| e-texts navigator |
| Wylie |
261a1 གཟུགས་བརྙན་ལྟ་བུར་ཤེས་ནས་ནི། །སེམས་ཅན་དོན་ནི་མཉམ་མེད་བྱོས། །བྱ་བ་བྱས་པའི་སློབ་མ་ནི། །ཅི་བདེ་བར་ནི་བསྒྲུབ་པར་གྱིས། །དེ་ནས་བླ་མ་ལ་ཡོན་དབུལ། །བསྟོད་ཅིང་ཀུན་ནས་ཕྱག་ཀྱང་བྱ། །སྐྱེ་བོ་བཟང་དང་ལྷན་ཅིག་ཏུ། །དེ་ནས་བླ་མ་གསང
261a2 དོན་གཉེར། །ཐུར་དུ་ཁ་བལྟས་ཁ་སྦྱར་ཏེ། །ཇི་ལྟར་བདག་ཉིད་ཆེན་པོ་ཁྱེད། །བདག་ཀྱང་དེ་དང་འདྲ་བར་མཛོད། །དེ་ནས་རིགས་ལྔ་ལས་བྱུང་བའི། །ལས་དང་ཆོས་སོགས་དབྱེ་བ་ཡིས། །སྔགས་ཀྱི་ཐེག་པས་ལྷག་པར་གྲོལ། །སྐལ་ལྡན་བུད་མེད་ཕྱག་རྒྱར་བཤད། །སྐྱེ
261a3 བོས་དབེན་པའི་མཚན་ཕྱེད་ན། །རོ་ཡི་གཞི་ཡི་གནས་སོང་ནས། །ཐུགས་རྗེ་ཆེན་པོས་ཁྱབ་པ་ཡི། །རྡོ་རྗེ་སློབ་དཔོན་ཡོན་ཏན་འབྱུང་། །ཇི་ལྟར་དེ་ལྟར་རྙེད་ཕྱག་རྒྱ། །སྙོམས་འཇུག་ལ་ནི་གང་བྱུང་བའི། །བླ་ན་མེད་པའི་རང་བཞིན་གྱི། །སངས་རྒྱས་ཐམས་ཅད་འདུས་པ་ནི། །
261a4 རྣལ་འབྱོར་མ་ཡི་ཡང་དག་ལྟུང་། །ཀུན་རྫོབ་བྱང་ཆུབ་སེམས་གང་ཡིན། །གསང་བ་དེ་ཡིས་དབང་བསྐུར་བྱ། །འདི་དེ་སངས་རྒྱས་ཐམས་ཅད་ཀྱི། །དམ་ཚིག་ཆེན་པོ་རྣམ་བྱུང་བ། །ཁམས་ལྔ་ལས་བྱུང་བཅུད་ཀྱིས་ལེན། །བདེ་བ་ཆེན་པོས་མྱོང་བར་གྱིས། །སློབ་མ
261a5 རྟོག་པ་དང་བྲལ་བས། །པདྨ་ལ་གནས་དེ་མྱང་གྱིས། །འདས་པའི་རྡོ་རྗེ་འཆང་བ་ཡིས། །རྒྱལ་སྲས་ཇི་ལྟར་དབང་བསྐུར་བ། །བྱང་ཆུབ་སེམས་ཀྱི་ཆུ་ཡིས་ནི། །བུ་ཁྱོད་དེ་བཞིན་དབང་བསྐུར་བྱ། །དེ་ནས་ཤེས་རབ་དབང་བསྐུར་ཕྱིར། །བླ་མས་དོན་འདོད་སློབ་མ་ལ། །དངོས
261a6 གྲུབ་ཐམས་ཅད་བསྡུས་པ་ནི། །བདག་ལ་ཁྱེད་ཀྱིས་དབང་བསྐུར་སྩོལ། །དེ་ནས་སློབ་དཔོན་བདག་ཉིད་ཆེ། །ཕྱག་རྒྱ་ཡང་དག་བྱིན་གྱིས་རློབ། །མཆོག་ནི་ཐོབ་པར་བྱ་བའི་ཕྱིར། །དེ་འོག་སློབ་མ་ལ་ནི་སྦྱིན། །ལྷ་མོ་ཕྱག་རྒྱ་ཆེན་པོ་འདི། །དཔག་མེད་བདེ་བ་རབ་སྟེར་བ། །
261a7 བུ་ཡིས་ཀུན་ནས་བླངས་ནས་ནི། །བླ་ན་མེད་པའི་མཆོད་པ་གྱིས། །དེ་ནས་ཤེས་རབ་ཡེ་ཤེས་དེའི། །སྒྲུབ་པོ་མཆོག་ཏུ་འདོད་པའི་དོན། །ལྷ་མོའི་ཡེ་ཤེས་དེ་ཉིད་མཆོག་།དངོས་གྲུབ་དོན་དུ་ང་ཡིས་སྦྱིན། །ལྷ་མོས་དེ་ལ་བཀའ་བསྒོ་བ། །དཔའ་བོའི་བུ་ནི་བླ་ན་མེད། །དཔའ
iiif viewer powered by OpenSeadragon
