| e-texts navigator |
| Wylie |
26b1 ཉིད་དེ་ཐོབ་པར་བགྱི། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་བདུད་རྩི་བདེ་ཆེན་པོས། །བཞད་པ་མཛད་ནས་གསུང་འདི་ནི། །སྤྱན་ཡང་ཕྱེ་ནས་བཀའ་སྩལ་པ། །དེ་ཉིད་སྔོན་བཞིན་བཤད་པ་སྟེ། །བདུད་རྩི་གཟུགས་ནི་ཁུ་བ་ཡིན། །བདུད་རྩི་ལྔ་དང་ལྡན་བྱས་ཏེ། །རྟག་པར་རྒྱུན་དུ
26b2 མྱང་བར་བྱ། །རྫས་ནི་རེ་རེའི་མཐུ་དག་ནི། །བཤད་པ་ཉོན་ཅིག་མཱ་མ་ཀཱི། །ཡེ་ཤེས་ཤེས་བྱ་སྒྲུབ་བྱེད་པའི། །ཁུ་བ་དངས་པར་བཟའ་བར་བྱ། །སྐུ་གསུང་ཐུགས་ཀྱི་བསྒྲུབ་དོན་དུ། །ཁྲག་ཆེན་རབ་ཏུ་བསྒྲུབ་བྱ་སྟེ། །གང་ཞིག་བུད་མེད་རྣམས་ཀྱི་འམ། །བུ་མོ་ཡི་ནི་རྟག་ཏུ
26b3 བླང་། །ཁྲག་ཆེན་དེས་ནི་མཱ་མ་ཀཱི། །དོན་ནི་ཐམས་ཅད་བྱེད་པ་པོ། །དྲག་ཤུལ་ཤི་བ་རྙེད་ན་ནི། །ཤ་ཆེན་པོ་ཡང་བཟའ་བྱ་སྟེ། །གསལ་ཤིང་བཙུགས་དང་འགགས་པ་འམ། །གཡུལ་དུ་བསད་པ་གང་དེ་ནི། །ཟབ་ཅིང་བསྟན་པས་ཟ་བྱེད་ན། །ཚེ་དང་ནད་མེད་འཕེལ་བར
26b4 འགྱུར། །དེ་བཞིན་འདོད་པའི་བདེ་བ་དང་། །སངས་རྒྱས་བྱང་ཆུབ་གྲུབ་པ་དང་། །རྡོ་རྗེ་སེམས་དཔའ་བཞིན་དུ་འཚོ། །འདོད་ཀུན་འབྲས་བུ་དེས་སྦྱིན་ནོ། །རྡོ་རྗེ་ཆུ་དང་བཤང་གཅི་ནི། །རང་གིས་བཟའ་བར་རིག་པར་བྱ། །ཕྱེ་མ་ཞིབ་མོར་བྱས་པ་ལ། །ཁྲག་ཆེན་གྱིས་ནི་བསྲེ
26b5 བར་བྱ། །སྔ་དྲོ་དེ་བཞིན་ཉིན་ཕྱེད་དང་། །ཕྱི་དྲོ་ལ་ནི་བཟའ་བར་བྱ། །དུས་གསུམ་ཟོས་ནས་རྣལ་འབྱོར་པས། །དེ་ནས་རྡོ་རྗེ་ཆུ་ནི་བཏུང་། །ཉིན་དང་ཉིན་དུ་མཱ་མ་ཀཱི། །སྒྲུབ་པ་པོ་གང་སྒྲུབ་བྱེད་པ། །ལུས་ལ་ནད་ནི་མེད་འགྱུར་ཞིང་། །རྒས་པའི་ནད་ཀྱང་མེད་པར་བྱེད། །སྐལ་བཟང
26b6 རྒྱས་པའི་མདངས་ལྡན་པ། །རྒྱལ་པོའི་སྒོར་ཡང་རྒྱལ་བར་འདྲེན། །དེ་ནི་འདོད་པ་ཀུན་སྦྱིན་པས། །མཆོག་རབ་དེ་ཉིད་ཐོབ་པ་ཡིན། །རྣལ་འབྱོར་དེ་ཡང་ཀུན་ཤེས་ཏེ། །རྡོ་རྗེ་སེམས་དཔའི་ཡོན་ཏན་ལྡན། །འདོད་ཆགས་ཞེ་སྡང་ལས་གྲོལ་ནས། །བརྐམ་པ་ཕྲག་དོག
26b7 རྣམ་སྤངས་ནས། །རྡོ་རྗེ་བདུད་རྩི་བདེ་ཆེན་པོ། །དེ་ཡིས་སྒྲུབ་པ་འགྲུབ་པའོ། །རྡོ་རྗེ་བདུད་རྩིའི་རྒྱུད་འདི་ནི། །དོན་མང་གསང་བའི་རིམ་པ་ཅན། །མ་ལུས་རྡོ་རྗེ་ཐེག་པ་འདི། །འདི་ལས་བྱུང་གྱུར་ལྷ་མོ་ཀྱེ། །རྒྱས་པའི་པདྨ་མཱ་མ་ཀཱིས། །འདོད་ཆགས་ཀྱིས་ནི་བདེ་འགྱུར་བས། །
iiif viewer powered by OpenSeadragon
