། །དེ་བཞིན་ཁྲོ་བོའི་རྒྱལ་པོ་གཉིས། །ཤིན་ཏུ་རྣམ་དག་ཆོས་ཀྱི་དབྱིངས། །མི་བསྐྱོད་པ་ཡི
275b6 རིགས་ལས་བྱུང་། །མངོན་པར་བྱང་ཆུབ་རྣམ་པ་ལྔ། །གཞལ་ཡས་ཁང་ན་འདི་དག་བཞུགས། །དེ་ཉིད་ཁམས་ཀྱི་དབྱེ་བ་ཡིས། །རིམ་པ་ཇི་བཞིན་བཤད་པར་བྱ། །སྐྲ་རུས་ཕྱི་ས་མཆིལ་མ་སྙིང་། །ས་ནི་རྣམ་སྣང་བདག་ཉིད་དོ། །སྤུ་དང་རྣག་དང་ཉེ་བའི
275b7 སྙིང་། །སེན་མོ་ཆུ་ཡི་ཁམས་སུ་ཤེས། །རིན་ཆེན་འབྱུང་ལྡན་བདག་ཉིད་ཀྱི། །རིགས་ཀྱི་རྟེན་དུ་ཤེས་པར་བྱ། །སོ་དང་པགས་པ་ཤ་དང་སྙིང་། །མེ་ཡི་ཁམས་ཞེས་བྱ་བར་བརྗོད། །འོད་དཔག་མེད་ཀྱི་རང་བཞིན་དང་། །རིགས་ཀྱི་དབྱེ་བར་ཤེས་པར་བྱ། །
iiif viewer powered by OpenSeadragon
