| e-texts navigator |
| Wylie |
272a1 ཡོན་ཏན་མཚན་ཉིད་ནི། །དགའ་བ་ལ་སོགས་དབྱེ་བ་དང་། །དེ་བཞིན་སྒེག་སོགས་ཉམས་དང་ནི། །རྣལ་འབྱོར་རྗེས་སུ་རྣལ་འབྱོར་དང་། །ཤིན་ཏུ་རྣལ་འབྱོར་རྣལ་འབྱོར་ཆེ། །དང་པོ་སྦྱོར་བ་མདོར་བསྡུས་པས། །དེ་བཞིན་དཀྱིལ་འཁོར་རྒྱལ་པོ
272a2 མཆོག། །ལས་ཀྱི་རྒྱལ་པོ་རྣལ་འབྱོར་མཆོག་།འཇུག་དད་གནས་དང་ལྡང་བ་ནི། །རྫོགས་པའི་རིམ་པའི་རྣལ་འབྱོར་དང་། །བདེ་གཉིས་དབུགས་འབྱུང་གཉིས་ལ་སོགས། །གང་ལ་རྒྱས་བཤད་དེ་ཉིད་རྒྱུད། །རྣལ་འབྱོར་ཆེན་པོའི་རྒྱུད་དུ་བརྗོད། །ཡོན་ཏན
272a3 ཇི་ལྟ་བུ་ཡི་རྒྱུད། །ཐོས་སོགས་ཡོན་ཏན་མཆོག་གི་ནི། །རྟེན་དང་སྣོད་ཅེས་བྱ་བར་གསུངས། །མཚན་རྣམས་ཀུན་གྱིས་བརྒྱན་པ་དང་། །ཇི་ལྟར་སེང་གེའི་འོ་མ་ནི། །ས་ཡི་སྣོད་དུ་བཞག་མི་བྱ། །དེ་བཞིན་རྣལ་འབྱོར་ཆེན་པོའི་རྒྱུད། །སྣོད་མིན་དག་ལ་སྦྱིན་མི
272a4 བྱ། །སློབ་མ་སྐད་ཅིག་དེ་ལ་འཆི། །འདི་དང་ཕ་རོལ་དུ་ནི་ཕུང་། །སྣོད་མིན་མན་ངག་རབ་བཤད་ན། །སློབ་དཔོན་དངོས་གྲུབ་ཉམས་པར་འགྱུར། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས། སངས་རྒྱས་དང་དམ་པའི་ཆོས་དང་དགེ་འདུན
272a5 ལ་སོགས་པའི་མཚན་ཉིད་ཀྱི་ཚིག་རྒྱས་པའི་ལེའུ་སྟེ་དྲུག་ཅུ་ལྔ་པའོ། ། །།དེ་ནས་བཅོམ་ལྡན་རྡོ་རྗེས་གསུངས། །སློབ་མའི་བྱ་བའི་སྤྱོད་པ་ནི། །ཞི་བ་ལ་སོགས་བྱ་བ་ཡང་། །སྔགས་དང་རྣལ་འབྱོར་རིམ་པ་ཡི། །ལྷམ་དང་གདུགས་དང་གཙུག་ཏོར
272a6 དང་། །སོ་རྩི་ལ་སོགས་མྱང་བ་དང་། །སྣབས་ཀྱི་གོང་བུ་མཆིལ་མ་སོགས། །འདོར་ཞིང་རྐང་པ་རྐྱོང་བ་དང་། །གཞན་དུ་ལྟ་དང་སྤྱི་བརྟོལ་སྨྲ། །ནོར་གྱིས་སྙེམས་དང་ངར་འཛིན་དང་། །རྒྱན་ལ་སོགས་པ་བལྟབ་པ་དང་། །བག་མེད་པར་ནི་སྨྲ་བ་དང་། །བླ་མའི
272a7 གྲིབ་མ་འགོམ་པ་དང་། །དེ་ལ་སོགས་པ་སྐྱོན་གྱི་ཚོགས། །བླ་མའི་མདུན་དུ་རྣམ་པར་སྤངས། །འཇིགས་པས་ཐལ་མོ་སྦྱར་ནས་ནི། །སྤྱི་བོར་ཕྱག་རྒྱ་བཀའ་ལུང་ནོད། །རབ་བདོག་ཀུན་གཏོད་དམ་བཅས་པས། །ངོ་ཚ་བཅས་ཤིང་གདོང་སྨད་པས། །སློབ་མས
iiif viewer powered by OpenSeadragon
