| e-texts navigator |
| Wylie |
261b1 བོ་ཁྱོད་ནི་སྤྲོའམ་ཅི། །བྱང་ཆུབ་སེམས་ནི་ཟ་ནུས་སམ། །ཡང་དག་དེ་ནི་ངེས་པར་ནི། །ཇི་ལྟར་འདོད་པ་བཞིན་དུ་སྨྲོས། །ཇི་ལྟར་གསུངས་པའི་དམ་ཚིག་མཆོག་།ལྷ་མོ་ཅི་ཕྱིར་བདག་མི་ནུས། །དེ་ནས་ལྷ་མོ་དེ་དགྱེས་ནས། །སྐྲ་བཀྲོལ་གོས་ནི་བོར་ནས་ཀྱང་། །པདྨ་དག་ནི
261b2 འབྱེད་བྱེད་ཅིང་། །བྷཉྫ་མོ་ཀྵ་ཧོ་ཞེས་གསུངས། །བྷ་གའི་པདྨའི་དབུས་གནས་པ། །བདེ་བ་ཀུན་དུ་རྒྱུ་བའི་རྩ། །སོར་མོས་བསྐུལ་ནས་དགའ་བར་བྱ། །ཛི་ཧྭས་ཀྱང་ནི་རོལ་བར་བྱ། །ལྷན་ཅིག་སྐྱེས་པའི་བདེ་བྱེད་པ། །འདི་ཉིད་རིག་པ་བཟང་བསྟེན་ན། །མཆོག་ཏུ་དགའ
261b3 བས་ཉམས་མྱོང་ནས། །ལྷུང་བའི་བདེ་བས་དེ་མྱང་བྱ། །དེ་ནས་བཅོམ་ལྡན་མ་དགྱེས་ནས། །བྷཉྫ་མོཀྵའི་སྔགས་གསུང་ཞིང་། །རྐང་པ་གཡོན་པ་མགོ་ལ་བཞག་།བཀའ་ཡིས་དེ་ཉིད་ཡང་དག་བསྟན། །དེ་རིང་ཕན་ཆད་བུ་ཁྱོད་ཀྱིས། །ཇི་སྲིད་བྱང་ཆུབ་སྙིང་པོའི་བར། །
261b4 རྨི་ལམ་བཞིན་དུ་སེམས་ཅན་གྱི། །བླ་ན་མེད་པའི་དོན་བྱོས་ཤིག་།བསྐྱེད་པའི་རིམ་པ་བསྒོམ་པ་ཡི། །མན་ངག་ལས་ནི་འདི་མི་ཤེས། །རིག་པ་འདི་ནི་དོར་བྱས་ན། །ཐབས་གཞན་གྱིས་ནི་སངས་མི་རྒྱ། །བརྟུལ་ཞུགས་རྣམས་ཀྱི་མཆོག་གི་མཆོག་།རིག་པའི་བརྟུལ
261b5 ཞུགས་བུ་ཡིས་སྤྱོད། །དེ་ལྟར་འདི་ནི་བྱང་ཆུབ་མཆོག་།རྡོ་རྗེ་རྣལ་འབྱོར་རྣལ་འབྱོར་མ། །རིམ་པ་བཞིན་དུ་ཡོངས་ཤེས་བྱ། །རྡོ་རྗེ་སེམས་དཔའི་གོ་འཕང་རྟེན། །བདག་ལ་གོ་འཕང་མཆོག་སྩོལ་ལགས། །ཏིང་འཛིན་ཀུན་གྱིས་འབྲས་བུ་གསལ། །སེམས་ཅན་ཀུན་ལ
261b6 ཅི་འདོད་པར། །དངོས་གྲུབ་བླ་ན་མེད་པ་གསོལ། །སླར་ཡང་གཤེགས་པར་མཛད་པའི་ཕྱིར། །རང་གི་གནས་གཤེགས་བཛྲ་མུཿ། །དེ་ནས་ལྷག་མའི་གཏོར་མ་སྦྱིན། །འཁོར་ལོ་ལྷག་པར་འབྱུང་བའི་རིམ། །ུ་ཙྪིཥྚ་ཀྵེ་ཏྲ་པ་ལ། ། ཏི་ཙཀྲ་ཨུ་ཙྪིཥྚ། །སུ་བྷོ་ཛ་ན~ཾ་བི་བ་གཉིས། །
261b7 བྷུཀྵ་གཉིས་དང་སརྦ་དང་། །སིད་དྷིཾ་པྲ་ཡཙྪ་མེ་དང་། །ོ~ཾ་སྔོན་ཨཱཿཧཱུ~ཾ་ཕཊ་སྭཱ་ཧཱ། །དེ་ཡི་རྗེས་ལ་བརྗོད་པར་བྱ། །རྡོ་རྗེ་དྲིལ་བུ་འཆང་འགྱུར་བ། །གཡོན་བརྐྱང་བ་ཡི་གནས་པས་གནས། །ཁམས་གསུམ་རྣམ་རྒྱལ་རང་བཞིན་དང་། །རྡོ་རྗེ་སློབ་དཔོན་རང་བཞིན་ནི། །ཁམས
iiif viewer powered by OpenSeadragon
