| e-texts navigator |
| Wylie |
265b1 རྟེན་ཐ་སྙད་བྱས་པ་ཡིས། །ཡེ་ཤེས་གསུམ་ནི་མཐོང་ཕྱིར་རོ། །བི། སྣ་ཚོགས་པ་ཡི་ཐ་སྙད་དག་།འཇིག་རྟེན་པས་ནི་ཡོངས་བརྟགས་པ། །ལམ་གསུམ་གྱི་ནི་དབྱེ་བ་ཡིས། །ཡེ་ཤེས་གསུམ་ལས་བྱུང་བའོ། །ཛ། སྐྱེ་དང་གནས་དང་འཇིག་པ་དང་། །སྲིད་པ་བར་མར་གནས་པ
265b2 སྟེ། །ཇི་སྙེད་འཇིག་རྟེན་གྱིས་བརྟགས་པ། །སེམས་ཀྱི་རླུང་ནི་རྣམ་འཕྲུལ་ལོ། །ཧ། དགོད་དང་རྩེད་མོ་བྱེད་པ་དང་། །གར་གྱི་ཉམས་དགུར་ལྡན་པ་དང་། །སྔགས་དང་ཕྱག་རྒྱ་རྣམ་རྟོག་པ། །རྡོ་རྗེ་སེམས་དཔའི་སྤྱོད་པའོ། །ར། བདག་བྱིན་རླབས་ཆེན་མ་གཏོགས་པ། །
265b3 རིན་ཆེན་གཞན་དག་འདི་ན་མེད། །མེ་ཡིས་སྦྱངས་པའི་ནོར་བུ་བཞིན། །རང་བཞིན་འོད་གསལ་རྣམ་པའོ། །འདི་སྐད་ལ་སོགས་དང་པོའི་ངག་།མཆོག་ཏུ་གསུངས་པའི་དོན་རྒྱས་པ། །གསང་བ་འདུས་པའི་རྩ་བའི་མདོ། །དེ་ཉིད་བཤད་པ་བསྡུས་པ་ནི། །རིམ་པ་ཇི་ལྟ
265b4 བ་བཞིན་ཤེས། །སྒྲུབ་པོའི་དེ་ཉིད་ཤེས་པ་ནི། །ཡེ་ཤེས་མཆོག་གི་མཚན་ཉིད་ཀྱིས། །གང་དུ་གསལ་བར་མ་གསུངས་སོ། །རིམ་པ་འདི་ཡིས་རྣལ་འབྱོར་པས། །དཔལ་ལྡན་འདུས་པ་རྒྱས་བཏབ་པ། །དེ་ལྟར་རིམ་པ་འདི་ཡིས་ཤེས། །སེམས་ཅན་ཀུན་ལ་ཕན་སྐྱེད་པའོ། །
265b5 རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཨེ་བ~ཾ་མ་ཡཱ་ཞེས་བྱ་བ་དང་པོའི་ངག་བཤད་པའི་ལེའུ་སྟེ་ལྔ་བཅུ་དགུ་པའོ།། །།དེ་ནས་གཞན་ཡང་བཤད་ཀྱིས་ཉོན། །ནང་གི་བདག་ཉིད་སྦྱིན་སྲེག་མཆོག་།ནང་དུ་རྒྱུ་བའི་འབྱུང་བ་རྣམས། །གང
265b6 གིས་ཐིམ་པར་གྱུར་པ་དང་། །རྣམ་རྟོག་བག་ཆགས་ས་བོན་ནི། །ཕུང་པོ་ལྔ་ཡི་བུད་ཤིང་དང་། །རྣལ་འབྱོར་ཡེ་ཤེས་ཆེན་པོའི་མེས། །རྟག་ཏུ་སྦྱིན་སྲེག་རྨད་བྱུང་བྱ། །ལྟེ་དབུས་གནས་པའི་སྒྲ་ཙམ་ནི། །སྒྲ་ཙམ་ཕྱི་རོལ་གསང་པདྨ། །དེ་ལ་རང་རྒྱུད་རླུང་གིས་ནི།
265b7 ཡོངས་སུ་བསྐུལ་བའི་མེ་ཡིས་ནི། །དབང་པོ་གཉིས་ནི་ཡང་དག་སྦྱོར། །གཟི་བརྗིད་གསལ་བར་རབ་ཏུ་འབར། །གང་ཚེ་མར་གང་གསང་པདྨ། །དེ་ལ་འདི་ནི་སྣོད་དུ་བརྗོད། །ཧཾ་ནི་བླུགས་གཟར་ཞེས་བྱར་གསུངས། །རྡོ་རྗེ་དགང་གཟར་དུ་ནི་བརྗོད། །བྷ་ག་ཐབ་ཁུང་ཞེས་ནི
iiif viewer powered by OpenSeadragon
