| e-texts navigator |
| Wylie |
259b1 མི་བསྐྱོད་ངོ་བོ་དེ་ཉིད་ཀྱིས། །རྣམ་པར་ཤེས་པའི་ཕུང་པོ་བསྒོམ། །སློབ་མའི་མགོ་བོར་ལག་པ་བཞག་།རྡོ་རྗེ་སློབ་དཔོན་ཐུགས་རྗེས་ཁྱབ། །ོ~ཾ་དང་མ་ཧཱ་ས་ཏྭ་དང་། །དེ་བཞིན་ཨཱི་ཤྭ་ར་ཏཾ་དང་། ། བྷིཥཱི་ཉྩ་མི་སྭཱ་ཧཱ། །ོ~ཾ་སརྦ་ཏ་ཐཱ་ག་ཏ། ། བྷི་ཥེ་ཀ་ས་མ་ཡ། །ཤྲི་ཡེ
259b2 ཨཱཿཧཱུ~ཾ་དེ་ནས་བཟླ། །ཆུ་ཡི་གཏིང་ནས་སློབ་མ་ལ། །དབུ་རྒྱན་དབང་བསྐུར་དོན་དུ་ནི། །ཅོད་པན་འཇིག་རྟེན་གསུམ་རྒྱལ་པོ། །སེམས་ཅན་ཀུན་གྱི་དོན་སྒྲུབ་པ། །སྙིང་རྗེས་ཁྱབ་པ་ངས་བྱིན་གྱིས། །རྡོ་རྗེ་སེམས་དཔའི་ཡོན་ཏན་གནས། །ས་བོན་ཏྲ~ཾ་ལས་བྱུང་བ་ཡི། །རིན་ཆེན
259b3 འབྱུང་ལྡན་བསྒོམས་ནས་ནི། །རི་མོ་དར་སོགས་ཅོད་པན་ཡང་། །སློབ་མའི་མགོ་ལ་སྦྱིན་པར་བྱ། །ོ~ཾ་སརྦ་ཏ་ཐཱ་ག་ཏ། །རཏྣ་མུ་ཀུ་ཊ་སྒྲ་དང་། །དེ་བཞིན་སྒྲ་དང་པཱུ་ཛ་ཡ། ། ཏིཥྛ་དང་ཨཱཿཧཱུ~ཾ་དང་། །སྔགས་འདི་དག་ནི་བརྗོད་ནས་ནི། །མེ་ཏོག་མགོ་ལ་སྦྱིན་པར་བྱ། །སློབ
259b4 མ་རྡོ་རྗེ་དབང་བསྐུར་ཕྱིར། །སླར་ཡང་བླ་མ་ལ་གསོལ་གདབ། །ཡེ་ཤེས་ལྔ་ཡི་རང་བཞིན་དངོས། །རྡོ་རྗེ་བརྟུལ་ཞུགས་ངས་བྱིན་གྱིས། །གང་གིས་མ་རིག་སྒོ་ང་འབྱེད། །ཡེ་ཤེས་ཐོབ་འགྱུར་ང་ཡིས་བྱས། །ཧྲཱིཿལས་པདྨ་རྫོགས་པར་ནི། །འོད་དཔག་མེད་དུ་རྣམ་པར
259b5 བསྒོམ། །རྡོ་རྗེ་ལག་པ་གཡས་པར་སྦྱིན། །སློབ་མ་ལ་ནི་འདི་སྐད་བརྗོད། །ངས་ཁྱོད་དེ་རིང་དབང་བསྐུར་བྱ། །འདི་དེ་སངས་རྒྱས་ཐམས་ཅད་དེ། །ཀུན་དུ་བཟང་པོའི་བརྟུལ་ཞུགས་བརྟན། །དངོས་གྲུབ་བཟང་ཕྱིར་རྡོ་རྗེ་ཡོང་། །ཁ~ཾ་ལས་བྱུང་བའི་རལ་གྲིའམ། །དོན་ཡོད་གྲུབ
259b6 པའི་རང་ངོ་བོ། །རྫོགས་པར་ལག་པ་གཡོན་པར་ནི། །སློབ་མ་བསྒྱིངས་པའི་ཕྱག་རྒྱ་འཛིན། །འདི་ནི་སངས་རྒྱས་ཐམས་ཅད་ཀྱི། །དྲིལ་བུ་སྒྲ་ཡི་རྗེས་འགྲོར་བརྗོད། །ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་མཆོག་ནི་རྒྱལ་བའི་གཞི། །རྡོ་རྗེ་དྲིལ་བུ་བཟུང་རྗེས་ལ། །རྡོ་རྗེ
259b7 སེམས་དཔའ་རང་ངོ་བོ། །རང་བཞིན་ཡོན་ཏན་རྣམས་ཀྱིས་གང་། །བདག་པོ་ཡི་ནི་རྣལ་འབྱོར་འགྱུར། །རྣམ་པར་སྣང་མཛད་རང་ངོ་བོ། །སློབ་མའི་མགོ་ལ་ལག་བཞག་སྟེ། །རྡོ་རྗེ་ཅན་གྱིས་མིང་དབང་བསྐུར། །གཟུགས་ཀྱི་ཕུང་པོ་རྣམ་པར་བསྒོམ། །ོ~ཾ་སརྦ་ཏ
iiif viewer powered by OpenSeadragon
