| e-texts navigator |
| Wylie |
162a1 བ་འདུས་པ་མི་ཤེས་པར། །དམ་ཚིག་ལ་སོགས་བྱེད་པར་འགྱུར། །གསང་བ་སྲུང་བར་མི་བྱེད་པར། །ཐམས་ཅད་དུ་ནི་སྟོན་པར་བྱེད། །འཇིག་རྟེན་ལ་ནི་སྨད་བྱས་ནས། །གཞན་དག་ལ་ཡང་རབ་གསལ་བྱེད། །བདག་ཉིད་རྩ་བ་མེད་པར་ནི། །དམ་ཚིག་འདས་པར་བྱེད
162a2 པར་འགྱུར། །སྒྲ་བཅས་སྤྲོར་ལྡན་གྱིས་བསྐུལ་བས། །རང་ལ་རང་གི་གླགས་རྙེད་མེད། །དེ་ཉིད་ཡེ་ཤེས་འབྱུང་བ་ཡི། །ཏིང་འཛིན་དེ་ཡིས་ཤེས་མི་འགྱུར། །ཉེས་པ་ཅུང་ཟད་ཙམ་གྱི་ཕྱིར། །མངོན་སྤྱོད་རབ་ཏུ་བྱེད་པར་འགྱུར། །རྣལ་འབྱོར་རབ་སྦྱོར་དམན་བ་ཡི། །སྔགས་པ་རྣམས
162a3 ནི་འགྲུབ་མི་འགྱུར། །ཕྱི་རོལ་བསྟན་བཅོས་ལ་རྟག་དགའ། །དེ་ཡི་སྦྱོར་ལ་གཅིག་ཏུ་མཁས། །རང་གི་དམ་ཚིག་ཡོངས་སྤངས་ནས། །ལྕགས་ཀྱུ་མེད་པ་བཞིན་དུ་སྤྱོད། །སྔགས་དང་ཕྱག་རྒྱའི་སྦྱོར་བ་ཡིས། །དེ་རྣམས་འཚོ་བ་སྒྲུབ་པར་འགྱུར། །གང་དུ་རྙེད་པ་ཐོབ་འགྱུར་བར། །
162a4 དམ་པའི་ཆོས་ནི་སྟོན་པར་བྱེད། །དེ་རྣམས་ཡང་དག་སྡུད་བྱེད་པའི། །གསང་བ་དགོངས་པས་བཤད་པ་ཡིན། །དམ་ཚིག་ཉམས་ཏེ་གནས་པ་རྣམས། །འདི་ཡིས་ཐམས་ཅད་དགུག་པར་བྱ། །རང་གི་རྗེས་རིག་མི་ཤེས་ན། །དེ་རྣམས་ཞི་བར་ག་ལ་འགྱུར། །དེ་ནས་རྗེས་སུ་གཟུང་དོན
162a5 དུ། །ཚུལ་འདི་དག་ནི་གྱུར་པ་ཡིན། །དེ་ནས་བཅོམ་ལྡན་དེ་བཞིན་གཤེགས། །གཅིག་ཏུ་འདུས་པར་གྱུར་ནས་སུ། །དེ་བཞིན་གཤེགས་ཀུན་བདག་པོ་ལ། །རང་མཆོད་དེ་ཉིད་དམ་ཚིག་སྤྲིན། །ཡང་དག་འབྱུང་བས་ལེགས་མཆོད་དེ། །ཕྱག་འཚལ་ནས་ནི་འདི་སྐད་གསོལ། །དེ
162a6 བཞིན་གཤེགས་པ་གསང་བ་མཆོག་། དེ་བཞིན་གཤེགས་པ་ཀུན་བསྡུས་པ། །འདུས་པ་གཉིས་མེད་རྣལ་འབྱོར་པའི། །ཉམས་དགའ་རྡོ་རྗེ་སྙིང་པོ་འདི། །དེ་ཉིད་བསྡུས་པ་རྣམས་ཀྱི་མཆོག་།དེ་ཉིད་བཅོམ་ལྡན་བཤད་དུ་གསོལ། །དེ་ནས་དེ་བཞིན་གཤེགས་ཀུན་ལ། །བཅོམ
162a7 ལྡན་འདས་ཀྱིས་སླར་གསུངས་པ། །གང་ཡང་འདི་ལྟར་གསོལ་འདེབས་པ། །དེ་བཞིན་གཤེགས་རྣམས་ལེགས་སོ་ལེགས། །འདི་ནི་དེ་བཞིན་གཤེགས་རྣམས་ཀྱང་། །ཐེ་ཚོམ་སྐྱེ་བར་བྱེད་ཡིན་ན། །བྱང་ཆུབ་སེམས་གཞན་ཅི་སྨོས་ཞེས། །དེ་བཞིན་གཤེགས་དེ་རྣམས་ལ་གསུངས། །
iiif viewer powered by OpenSeadragon
