| e-texts navigator |
| Wylie |
259a1 ཐུགས་ནི་ཡོངས་སུ་གང་། །སློབ་མ་ལ་ནི་ཡོངས་སུ་གསུངས། །བུ་ཁྱོད་དུས་འདི་ནས་བཟུང་སྟེ། །རྡོ་རྗེ་ཐེག་པའི་གཞུང་ལུགས་བསྟན། །རྣལ་འབྱོར་མཆོག་ནི་ཁྱོད་ཀྱིས་ཟུང་། །རྡོ་རྗེ་སེམས་དཔའི་སྤྱོད་པའི་གནས། །བུ་ཁྱོད་འདི་ནི་བདུད་རྩི་སྟེ། །སྲུངས
259a2 ཤིག་མ་སྲུང་ན་ནི་སྲེག་། བསྲུངས་ན་དངོས་གྲུབ་ཀུན་འགྲུབ་འགྱུར། །ཉོན་མོངས་ཐམས་ཅད་སེལ་བའི་ཀླུང་། །ོ~ཾ་དང་པཉྩ་ཨ་མྲྀ་ཏ། །ུ་ད་ཀ་དང་ཨཱཿཧཱུ~ཾ་ཋ། །སློབ་མས་བདུད་རྩི་ལྔ་བཏུང་བྱ། །རྡོ་རྗེ་ཡེ་ཤེས་རྨད་བྱུང་བའོ། །གསང་བ་དྲན་ན་སྐྱོན་འགྱུར་ཕྱིར། །
259a3 རྡོ་རྗེ་སློབ་མ་ལ་ནི་དབབ། །དྲི་ཆེན་དྲི་ཆུ་ལ་སོགས་པ། །མཚལ་ཆེན་འབབ་པའི་བུ་མོའི་གོས། །ཁྲག་དང་ཁུ་བས་ཡང་དག་བསྒོས། །གུ་གུལ་དང་ནི་རྣམ་པར་བསྲེས། །མེ་ནི་བླངས་ནས་སུ། །པདྨའི་སྣོད་དུ་བཞག་ནས་ནི། །དེར་ནི་ཐམས་ཅད་གཞུག་པར་བྱ། །ཁྲོ་བོ་རྡོ་རྗེ
259a4 གསུམ་བདག་ཉིད། །གཡས་བརྐྱང་བ་ཡི་གནས་པས་གནས། །རྡོ་རྗེ་འཆང་དབང་སློབ་མ་ལ། །རྨད་བྱུང་ཆེན་པོའི་བདུག་པས་བདུགས། །འབབ་པར་འགྱུར་བར་ཐེ་ཚོམ་མེད། །ོ~ཾ་ཏིཥྛ་མ་ཧཱ་ཀྲོ་དྷ། །དེ་བཞིན་ཨཱ་བེ་ཤ་ཡ་ཧཱུ~ཾ། །རྣལ་འབྱོར་པ་ཡིས་སྔགས་འདི་བརྗོད། །
259a5 སློབ་མ་ལ་ནི་གསལ་བར་དབབ། །བཛྲ་ས་ཏྭ་ཧི་མ་ཧེ། །བིདྱ་རཱ་ཛ་ཡ་བིདྱ་མ་ཧེ། །དེ་ལྟར་སྔགས་ནི་འདི་ཡིས་ཀྱང་། །སླར་ཡང་སློབ་མ་དབང་བསྐུར་ནས། །རང་བཞིན་གྱིས་དག་རང་གི་ལུས། །དཀྱིལ་འཁོར་མཆོག་འདི་མཐོང་བ་ན། །དེ་བཞིན་གཤེགས་དང་ལྷ་མོ་དང་། །རྒྱལ
259a6 བའི་སྲས་ཀྱི་ཡང་དག་གཞི། །ཁྲོ་བོ་ཁྱབ་པའི་གསང་བའི་མཆོག་།རྡོ་རྗེ་སེམས་དཔའ་རྟེན་དང་ནི། །ཕྱི་དང་ནང་གི་དཀྱིལ་འཁོར་ནི། །གཉིས་པོ་དེ་ལ་བསྟན་པར་བྱ། །སླར་ཡང་སློབ་མས་གསོལ་བ་གདབ། །བདག་ལ་དབང་བསྐུར་མཛད་དུ་གསོལ། །རྣམ་རྒྱལ་བུམ་པ
259a7 བླངས་ནས་ནི། །པདྨའི་སྣོད་ནི་བཟང་པོ་ལ། །དེ་ཡི་དབུས་སུ་བློ་བཟང་པོ། །ཧཱུ~ཾ་རྡོར་ལས་བྱུང་མི་བསྐྱོད་བསྒོམ། །རང་ཉིད་ཡེ་ཤེས་ས་བོན་གྱི། །འོད་ཟེར་ཡང་དག་བསྐུལ་བས་བྱུང་། །སླར་ཡང་ཡེ་ཤེས་སེམས་དཔའ་བསྒོམ། །མི་བསྐྱོད་པ་ཡི་རྣམ་པ་མཆོག་།
iiif viewer powered by OpenSeadragon
