| e-texts navigator |
| Wylie |
267b1 བས་བསྒོམས་ནས་ནི། །བསྟན་བཅོས་ཉམས་མྱོང་འཇིག་རྟེན་དང་། །འགལ་བ་དེ་ནི་གཞུག་མི་བྱ། །གཞན་ཡང་བསྟན་བཅོས་ལས་གསུངས་པ། །མཚན་ཕྱེད་ནི་ནི་དགུག་པར་བྱ། །སློབ་དཔོན་མགོན་ལ་ཡང་དག་མཆོད། །ཇི་ལྟར་གདན་སྟེངས་བཞུགས་གསོལ་ནས། །
267b2 གདན་ནི་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་ཡང་དག་ལྡན། །རྡོ་རྗེ་སློབ་དཔོན་དེ་ཉིད་ཀྱང་། །མཁྱེན་པ་འཁོར་ལོའི་དབུས་ན་བཞུགས། །དཀྱིལ་འཁོར་པ་ནི་གཞན་རྣམས་དང་། །དེ་བཞིན་འཁོར་ལོ་གནས་པ་གཞན། །དཀྱིལ་འཁོར་པ་བཞིན་ཤེས་པར་བྱ། །
267b3 ཚོགས་ཀྱི་འཁོར་ལོར་གཏམ་སྨྲ་དང་། །རྩོད་དང་དེ་བཞིན་སྒྲུབ་པ་དང་། །མཆིལ་སྣབས་དོར་ཞིང་དགོད་པ་དང་། །རྐང་པ་ལ་སོགས་རྐྱོང་བ་དང་། །ཡང་དང་ཡང་དུ་ལྡང་བ་ནི། །དེ་ལ་དུས་ཀུན་དུ་མི་བྱ། །ཕྱག་རྒྱ་བརྡ་ཡི་ཚོགས་རྣམས་ཀྱིས། །བྱ་ཞིང་བྱ་བར་ཤེས་པར་བྱ། །
267b4 ཤེས་བཞིན་དུ་ནི་གར་དང་གླུ། །ཚོགས་ཀྱི་དཀྱིལ་འཁོར་དུ་ནི་བྱ། །གཙོ་བོ་ལ་ནི་སྣོད་ཀྱི་མཆོག་།དུམ་བུ་གཅིག་པ་མཚན་ཉིད་བཟང་། །དེ་མེད་དུམ་བུ་གསུམ་པ་ལ། །མེ་ཏོག་སྣ་ཚོགས་རྣམས་ཀྱིས་མཆོད། །ལྷ་ཡི་ཆང་ལ་སོགས་པ་གང་། །ལེགས་པར་མཉམ་པར
267b5 གཞག་སྟེ་དབུལ། །ཚོགས་རྣམས་ལ་ཡང་སོ་སོར་སྣོད། །མེ་ཏོག་ཚོགས་ཀྱིས་ཡོངས་གང་བ། །ཐོག་མར་གཏོར་མ་ཆེན་པོ་སྦྱིན། །སྔོན་བཞིན་བཟའ་བ་ལ་སོགས་ལྡན། །གང་གིས་དགའ་བ་རྣམས་ཉམས་པ། །དེ་འདྲ་བཏུང་བར་མི་བྱའོ། །ཡང་དང་ཡང་དུ་ཕྱག་བྱས
267b6 ནས། །ཕྱག་རྒྱ་བཅིངས་ནས་བཏུང་བར་བྱ། །དེ་ནས་བཟའ་བ་ཐམས་ཅད་ནི། །སྦྱང་བྱ་སོགས་ཀྱིས་ཡང་དག་སྦྱངས། །ོ~ཾ་དང་ཨཱཿདང་ཧཱུ~ཾ་གིས་ནི། །སྦྱང་དང་སད་དང་རྟོགས་པར་བྱ། །གུར་གུམ་ཙནྡན་དཔའ་བོ་དང་། །གངས་དང་ལྟེ་བ་དང་། །འདི་ནི་དག་བྱེད
267b7 བདུད་རྩི་ལྔ། །བཟའ་བ་འདི་རྣམས་རབ་ཏུ་སྤྱོད། །སྦོམ་པོ་མིང་མེད་སྦྱོར་བ་ཡིས། །དཔའ་བོ་རྣལ་འབྱོར་མ་རིམ་བཞིན། །རང་གི་ལྕེ་ཡིས་མྱང་བར་བྱ། །དཔའ་བོ་དབུས་སུ་དུས་ཀུན་དུ། །ཁ་ལ་དཔའ་བོ་རྣམ་པར་དགོད། །བླ་ན་མེད་པའི་མཆོད་པ་བྱ། །པདྨའི་ལྟེ
iiif viewer powered by OpenSeadragon
