| e-texts navigator |
| Wylie |
266a1 བཤད། །དབང་པོ་ལྔ་ཡི་བསྲེག་རྫས་དང་། །ཕུང་པོ་ཡམ་ཤིང་དུ་ནི་གྱུར། །མར་ནི་བྱང་ཆུབ་སེམས་སུ་བཤད། །གནམ་སྟོང་ནས་བརྩམས་ཉ་ཡི་བར། །ཇི་སྲིད་བྱེད་པ་གཤེགས་སུ་གསོལ། །མེ་ཐབ་ཐིག་ལེ་ཙམ་དུ་གསུངས། །བླུགས་གཟར་ནམ་ཡང
266a2 མི་འཕོ་བ། །སངས་རྒྱས་གཏི་མུག་དགའ་ལ་སོགས། །གཟུགས་རྡོ་རྗེ་སོགས་རྒྱལ་སྲས་རྣམས། །ཁྲོ་བོའི་རྒྱལ་པོ་བཅུ་ལ་ནི། །རྟག་ཏུ་སྦྱིན་སྲེག་གིས་ཚིམ་བྱ། །རྡོ་རྗེ་སེམས་དཔའི་མཆོད་པ་གང་། །དེ་ཡང་དགང་བླུགས་སུ་ནི་བརྗོད། །ཧུ~ཾ་ཕཊ་ཡང་དག་ལྡན་སྔགས
266a3 ཀྱིས། །ཆོ་ག་བཞིན་དུ་སྲེག་བླུགས་དབུལ། །དེ་ཡིས་ལུས་གནས་མཉེས་འགྱུར་ན། །ལྷ་ཡི་དམ་ཚིག་བླ་ན་མེད། །ཡིད་ལ་ཇི་ལྟར་འདོད་པ་རྣམས། །དེ་ལྟར་དངོ་གྲུབ་སྩལ་ནས་ནི། །སྦྱིན་སྲེག་འདི་ནི་མཆོག་ཏུ་གསུངས། །དངོས་གྲུབ་ཀུན་གྱི་འབྲས་བུ་སྩོལ། །རྣལ་འབྱོར
266a4 ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ནང་གི་བདག་ཉིད་ཀྱི་སྦྱིན་སྲེག་གི་ལེའུ་སྟེ་དྲུག་ཅུ་པའོ། ། །།དེ་ནས་བཅོམ་ལྡན་རྡོ་རྗེས་གསུངས། །བདུད་རྩི་ལྔ་ནི་བཟའ་བ་ནི། །དངོས་གྲུབ་ཀུན་བྱེད་དེ་ཉིད་མཆོག་།ཇི་ལྟར་རིགས་པའི་རིམ་པ་བཞིན། །རྣམ་སྣང
266a5 མཛད་དང་མི་བསྐྱོད་དང་། །དོན་ཡོད་གྲུབ་དང་འོད་དཔག་མེད། །རིན་ཆེན་རྒྱལ་མཚན་ལྔ་པོ་ནི། །བདུད་རྩི་ལྔ་ཡི་མཚན་ཉིད་དོ། །ཁྲག་ནི་རིན་ཆེན་དབང་ཕྱུག་དང་། །བྱང་ཆུབ་སེམས་ནི་འོད་དཔག་མེད། །དེ་བཞིན་དོན་ཡོད་གྲུབ་པ་ཤ། །མི་བསྐྱོད་དེ་བཞིན་རྡོ་རྗེ་ཆུ། །
266a6 དྲི་ཆེན་རྣམ་སྣང་མཛད་དུ་བཤད། །དེ་དག་བདུད་རྩི་ལྔ་ནི་མཆོག་།བས་མཐའ་ཉམས་དགའ་སྐྱེ་བོས་དབེན། །སྐྲ་ཡི་ཚེར་མ་རྣམ་པར་སྤངས། །དེ་ལ་ཁང་པ་བྱ་བ་ནི། །ཁང་པ་གཉིས་བརྩེགས་སྒོ་དང་བཅས། །ས་འོག་ཁང་པ་གཅིག་བྱ་ཞིང་། །གཞན་དག་དེ་ཡི་སྟེང་དུ
266a7 བྱ། །གཞན་ནི་གསངས་ནས་བྱ་བ་སྟེ། །འཇིག་རྟེན་པ་ནི་གཅིག་ཏུ་ཤེས། །སྒྲུབ་པོས་དེ་ཉིད་ཀུན་ཤེས་ཤིང་། །སྔགས་ཤེས་བསམ་པ་རྒྱ་ཆེ་བ། །བརྟན་ཞིང་སྙིང་རྗེ་མཁས་པ་དང་། །ཡུལ་ལ་ཕྲག་དོག་རྣམ་པར་སྤངས། །སྒྲུབ་པོ་གཙོ་བོའི་ཡོན་ཏན་གང་། །དེ་ལྟ་བུ
iiif viewer powered by OpenSeadragon
