| e-texts navigator |
| Wylie |
262a1 གསུམ་རྣམ་རྒྱལ་རང་བཞིན་འཆང་། །དེ་ལྟར་ཆོ་ག་ཉི་ཤུ་ལས། །བསྐྱེད་པའི་རིམ་པའི་མཚན་ཉིད་བསྟན། །དེ་ཉིད་མང་དུ་ཤེས་པ་ཡིས། །བླ་མ་དགེ་བའི་ལས་བཟང་པོ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཆོ་ག་ཉི་ཤུའི
262a2 ལས་རྒྱས་པའི་ལེའུ་སྟེ་ལྔ་བཅུ་བཞི་པའོ། ། །།དེ་ནས་གཞན་ཡང་བཤད་བྱ་བ། །དེ་ཡི་རྒྱུ་མཚན་འབྲས་བུ་ནི། །ལས་ནི་ཆོ་ག་ཉི་ཤུར་བཤད། །དབང་ཕྱུག་ཆེན་པོའི་རྒྱུ་མཚན་ཅི། །དེ་ཡི་འབྲས་བུ་ཅི་ཞིག་འགྱུར། །ཆེན་པོའི་ཆེན་པོ་ཇི་སྐད་གསུངས། །དེ་ནས་བཅོམ
262a3 ལྡན་རྡོ་རྗེས་གསུངས། །ལས་ཀྱི་རྒྱུ་མཚན་འབྲས་བུ་དང་། །སྔོན་དུ་བསྙེན་པའི་ལས་ཀྱིས་ནི། །རྒྱུ་མཚན་འཇིག་རྟེན་དངོས་གྲུབ་བརྒྱད། །སེར་སྣ་ལ་སོགས་བསལ་བའི་ཕྱིར། །སངས་རྒྱས་མཆོད་པ་རྣམ་བསྒོམ་ཞིང་། །སྦྱིན་པ་ཚུལ་ཁྲིམས་བཟོད་པ་དང་། །བརྩོན
262a4 འགྲུས་བསམ་གཏན་རབ་ཏུ་རྫོགས། །ཤེས་རབ་ཡེ་ཤེས་དབང་བསྐུར་གྱིས། །ཤེས་རབ་ཕ་རོལ་ཕྱིན་པ་རྫོགས། །གསང་བ་ལ་སོགས་ལ་གནས་པ། །སྐྱེ་བོ་ཆགས་པའི་རྒྱུ་མཚན་ནོ། །ཀུན་དུ་སྤྱོད་པའི་ཆོས་རྣམས་ཀྱིས། །མཉམ་ཉིད་ཡེ་ཤེས་རྒྱུ་ཡིས་ནི། །བླ་མ་དད་པས
262a5 མཆོད་པ་ནི། །རྡོ་རྗེ་སེམས་དཔའི་གོ་འཕང་དོན། །ཆུ་སོགས་མིང་ནི་མཐར་ཐུག་པ། །ཡེ་ཤེས་ལྔ་ཡི་རྣམ་དག་ཕྱིར། །སྤྱོད་པ་ཕྱིར་མི་ལྡོག་པའི་མཐའ། །སེམས་ཅན་བསམ་པ་རྣམ་དག་ཕྱིར། །ཤེས་རབ་བརྟུལ་ཞུགས་སོགས་ཀྱི་མཐའ། །དཔེ་ཡིས་བདེ་བ་བསྟན་པའི
262a6 ཕྱིར། །དཀྱིལ་འཁོར་ས་ཚོན་ཕྲ་རབ་དང་། །མཚུངས་པ་དེ་བཞིན་གཤེགས་པ་ཀུན། །མཆོད་པ་ཉིད་དུ་འགྱུར་བ་དང་། །དེ་ལྟར་འབྲས་བུ་འཁོར་ལོ་འཇུག་།སངས་རྒྱས་ཐམས་ཅད་མཆོད་པ་ནི། །ལས་ཀྱི་སྒྲིབ་པ་དག་པར་འགྱུར། །ཤིན་ཏུ་རྣམ་དག་ཆོས་ཀྱི་དབྱིངས། །དབང
262a7 བསྐུར་བ་ནི་ཐོབ་པ་དང་། །དངོས་པོའི་ངོ་བོ་ཇི་བཞིན་དུ། །ཤེས་རབ་ཡེ་ཤེས་ཀྱིས་ནི་ཐོབ། །བླ་མ་ཡིས་ནི་སྒྲུབ་པ་ཡང་། །མཆོད་པ་དེ་ཡི་གོ་འཕང་མཆོག་།དེ་ལྟར་ཡུན་མི་རིང་བར་འཐོབ། །དག་པའི་སྤྱོད་པ་བརྟུལ་ཞུགས་མཆོག་།རྣལ་འབྱོར་ཆེན་པོའི་རྒྱུད་དཔལ་རྡོ་རྗེ
iiif viewer powered by OpenSeadragon
