| e-texts navigator |
| Wylie |
24b1 བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་དབྱངས་དང་གར་དང་། དབང་བསྐུར་བ་དང་། དེ་བཞིན་ཉིད་ཆེར་དམིགས་པ་དག་བསྟན་པ་ཞེས་བྱ་བ་ལེའུ་བདུན་པའོ།། །།དེ་ནས་ལྷ་མོ་ཡང་ལངས་ནས། །བཞད་ནས་འདི་དག་ཞུ་བ་སྟེ། །བཅོམ་ལྡན་འདི་ལ་ཐེ་ཚོམ
24b2 ཟོས། །དམ་པའི་ངོ་མཚར་བདག་བསྐྱེད་དེ། །ཞི་གཟུགས་རྡོ་རྗེ་ཅན་དེ་ལས། །ཁྲོ་བོའི་གཟུགས་ནི་ཅི་ལྟར་འགྱུར། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་བདུད་རྩི་བདེ་ཆེན་པོས། །རྡོ་རྗེ་པདྨ་མཉམ་སྦྱོར་ཏེ། །ཁྲོ་བོའི་གཟུགས་ནི་རྣམ་པར་ཕྱུང་། །འབར་བའི་ཕྲེང་འཁྲུགས་དྲག
24b3 པོ་ཅན། །འཇིགས་བྱེད་ལ་ཡང་འཇིགས་པར་བྱེད། །ཞལ་བཞི་ལ་ནི་ཕྱག་བརྒྱད་དེ། །ཐོད་པའི་དབུ་རྒྱན་འཇིགས་པར་བརྒྱན། །ཁ་ཊྭཱཾ་ག་དང་མགོ་བསྣམས་ཏེ། །ཐོད་པ་དང་ནི་ཁྲག་དགའ་བ། །གཏུམ་པོ་རྒྱུ་མའི་ཕྲེང་འཁྲུགས་པ། །རིག་མ་བརྒྱད་ཀྱིས་ཡོངས་སུ་བསྐོར། །དུར
24b4 ཁྲོད་ཆེན་པོ་བཞིར་བཞུགས་པ། །ཕཊ་ཡིག་སྔགས་ཀྱི་ང་རོ་ཅན། །འབྱུང་པོ་རོ་ལངས་ཚོགས་པ་དང་། །དུར་ཁྲོད་ལ་ནི་རོལ་མཛད་པས། །དེ་འོག་དབང་དང་བཅས་པའི་ལྷ། །ཚངས་པ་ཁྱབ་འཇུག་དབང་ཕྱུག་ཆེ། །བཟའ་བྱེད་རྡོ་རྗེ་ཅན་ཆེན་པོ། །དཔལ་ལྡན་ཁྲག་འཐུང་གཟུགས
24b5 ནི་ཕྱུང་། །དང་པོའི་རིག་མ་འཇིགས་ཅན་མ། །མི་སྡུག་གདོལ་པ་སྨེ་ཤ་ཅན། །སེར་མོ་རིགས་ཅན་དྲག་མོ་དང་། །འཇིགས་པར་བྱེད་མ་བརྒྱད་དུ་འདོད། །སྔགས་འདི་དག་ནི་བཟླ་བྱས་ཏེ། །གར་ཡང་བྱེད་ནས་དབྱངས་བླང་ངོ་། །འཇིགས་བྱེད་ཆེན་པོ་མཆེ་བ་གཙིགས། །རྒྱུ་མ་ཕྲེང་གི
24b6 རྒྱན་སྐུད་བརྒྱན། །ཤ་ཆེན་དག་ནི་གསོལ་བྱེད་པ། །དཔལ་ལྡན་ཁྲག་འཐུང་བདག་ཕྱག་འཚལ། །སྒྲུབ་པ་པོ་རྣམས་ཕན་བྱེད་ཕྱིར། །བཟླས་པའི་སྔགས་ནི་བཤད་པར་བྱ། །གསུམ་པ་ཡི་ནི་གསུམ་པ་ལ། །བདུན་པ་ཡི་ནི་བཞི་པ་སྦྱོར། །བདུན་པ་ཡི་ཡང་གསུམ་པ་སྟེ། །གཉིས་ཀྱི
24b7 ཚིག་ནི་གཉིས་སུ་སྦྱོར། །ཀུན་ལ་དེ་བཞིན་ཉིད་ལྡན་ཏེ། །ཡི་གེ་ཕྱེད་ཀྱིས་རྣམ་པར་བརྒྱན། །དྲུག་པའི་བཞི་པ་ཕྱུང་བྱས་ཏེ། །བདུན་པའི་དངོས་པོས་གདན་དུ་བྱ། །བཅུ་གསུམ་པ་ཡིས་སྟེང་གནོན་པའི། །སྭཱ་ཧཱ་མཐར་བཞག་སྔགས་ནི་ཕྱུང་། །དང་པོ་རྣམ་པར་སྣང་མཛད་ད་དབུལ། །ཁྲག
iiif viewer powered by OpenSeadragon
