| e-texts navigator |
| Wylie |
25a1 འཐུང་རྩ་བའི་སྔགས་ཡིན་ནོ། །སྔགས་ཀྱི་རྒྱལ་པོ་འདི་ཉིད་ཀྱི། །མཐུ་ཆེན་ཉོན་ཅིག་མཱ་མ་ཀཱི། །ལན་ཅིག་ཙམ་གྱིས་སྔགས་བཟླས་ན། །སྐད་ཅིག་འཇིག་རྟེན་གསུམ་འཇིག་གོ། །ཁམས་གསུམ་མ་ལུས་པ་རྣམས་ཀྱང་། །ཟོས་པར་བྱེད་པར་ཐེ་ཚོམ་མེད། །དེ་ཡིས
25a2 འདོད་པ་ཐམས་ཅད་སྦྱིན། །དཔལ་ལྡན་ཁྲག་འཐུང་མཉམ་འགྱུར་རོ། །རྡོ་རྗེ་བདུད་རྩི་བདེ་ཆེན་པོ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྒྱུད་ལས་དཔལ་ལྡན་ཁྲག་འཐུང་བསྐྱེད
25a3 པ་བསྟན་པ་ཞེས་བྱ་བ་ལེའུ་བརྒྱད་པའོ། ། །།དེ་ནས་བདུད་རྩི་འཁྱིལ་པ་ཡིས། །གཟུགས་ནི་ཡང་དག་བཤད་པར་བྱ། །ཞལ་གསུམ་པ་ལ་ཕྱག་དྲུག་སྟེ། །དྲག་པོ་ནག་པོ་དུད་པའི་འོད། །འོད་ཟེར་ཕྲེང་བ་འཁྲུགས་པ་དང་། །གཏུམ་མོས་སྤྱན་ནི་དམར་པོ་ཅན། །དམར
25a4 བའི་སྨིན་མ་ཨག་ཚོམ་འབར། །དྲག་ཆེན་པོ་ནི་ཟིལ་གྱིས་གནོན། །ཕྱག་ན་དགྲ་སྟ་བསྣམས་བརྩོན་པ། །གཏུན་ཤིང་རྡོ་རྗེ་ཞགས་པ་དང་། །གཡོན་གྱི་ཕྱག་གི་སྡིགས་མཛུབ་ཀྱིས། །སྡང་བ་ཐམས་ཅད་སྡིགས་པར་བྱེད། །རལ་གྲི་ཕྱག་མཚན་བསྒོམ་པར་བྱ། །རིག་མ་བརྒྱད་དང
25a5 མཉམ་ལྡན་ཞིང་། །སྒོ་སྲུངས་དང་ཡང་ཡང་དག་ལྡན། །གསང་བའི་པདྨ་བསྒོམ་བྱས་ཏེ། །འདབ་མར་རིག་མ་བརྒྱད་ནི་བཀོད། །བདུད་རྩི་མ་དང་བདུད་རྩི་ཞལ། །བདུད་རྩི་ཅན་དང་བདུད་རྩི་སྤྱན། །གྲངས་མེད་མ་དང་གཟུགས་བཟང་མ། །མཛེས་པའི་གཟུགས་ཅན་བདེ་གྲུབ་མ། །
25a6 ཐམས་ཅད་ཞལ་གསུམ་ཕྱག་དྲུག་སྟེ། །ཕྱོགས་དང་མཚམས་ལ་དགོད་པར་བྱ། །ཕྱག་གིས་པདྨ་བསྣམས་པར་བརྩོན། །དེ་དག་ལྷ་མོ་གར་བྱེད་ནས། །སྣ་ཚོགས་གཟུགས་རྣམས་མཆོག་སྦྱིན་མ། །བཞད་ཅིང་རོལ་པར་མཛད་བྱེད་དོ། །སྔགས་ཀྱི་རྒྱལ་པོ་དབྱུང་བར་བྱ། །རྣམ
25a7 པར་སྣང་མཛད་ཡང་འབུལ་ནས། །ཚིག་འདི་ཡིས་ནི་ཡོངས་སུ་དགོད། །དང་པོ་ཡི་ནི་གཉིས་པ་སྟེ། །སྟོང་པ་ཉིད་ནི་གདན་ལྡན་པ། །སྟོང་པས་སྟེང་ནས་གནོན་པའི་སྔགས། །མཐའ་ནས་སྭཱ་ཧཱ་སྦྱོར་བྱེད་དོ། །གཏན་དུ་ཤིན་ཏུ་དགའ་འབྱོར་ནས། །བདུད་རྩི་བདུད་རྩི་ཕྱུང་ནས་སུ། །བདུད
iiif viewer powered by OpenSeadragon
