| e-texts navigator |
| Wylie |
268b1 ཕྱག་རྒྱ་བསྟན། །རུས་སྦལ་ཕྱག་རྒྱ་ལན་ཡིན་ནོ། །མཆུ་རླེ་མིག་དཀྱུས་རིང་བ་དང་། །ཁ་དོག་སེར་མོ་ཡིད་འཕྲོག་མ། །འདི་ཡི་དཔྲལ་བར་རི་མོ་གསུམ། །ཇི་སྲིད་སྐྲ་མཚམས་བར་དུ་གནས། །གཡུལ་དུ་འཆི་བ་རྣམས་ཀྱིས་ནི། །གཏམ་དག་ལ་ནི་རབ་ཏུ་ཉན། །
268b2 འདི་འདྲའི་ཉན་པ་མ་མཐོང་ནས། །མདུང་གི་ཕྱག་རྒྱ་བསྟན་པར་བྱ། །རྐང་བ་གཡོན་པ་བསྐུམ་པ་དང་། །དེ་ནི་གར་བྱེད་རབ་ཏུ་སྟོན། །གཡོན་པ་ཡོངས་སུ་བསྐོར་ནས་ནི། །ཕྱག་རྒྱའི་ལན་ནི་བསྟན་པར་བྱ། །སྣ་ཚོགས་པ་ཡི་གོས་ལ་དགའ། །རིན་ཆེན་འབྱུང
268b3 ལྡན་རིགས་ལས་བྱུང་། །ཁ་དོག་གནག་ཅིང་གོས་ཀྱང་གནག་།སྐྲ་ནི་འཁྱིལ་ཅིང་དར་གྱིས་བཅིངས། །དཔྲལ་བར་གཞུ་ཡི་རྣམ་པ་ཡི། །དེ་འདྲའི་མཚན་མ་མཐོང་ན་ནི། །རྟག་ཏུ་དེ་ཡི་སེམས་གཡོ་བ། །མ་མོ་ཞེས་ནི་རབ་ཏུ་གྲགས། །དྲིལ་བུའི་ཕྱག་རྒྱ
268b4 བསྟན་པར་བྱ། །དེ་ཡི་གཡོན་པས་ཕྱག་རྒྱ་སྟོན། །མི་བསྐྱོད་རིགས་ལས་བྱུང་བར་ཤེས། །མཚན་མོ་འོངས་ནས་འགྲོ་བ་མཆོག་།ཐུང་ངུ་ལྟོ་སྦོམ་ཁ་དོག་དཀར། །བྱིན་པ་སྦོམ་ཞིང་ཤིན་ཏུ་མཛེས། །ས་སྤྱོད་མར་ནི་ཤེས་པར་བྱ། །དུང་གི་ཕྱག་རྒྱ་ལན་ཡིན་ནོ། །
268b5 རྣམ་པར་སྣང་མཛད་རིགས་ལས་བྱུང་། །མིག་ཡངས་རྫི་མ་སྟུག་པ་དང་། །ཡན་ལག་ཀུན་ལ་བ་སྤུས་ཁྱབ། །སྔོ་བསངས་མིག་ནི་དམར་བ་དང་། །ཡན་ལག་ཕྲ་ཞིང་དཔུང་པ་རིང་། །དེ་ནི་མཁའ་འགྲོ་མ་རུ་གྲགས། །དོན་ཡོད་གྲུབ་པའི་རིགས་ལས་བྱུང་། །དེ་འདྲ་བ
268b6 ནི་རབ་མཐོང་ན། །བ་དན་གྱི་ནི་ཕྱག་རྒྱ་དང་། །གཡོན་པའི་ཕྱག་རྒྱ་ལན་ཡིན་ནོ། །དེ་ལྟར་འབད་པས་ཤིས་ནས་ནི། །མཁས་པས་མཚན་མོ་སོང་ནས་ནི། །དེ་ལ་ཅུང་ཟད་འཇིགས་མི་བྱ། །གང་ཕྱིར་དེ་ཉིད་མཆོད་པར་བྱ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང
268b7 བ་མངོན་པར་རྟོགས་པ་ལས་ཚོགས་ཀྱི་འཁོར་ལོའི་མཆོད་པ་དང་། རྣལ་འབྱོར་མ་དང་འདྲེས་པའི་ལེའུ་སྟེ་དྲུག་ཅུ་གཉིས་པའོ།། །།དེ་ནས་གཞན་ཡང་བཤད་ཀྱིས་ཉོན། །གསང་བའི་ཚིག་ནི་བཤད་པ་ནི། །རྡོ་རྗེའི་གནས་སོགས་གནས་རྣམས་སུ། །རིགས
iiif viewer powered by OpenSeadragon
