| e-texts navigator |
| Wylie |
163a1 བཞུགས་པར་གྱུར། །དེ་ཡང་བྱང་དུ་གཟིགས་གྱུར་ཏེ། །མཉམ་ཉིད་ཡེ་ཤེས་ཞེས་བྱའོ། །དེ་ནས་བཅོམ་ལྡན་བདག་པོ་དེ། །རྡོ་རྗེ་གསུམ་གྱི་དམ་ཚིག་བདག་།འདོད་ཆགས་ཆེན་པོ་ལས་བྱུང་བ། །རྡོ་རྗེ་ཞེས་ནི་བྱ་བ་ཡི། །ཏིང་ངེ་འཛིན་ལ་སྙོམས་ཞུགས
163a2 ཏེ། །འདོད་ཆགས་ཆེན་པོའི་རིགས་ལས་བྱུང་། །ཱ་རོ་ལིཀ་ཅེས་བྱ་སྙིང་པོ། །རྡོ་རྗེ་གསུམ་ལས་དེ་ནས་ཕྱུང་། །དེ་ནས་ཕྱུང་བ་ཙམ་གྱིས་ནི། །དེ་འོག་བཅོམ་ལྡན་གཙོ་བོ་ནི། །རིག་དང་བཅས་པའི་སྐྱེས་བུར་གྱུར། །འཇིག་རྟེན་དབང་པོ་འོད་དང་མཚུངས། །དམར་དང་དཀར་དང
163a3 གནག་པའི་ཞལ། །དཔལ་ལྡན་རིགས་ཆེན་པོ་ཡི་བདག་།དེ་བཞིན་གཤེགས་པའི་བདག་པོ་ཡི། །ནུབ་ཕྱོགས་སུ་ནི་བཞུགས་པར་གྱུར། །དེ་ནས་བཅོམ་ལྡན་སྣ་ཚོགས་པ། །དོན་ཡོད་དམ་ཚིག་ཅེས་བྱ་བའི། །ཏིང་འཛིན་རྡོ་རྗེ་ཡང་དག་བྱུང་། །རྡོ་རྗེ་དེ་ལ་སྙོམས་ཞུགས་ནས། །
163a4 སྙིང་པོ་མཆོག་གི་མཆོག་ཅེས་བྱའོ། །དམ་ཚིག་རྣམས་ནི་དགུད་པའི་རིགས། །སྙིང་པོ་པྲཛྙཱ་དྷྲྀཀ་ཅེས་པ། །རྡོ་རྗེ་གསུམ་ཞེས་བྱ་ལས་བྱུང་། །དེ་ནས་ཕྱུང་བ་ཙམ་གྱིས་ནི། །དོན་ཡོད་རྡོ་རྗེ་སྦྱོར་བ་ཡི། །དེ་ཉིད་མགོན་པོ་བཅོམ་ལྡན་འདས། །སྐུ་གསུང་ཐུགས་ཀྱི་རྡོ་རྗེ་ཅན། །རིག
163a5 དང་བཅས་པའི་སྐྱེས་བུར་གྱུར། །ལྗང་དང་གནག་དང་དཀར་བའི་ཞལ། །དེ་བཞིན་གཤེགས་པའི་བདག་པོ་ཡི། །བྱང་ཕྱོགས་སུ་ནི་བཞུགས་པར་གྱུར། །ཞེ་སྡང་གཏི་མུག་རིགས་དང་ནི། །དེ་བཞིན་ཡིད་བཞིན་རིན་ཆེན་དང་། །འདོད་ཆགས་དམ་ཚིག་ཅེས་བྱ་བ། །འདོད་དང་ཐར
163a6 པ་རབ་བསྒྲུབས་པའོ། །དེ་ནས་ཁྱབ་བདག་རྡོ་རྗེ་འཛིན། །འདོད་ཆགས་དམ་ཚིག་འབྱུང་བ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །རྡོ་རྗེ་འཛིན་པ་བཙུན་མོ་མཆོག་།སྐུ་གསུང་ཐུགས་ཀྱི་རྡོ་རྗེ་ལས། །དམ་པ་དག་ནི་ཕྱུང་བར་གྱུར། །སངས་རྒྱས་ཀུན་གྱི་ཡུམ་གཅིག་པུ། །
163a7 ཡུམ་ཞེས་བྱ་བར་ཡང་དག་བཤད། །དེ་ནི་དེ་བཞིན་གཤེགས་བདག་པོ། །གང་ཕྱིར་ལྷ་མོ་བཙུན་མོ་མཆོག་།སྐུ་དང་གསུང་ཐུགས་ལས་བྱུང་བ། །དྭེ་ཥ་ར་ཏི་ཞེས་བྱར་གྲགས། །རིག་པ་སྐྱེས་བུ་ཞེས་བྱ་བའི། །དེ་ནི་བུད་མེད་གཟུགས་འཛིན་མ། །ཞལ་གསུམ་ལྟ་བུའི་གཟུགས
iiif viewer powered by OpenSeadragon
