| e-texts navigator |
| Wylie |
260a1 ཐཱ་ག་ཏ། །ཆེ་གེ་མོ་ཞེས་བཛྲ་ས་ཏྭཾ། ། བྷི་ཥཱིཉྩ་མི་སྭཱ་ཧཱ། །ཕུང་པོ་ལྔ་ཡི་རྣམ་དག་པས། །ཐོག་མར་ཆུ་ནས་མིང་གི་མཐར། །དབང་བསྐུར་བ་ནི་མཆོག་ཏུ་ཤེས། །རྨད་བྱུང་ཆེན་པོ་བཤད་པར་བྱ། །སངས་རྒྱས་ལྔ་ནི་དག་པ་འདི། །དབང་བསྐུར་ལྔ་ནི་ཐོབ
260a2 བར་འགྱུར། །མ་རིག་པ་ནི་བསལ་ནས་ནི། །ཡེ་ཤེས་ལྔ་ནི་ཐོབ་པར་འགྱུར། །དེ་ནས་རྡོ་རྗེ་སེམས་དཔའ་ཡི། །སློབ་མ་འདོད་དོན་སྔགས་དབང་སྦྱིན། །སྔགས་ཀྱི་དབང་བསྐུར་ཡེ་ཤེས་མཆོག་།ངས་བྱིན་དངོས་གྲུབ་སྟེར་བར་བྱེད། །དེ་ནས་ཡི་གེ་དྲུག་སྔགས་ཕཊ། །
260a3 སྭཱ་ཧཱའི་མཐའ་ཅན་ཡི་གེ་གསུམ། །ཁ་ནི་དམ་ཚིག་གིས་བཀང་ནས། །སྔགས་ཀྱི་སྐུ་ཡིས་དག་པ་དང་། །བླ་མའི་ཞལ་ལས་ཡང་དག་བརྗོད། །བླ་མས་དངོས་གྲུབ་སྦྱིན་བྱའི་ཕྱིར། །འདི་ནི་སངས་རྒྱས་ཐམས་ཅད་ཀྱི། །སྙིང་པོ་ཡི་ནི་ཡེ་ཤེས་མཆོག་།སངས་རྒྱས་ཐམས་ཅད
260a4 བསྡུས་པ་ནི། །ཁྱོད་ཀྱིས་ཀྱང་ནི་རྟག་ཏུ་བཅང་། །དེ་ནས་སློབ་མ་སྤྱོད་བརྟུལ་ཞུགས། །སྣ་ཚོགས་བསམ་པའི་བྱེ་བྲག་གིས། །གང་གི་སྤྱོད་པ་རྣམ་དག་པ། །འདོད་ལ་ཐུགས་རྗེའི་གཙོ་བོ་ཡིས། །སེམས་ཅན་དོན་ནི་བྱེད་པའི་ཐབས། །ང་ཡིས་སྤྱོད་པའི་བརྟུལ་ཞུགས་སྦྱིན། །དེ
260a5 ནས་གླེགས་བམ་དུང་ལ་སོགས། །མདའ་གཞུ་རལ་གྲི་འཁོར་ལོ་དང་། །སྔོན་བཞིན་སྔགས་ཀྱིས་དག་པར་བྱེད། །སློབ་མའི་ལག་ཏུ་རིམ་བཞིན་སྦྱིན། །འདི་ནི་ཀུན་བཟང་སྤྱོད་བརྟུལ་ཞུགས། །བསམ་པ་སྣ་ཚོགས་རྣམ་དག་བྱེད། །ཁྱོད་ཀྱིས་ཀྱང་ནི་རྟག་ཏུ་བཅང་། །སེམས
260a6 ཅན་ཀུན་གྱི་དོན་གྱིས་བྱོས། །ོཾ་སརྦ་ཏ་ཐཱ་ག་ཏ། །དེ་བཞིན་དྷྲཱི་ཊ་ར་ཏྭ~ཾ་དང་། །དྷ་རྱ་མི་ཨཱཿཧཱུ~ཾ་དང་། །དེ་ལྟར་སྔགས་འདི་དགོད་པར་བྱ། །དེ་ནས་ལུང་བསྟན་ཐོབ་དོན་དུ། །བསམ་པ་དང་བས་བླ་མ་ལ། །ད་ལྟར་སངས་རྒྱས་རིགས་སུ་འཇུག་།ཁྱེད་ཀྱིས་བདག་ལ་ལུང་བསྟན་གསོལ། །
260a7 དོན་ཡོད་རྡོ་རྗེ་ཞེས་བྱ་ཁྱོད། །རིགས་ཀྱི་དབང་ཕྱུག་ལུང་བསྟན་བྱ། །དེ་ནས་སློབ་མ་དབུགས་དབྱུང་འདོད། །བླ་མའི་ཞལ་སྔ་ནས་ནི་སྐྱེ། །མགོན་པོ་ཡང་དག་བདག་དབུགས་ཕྱུང་། །བྱང་ཆུབ་སྤྱོད་པའི་བརྟུལ་ཞུགས་བརྟན། །དེ་ནས་རྡོ་རྗེ་ཆོས་གོས་མཐའ། །གཡོན་པའི་ལག
iiif viewer powered by OpenSeadragon
