| e-texts navigator |
| Wylie |
267a1 འབྱོར་མ་དང་ལྷན་ཅིག་བཟའ། །ཟླ་བ་གཅིག་ནས་དེ་ནས་ལྷག་།མཛའ་བོ་རྣམས་དང་ཡང་དག་བསྒོ། །མར་ངོའི་ཚེས་བརྒྱད་ཚེས་བཅུ་འམ། །ཡང་ན་བཅུ་བཞི་ནས་བརྩམས་ཏེ། །དེ་ལ་གཏོར་མ་བྱ་བ་ནི། །ལས་ཀུན་ལ་ནི་བླ་ན་མེད། །དེ་ལས་ཀྱང
267a2 ནི་དངོས་གྲུབ་སྐྱེ། །ཕྱག་རྒྱ་ཆེན་པོ་མངོན་རྫོགས་དང་། །དངོས་གྲུབ་རྒྱས་དང་ཞི་བ་སོགས། །དེ་ཡིས་འབད་མི་དགོས་པར་འཐོབ། །རླུང་གི་དེ་ཉིད་ཡང་དག་སློབ། །མཁའ་སྤྱོད་ཉིད་ནི་ཐོབ་པར་འགྱུར། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ
267a3 ལས་བདུད་རྩི་ལྔ་བཟའ་བའི་ཆོ་གའི་ལེའུ་སྟེ་དྲུག་ཅུ་གཅིག་པའོ། ། །།དེ་ནས་གཞན་ཡང་བཤད་ཀྱིས་ཉོན། །ཚོགས་ཀྱི་འཁོར་ལོ་ཆོ་ག་མཆོག་།གང་གིས་མཆོད་པ་ལས་བྱུང་བ། །རྒྱལ་སྲས་རྣམས་ཀྱི་དངོས་གྲུབ་མཆོག་།རྣལ་འབྱོར་ཆེ་དང་ལྷན་ཅིག་ཏུ། །
267a4 སྒྲུབ་པའི་ཕྱིར་ནི་ཡང་དག་གནས། །ཕྱག་རྒྱ་བརྡ་ནི་ཡོངས་ཤེས་ཤིང་། །དེ་དང་དམ་ཚིག་ལ་ནི་འཇུག་།དེ་རྣམས་ཚོགས་ནི་རབ་མཆོག་དང་། །ཚོགས་ཀྱི་འཁོར་ལོ་ཞེས་ནི་བརྗོད། །ཀུན་ཀྱང་དམ་ཚིག་ལ་གནས་པ། །རྟོག་པ་ཐམས་ཅད་རྣམ་པར་སྤངས། །བླ་མ་ལ
267a5 དད་དམ་ཚིག་གནས། །གཏོང་སོགས་ཡོན་ཏན་རྣམས་ཀྱིས་བརྒྱན། །ཐབས་ཞེས་བྱ་བ་བགེགས་མེད་ན། །ཚོགས་ཀྱི་འཁོར་ལོ་ལ་ནི་འཇུག་།གཞན་དུ་སྐྱོན་ནི་འབྱུང་འགྱུར་ཏེ། །འཁོར་ལོ་ལ་ཡང་འགྲུབ་མི་འགྱུར། །ཤེས་རབ་ཀྱང་ནི་ཐབས་དང་མཚུངས། །མཛའ
267a6 བོ་བཟང་དང་རབ་ཏུ་མཁས། །ལོ་ནི་ཉི་ཤུ་རྩ་ལྔ་ལོན། །ལྷག་མ་ཡོངས་སུ་སྤངས་ནས་ནི། །ཐབས་དང་སོ་སོར་ཤེས་རབ་དང་། །ཀུན་ལ་གཅིག་ནི་ཕན་ཡོན་མེད། །ཐོག་མ་ཡིད་འོང་ཉམས་དགའ་བར། །མེ་ཏོག་གི་ནི་དཀྱིལ་འཁོར་བྱ། །དེ་ཉིད་སྣ་ཚོགས་མཆོད
267a7 པ་ནི། །ལེགས་པར་མཉམ་པར་བཞག་ནས་མཆོད། །གཙོ་བོ་དངོས་པོ་ཀུན་གྱིས་ནི། །རྡོ་རྗེ་སེམས་དཔའ་བཞིན་དུ་མཆོད། །ཚོགས་ཀྱི་མཆོད་པ་བྱས་རྗེས་ལ། །དཀྱིལ་འཁོར་ལུགས་འབྱུང་ལུགས་བཟློག་པས། །དད་པ་དངོས་པོས་ཀུན་ནས་ནི། །མཉམ་པས་བལྟ
iiif viewer powered by OpenSeadragon
