| e-texts navigator |
| Wylie |
272b1 བླ་མའི་མདུན་གནས་བྱ། །གལ་ཏེ་དངོས་གྲུབ་མཆོག་འདོད་ན། །བླ་མའི་མདུན་དུ་སློབ་མ་རྣམས། །དེ་ལྟ་བུ་སོགས་སྤྱོད་ཅེས་བྱ། །དམ་ཚིག་སྡོམ་པ་སྔར་བཤད་པ། །དེ་རྣམས་སློབ་མའི་སྤྱོད་པའོ། །དེ་ཡི་ཞི་སོགས་བྱ་བ་ནི། །བླ་མས་བསྟན་པར་བྱ་བའི་རིགས། །
272b2 དེ་ལ་མདོར་བསྡུས་བཤད་པར་བྱ། །ཐུན་མོང་ཆོ་གའི་མཚན་ཉིད་ནི། །ཞི་བ་དང་ནི་རྒྱས་པ་གཉིས། །ཟླ་བ་ཡར་གྱི་ངོ་ལ་བྱ། །དབང་དང་མངོན་སྤྱོད་ཀྱི་ནི་ལས། །ཟླ་བ་མར་གྱི་ངོ་ལ་བརྩམ། །བྱང་དུ་ཁ་བལྟས་ཞི་བ་ལ། །དེ་བཞིན་རྒྱས་པ་ཤར་དུ་བལྟ། །དྲག་པོའི
272b3 ལས་ལ་ལྷོ་ཕྱོགས་སུ། །དབང་གི་ལས་ལ་ནུབ་ཏུ་བལྟ། །གསོད་པ་ཉིད་ལ་མེ་ཡི་ཕྱོགས། །སྡང་བར་བྱ་ལ་བདེན་བྲལ་དུ། །གནས་ནས་བསྐྲད་ལ་རླུང་གི་ཕྱོགས། །རེངས་པ་ལ་ནི་དབང་ལྡན་ཕྱོགས། །ཞི་བའི་ཁ་དོག་དཀར་པོ་སྟེ། །རྒྱས་པ་ལ་ནི་སེར་པོ་བྱ། །དབང་དང་དགུག་པ་ལ་ནི་དམར། །
272b4 ཁ་དོག་ནག་པོ་གསོད་པ་ལའོ། །བྱམས་པའི་སེམས་ཀྱིས་ཞི་བ་ལ། །དགའ་བའི་སེམས་ཀྱིས་རྒྱས་པ་ལ། །ཆགས་པའི་སེམས་ཀྱིས་དབང་དག་ལ། །ཁྲོ་བའི་སེམས་ཀྱིས་གསོད་པའོ། །ཞི་ལ་ཕལ་ཆེར་ཐོ་རངས་བྱ། །དེ་བཞིན་རྒྱས་པ་སྔ་དྲོ་བྱ། །དབང་དང་མངོན
272b5 སྤྱོད་དག་གི་ལས། །ཉི་མ་གུང་དང་མཚན་ཕྱེད་ལའོ། །དེ་ལྟར་རིགས་པར་ཡང་དག་བཤད། །སྔགས་ཀྱི་རྒྱུད་གསུངས་མཚན་ཉིད་ཀྱིས། །ཞི་བ་ལ་སོགས་དངོས་གྲུབ་བརྒྱད། །བློ་ལྡན་ཆོ་ག་བཞིན་དུ་བསྒྲུབ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན
272b6 པར་རྟོགས་པ་ལས། སློབ་མའི་སྤྱོད་པ་རྣམ་པར་དག་པ་དང་། ཞི་བ་ལ་སོགས་པའི་ལས་ཀྱི་འབྲས་བུ་བསྟན་པའི་ལེའུ་སྟེ་དྲུག་ཅུ་དྲུག་པའོ།། །།དེ་ནས་གཞན་ཡང་བཤད་ཀྱིས་ཉོན། །ཁྲོ་བོ་བཟླས་པའི་མཚན་ཉིད་ནི། །གང་གིས་རྣལ་འབྱོར་དངོས
272b7 གྲུབ་བརྒྱད། །ཐོབ་འགྱུར་འདི་ལ་ཐེ་ཚོམ་མེད། །ཁྲོ་བོའི་སེམས་ཀྱི་བཟླས་པ་ནི། །ཁྲོ་བོའི་བཟླས་པ་ཞེས་ནི་བརྗོད། །ཡང་ན་ཁྲོ་བོའི་རྒྱལ་པོ་རྣམས། །སྔགས་བཟླས་པ་ཡི་སྦྱོར་བ་ཡིས། །ཁྲོ་བོའི་བཟླས་པ་དེ་ཤེས་བྱ། །དངོས་གྲུབ་བརྒྱད་ཀྱི་འབྲས་བུ
iiif viewer powered by OpenSeadragon
