| e-texts navigator |
| Wylie |
260b1 པས་བཟུང་ནས་ནི། །གཡས་པ་མི་འཇིགས་སྦྱིན་བྱས་ལ། །དབུགས་དབྱུང་བ་ཡི་མཆོག་བྱ་བ། །ང་ཡིས་རྡོ་རྗེ་གསུང་བདག་ཁྱོད། །སངས་རྒྱས་ཀུན་གྱི་གོ་འཕང་མཆོག་།རྡོ་རྗེ་སེམས་དཔའ་མངོན་པར་བརྗོད། །ཁམས་གསུམ་གྱི་ནི་རྒྱལ་པོ་ཆེ། །དཔལ་ལྡན་ཡོན་ཏན
260b2 འབྱུང་གནས་བདག་། བདུད་ཀྱི་སྟོབས་ནི་ཀུན་ལས་རྒྱལ། །གྲོང་ཁྱེར་མཆོག་ཏུ་ཁྱོད་ཞུགས་སོ། །དེ་ནས་སློབ་མ་དོན་འདོད་ལ། །ཕྱིར་མི་ལྡོག་པའི་དབང་བསྐུར་བྱ། །ཕྱིར་མི་ལྡོག་པའི་དབང་བསྐུར་ཆེ། །རྡོ་རྗེ་སེམས་དཔའ་བདག་ལ་སྩོལ། །དེ་ནས་ཡེ་ཤེས་རྡོར་དབང
260b3 ཕྱུག་། ཡེ་ཤེས་སེམས་དཔའི་འོད་ཟེར་གྱིས། །སྤྱན་དྲངས་སངས་རྒྱས་ལྔ་ལ་སོགས། །ལྷ་མོའི་འཁོར་ལོ་རིམ་བཞིན་འབྱུང་། །དེ་ཡིས་ཡེ་ཤེས་ཆུས་བཀང་པའི། །བུམ་པ་ཕྱག་བསྣམས་དེ་བཞིན་གཤེགས། །རྡོ་རྗེ་འཛིན་དང་རྒྱལ་བ་རྒྱལ། །རིན་ཆེན་འཛིན་དང
260b4 འཁོར་བ་སྒྲོལ། །ཤེས་རབ་འཆང་ནི་རིམ་པ་བཞིན། །གཏི་མུག་ཞེ་སྡང་འདོད་ཆགས་ལ། །དེ་བཞིན་རྡོ་རྗེ་དགའ་མ་སོགས། །གཤིན་རྗེ་མཐར་བྱེད་ཤེས་མཐར་བྱེད། །པདྨ་མཐར་བྱེད་བགེགས་མཐར་བྱེད། །འདི་ཡིས་ཀུན་ནས་དབང་བསྐུར་བས། །རྡོ་རྗེ་སློབ་མ་རྣམ་པར
260b5 བསམ། །དབང་བསྐུར་བ་ནི་རྡོ་རྗེ་ཆེ། །ཁམས་གསུམ་ཀུན་གྱིས་ཕྱག་བྱས་པ། །གསང་བ་གསུམ་གྱི་གནས་ལས་བྱུང་། །སངས་རྒྱས་ཀུན་ནི་ང་ཡིས་སྦྱིན། །དེ་ནས་དེ་བཞིན་གཤེགས་ལྷ་མོ། །ཁྲོ་བོ་རང་གི་གནས་སུ་དགོད། །འཇམ་དཔལ་རྣམ་པར་བསྒོམས་ནས་ནི། །ཡེ
260b6 ཤེས་རྡོ་རྗེས་རྣམ་པར་བརྒྱན། །ོ~ཾ་དང་སུ་པྲ་ཏིཥྛ་དང་། །བཛྲ་སྭཱ་ཧཱ་ཞེས་ནི་དགོད། །བློ་བཟང་གིས་ནི་སྔགས་བརྗོད་ནས། །སློབ་མ་ལ་ནི་མེ་ཏོག་གཏོར། །དེ་ནས་མེ་ཏོག་སོགས་ཀྱིས་མཆོད། །སློབ་མའི་དཀྱིལ་འཁོར་འཁོར་ལོ་འདྲ། །ཐུགས་རྗེས་ཁྱབ་པའི
260b7 བླ་མ་ཡིས། །དེ་ནས་སློབ་མ་རྗེས་གནང་བྱ། །དེ་ཉིད་ཤེས་པའི་རྣལ་འབྱོར་པས། །མི་བྱ་བ་ནི་ཅི་ཡང་མེད། །དཔལ་ཆེན་ཁྱོད་ཀྱིས་བཀའ་དྲིན་གྱིས། །ད་ནི་འདོད་ཡོན་ལྔ་ལ་སྤྱོད། །སྒྱུ་མ་རྨི་ལམ་འདྲར་ཤེས་ནས། །རྟེན་འབྲེལ་ལས་བྱུང་ཆོས་རྣམས་ནི། །
iiif viewer powered by OpenSeadragon
