| e-texts navigator |
| Wylie |
268a1 བའི་དབུས་ལ་ནི། །དཔའ་བོ་རྣམས་ཀྱི་གདན་དུ་བརྗོད། །གལ་ཏེ་དཔའ་བོས་མ་ཤེས་ན། །དཔའ་བོ་དོན་གྱི་མཚན་ཉིད་རྣམས། །དངོས་གྲུབ་ཐམས་ཅད་སྩོལ་བ་ཡི། །འཁོར་ལོ་དེ་ཡི་འབྲས་བུ་མེད། །དེ་ལྟའི་འབྲས་བུ་ཅུང་ཟད་གང་། །ཕྱི
268a2 ནང་བདག་ཉིད་ཡང་དག་སྤྱོད། །དེ་ཡིས་རྣམ་དག་དངོས་གྲུབ་འགྱུར། །ཚོགས་ཀྱི་འཁོར་ལོའི་འབྲས་བུ་སྟེར། །རྣལ་འབྱོར་མ་དང་ལྷན་ཅིག་འདྲེས། །རབ་ཏུ་བཤད་ཀྱིས་དེ་ཉིད་ཉོན། །འདུལ་བའི་མཁའ་འགྲོ་མ་འགའ་ཞིག་།སེམས་རྟོག་མེད་པའི་ཕྱིར་འོངས
268a3 ནས། །དེ་ལ་དེ་ཚེ་སྨྲ་བ་ཡང་། །སྒྲུབ་པ་པོས་ནི་མི་བྱ་ཞིང་། །ཚིག་ཙམ་གྱིས་ནི་ལན་མི་གདབ། །བདེ་བར་འོངས་སམ་ཕྱག་རྒྱས་བྱ། །དེ་ལ་ཅུང་ཟད་བྱ་སྨྲ་གང་། །སློབ་དཔོན་རང་ཉིད་ཀྱིས་ནི་བྱ། །ཡང་ན་བྱ་བ་ཐམས་ཅད་ནི། །ལས་ཀྱི་རྡོ་རྗེས་ཡང་དག་སྦྱར། །
268a4 གང་ཕྱིར་རང་ཉིད་རྡོ་རྗེ་སེམས། །ལས་ཀྱི་རྡོ་རྗེ་གཞན་དགའ་མིན། །སྣ་ཚོགས་གཟུགས་ཀྱི་རྣལ་འབྱོར་མ། །ཡང་དང་ཡང་དུ་དགུག་པར་བྱ། །དེ་ལ་གཡོ་བའི་སྤྱོད་པ་མེད། །སློབ་དཔོན་དཔའ་བོ་བཞིན་དུ་སྤྱོད། །གང་ཡང་སྐྱོན་གྱི་སྤྱོད་པས་ནི། །དེ་ཡི་ལུས་ནི
268a5 ལྟུང་བར་འགྱུར། །ཤིན་ཏུ་དགའ་བ་ཡང་དག་སྐྱེས། །བཀའ་བསྒོ་གར་གྱི་སྤྱོད་པ་བྱ། །རྡོ་རྗེ་བཅིང་བ་དེ་ཡང་བྱ། །ལྷ་རྣམས་ཇི་ལྟར་མཉེས་པ་ཉིད། །མའམ་སྲིང་མོ་བུ་མོའམ། །གལ་ཏེ་མཆོད་པར་འདོད་པ་ན། །ཤེས་རབ་ཐབས་ཀྱི་ཆོ་ག་ཡིས། །རྟོག་པ
268a6 མེད་པས་བསྟན་པར་བྱ། །རབ་མཆོག་དེ་ཡི་དངོས་གྲུབ་ནི། །ཐོབ་པར་འདི་ལ་ཐེ་ཚོམ་མེད། །ལྷག་མའི་གཏོར་མ་བླངས་ནས་ནི། །དགོན་པ་ཆེན་པོར་སོང་ནས་དོར། །ཀྵྨཱིཾ་ཨུ་ཙྪིཥྚ་ཀྵེ་ཏཱ་པཱ། །ལཱ་ཡ་སྭཱ་ཧཱ་སྔགས་བརྗོད་བྱ། །གལ་ཏེ་དེ་ལྟར་རབ་བྱེད་པའི། །རྣལ
268a7 འབྱོར་པ་ཡིས་སླར་ཡང་མཐོང་། །དེ་ལྟར་དེ་ནི་ཡོངས་ཤེས་ནས། །རྣལ་འབྱོར་པ་ཡི་མཚན་ཉིད་མཆོག་།གང་གིས་གདོང་ནི་འབར་བའི་འོད། །ཟླུམ་ཞིང་འཇམ་ལ་མཛེས་པ་དང་། །སྨིན་མ་རིང་བ་དེ་ཤེས་བྱ། །འོད་དཔག་མེད་ཀྱི་རིགས་ལས་བྱུང་། །དེ་ལས་པདྨའི
iiif viewer powered by OpenSeadragon
