| e-texts navigator |
| Wylie |
266b1 ཉིད་སྒྲུབ་གྲོགས་མཆོག་། ཆགས་དང་ཆགས་བྲལ་རྣམ་པར་སྤངས། །བརྩོན་ཞིང་བརྐམ་ཆགས་མེད་པ་དང་། །ཁྲོ་མེད་དང་བཅས་དཔའ་བ་དང་། །མང་དུ་ཐོས་ཤིང་ཡོད་པར་ལྟ། །ཐོག་མ་གཉིས་ཀ་ཡི་ནི་ལུས། །འབྲས་བུ་སོགས་ཀྱིས་དག་བྱ་བ། །གནོད་མཛེས་སྐུལ་བྱེད
266b2 འབུམ་ཕྲག་གཅིག་། དེ་རྗེས་སྔགས་པས་བཟླ་བར་བྱ། །ོཾ་སུམྦྷ་ནི་སུམྦྷ་ཧཱུ~ཾ་ཧཱུ~ཾ་ཕཊ། །ོ~ཾ་གྲྀཧྞ་གྲྀཧྞ་ཧཱུ~ཾ་ཧཱུ~ཾ་ཕཊ། ཨོ~ཾ་གྲྀཧྞཱ་བ་ཡ་གྲྀཧྞཱ་པ་ཡ་ཧཱུ~ཾ་ཧཱུ~ཾ་ཕཊ། ཨོཾ་ཨན་ཡ་ཧོ། བྷ་ག་བཱ་ན་བིདྱཱ་རཱ་ཛ་ཧཱུ~ཾ་ཧཱུ~ཾ་ཕཊ། དེ་ནས་ཟླ་གཅིག་ཡི་གེ་གསུམ། །སྒྲུབ་པོས་མི་སྨྲ་བཟླས་པར་བྱ། །ཀུན་དུ་བཟང་པོ
266b3 འགྲོ་བའི་གཙོ། །དེ་ནི་སྐད་ཅིག་རྨི་ལམ་མཐོང་། །དེས་ནི་བཀའ་ཡིས་བསྒོ་བ་ནི། །ཀ་ནྱ་མཆོག་ནི་བསྟེན་གྱིས་ལ། །སེམས་ཅན་དོན་ནི་མཚུངས་མེད་བྱོས། །ཇི་ལྟར་དེ་ཉིད་རྡོ་རྗེ་འཆང་། །བུ་མོ་སྐལ་ལྡན་མིག་ཡངས་མ། །གཟུགས་དང་ལང་ཚོས་རྣམ་པར་བརྒྱན། །བརྐམ
266b4 ཆགས་མེད་ཅིང་ཆགས་བཅས་སེམས། །སྒེག་པས་མྱོས་ཤིང་བསྒྱིངས་དང་བཅས། །ནུ་རྒྱས་སྔོ་བསངས་ཉམས་དགའ་བ། །རྣམ་རྟོག་མེད་ཅིང་མང་དུ་ཐོས། །སྒྲུབ་པོས་དེ་སྲིད་འདོད་པར་བྱ། །ཇི་སྲིད་ཁུ་བ་དང་བཅས་གྱུར། །དེ་ནས་གདོང་ནི་པདྨ་གཉིས། །གཉིས
266b5 ཀ་འབྱུང་བ་བླངས་ནས་ནི། །པདྨའི་སྣོད་དེར་གཞག་པར་བྱ། །མཚན་ཉིད་བཟང་པོར་ཞག་བདུན་དུ། །གླང་པོ་རྟ་ཁྱི་བ་ལང་མི། །དཔྱིད་ཟླ་ཐ་གཉིས་ཀ་ཤར། །སྐྱེ་གནས་ནས་ནི་བླངས་ནས་ནི། །དེ་བཞིན་དེ་རུ་རིམ་པ་བཞིན། །པད་སྣོད་དེ་ཉིད་ལ་ནི་དེར། །ཞག
266b6 བདུན་བར་དུ་གཞག་པར་བྱ། །ཉིན་ཞག་ཉི་ཤུ་རྩ་གཅིག་ཏུ། །ཡི་གེ་གསུམ་ནི་སྔགས་བཟླས་བྱ། །འདུ་འཛི་མེད་ཅིང་དབེན་པའི་གནས། །ཙནྡན་བཟང་པོ་བྱུགས་ནས་ནི། །ཛཿཧཱུ~ཾ་བ~ཾ་ཧོཿའི་སྔགས་བཀོད་པའི། །པདྨོའི་སྣོད་ལ་གཞག་པར་བྱ། །ར་ཡི་འོ་མ་ཏིལ་གྱི་མར། །
266b7 མར་དང་ལི་ཁ་དཀར་པོ་དང་། །ཆ་བསྙམས་བསྐོལ་བ་བྱས་ནས་ནི། །དེ་དང་ལྷན་ཅིག་སྣོད་བཞག་བསྲེ། །རྒྱ་ཤུག་ཚིག་གུ་ཚད་ཙམ་གྱིས། །བློ་དང་ལྡན་པས་རིལ་བུ་བྱ། །གྲིབ་མ་ལ་ནི་བསྐམ་བྱས་ནས། །རིམ་གྱིས་བསྐྱེད་ཅིང་བཟའ་བར་བྱ། །རྡོ་རྗེ་མིང་སྲིང་སྤུན་དང་ནི། །རྣལ
iiif viewer powered by OpenSeadragon
