| e-texts navigator |
| Wylie |
161b1 གསོད་པ་དང་། །དེ་བཞིན་སྲོག་ཆགས་གཞན་རྣམས་གསོད། །གྱི་ཚིག་ཉིད་སྨྲ་བ་དང་། །ཁྱད་པར་དུ་ཡང་བརྐུ་བ་དང་། །གཞན་གྱི་ཆུང་མའི་ཐད་འགྲོ་ཞིང་། །སྨད་པ་གཞན་ཡང་བྱེད་པར་འགྱུར། །ལ་ལ་དམ་ཆོས་སྤོང་བ་དང་། །དེ་བཞིན་མཚམས་མེད་བྱེད་པ་སྟེ། །སྣ་ཚོགས
161b2 སྡིག་པ་བྱས་ནས་ཀྱང་། །སྔགས་པ་དངོས་གྲུབ་འདོད་པར་འགྱུར། །གཟེར་ནད་དུག་དང་སྦྱར་བའི་དུག་།སྣ་ཚོགས་ནད་ནི་མི་བཟད་པར། །འདི་རྣམས་ཀྱིས་ནི་གཟིར་གྱུར་ནས། །ཞི་བ་ཉིད་ནི་འདོད་པར་འགྱུར། །འདོར་བར་བྱེད་པ་རྨོངས་པ་དེ། །མི་བཟད་སྡིག་པ་བྱས་པ་དང་། །ལོག
161b3 པར་ལྟ་ལ་མཆོག་གཞོལ་རྣམས། །ངན་སོང་གསུམ་དུ་འགྲོ་བར་འགྱུར། །དེ་རྣམས་རྗེས་སུ་གཟུང་བའི་ཕྱིར། །གསང་བ་འདི་ལྟར་བསྟན་པ་ཡིན། །གང་ཞིག་ཡང་དག་ཐོབ་པ་ཉིད། །འདིར་ནི་དེ་བཞིན་གཤེགས་པར་འགྱུར། །གསང་བའི་བདག་པོ་མཁས་རྣམས་ཀྱིས། །ཚུལ་མཆོག
161b4 འདི་ནི་རྙེད་གྱུར་ནས། །དོན་གསལ་ཡང་དག་རྙེད་པ་དང་། །དེ་ཡང་ང་རྒྱལ་དག་ཏུ་ལྟུང་། །དེ་རྣམས་ཏིང་འཛིན་ཞི་ཉིད་དང་། །ཤེས་རབ་ཉིད་ཀྱང་ཤིན་ཏུ་རིང་། །རབ་ཏུ་དགའ་དང་ལྡན་པ་ཡིས། །རྣལ་འབྱོར་པ་ནི་བདག་ཉིད་ཅེས། །མངོན་པའི་ང་རྒྱལ་ལ་རྟག་དགའ། །སྒྱུ་དང་བཅོས
161b5 མའི་ཆོས་དང་ལྡན། །མྱ་ངན་འདས་དང་གཞན་འགྲོ་བ། །ཕན་ཚུན་དག་ནི་སུན་ཡང་འབྱིན། །གསང་སྔགས་སྨྲ་བ་ལ་བརྟེན་ནས། །གཅིག་ལ་གཅིག་ནི་རྩོད་པར་འགྱུར། །དེ་རྣམས་བདུད་ཀྱི་བྱིན་བརླབས་ཀྱིས། །གལ་ཏེ་དངོས་གྲུབ་ཕྲ་ཐོབ་ན། །དེས་ནི་མངོན་པར་ང་རྒྱལ་བས། །
161b6 མཁས་པ་སྙམ་དུ་ཤེས་པར་འགྱུར། །ཚོགས་པའི་ནང་དུ་རྩོད་པ་དང་། །ཁྱི་བཞིན་ཁ་ཟས་ལ་སྤྱོད་འགྱུར། །རང་ལས་འབྲས་ལས་བྱུང་བ་ཡི། །ཕན་པ་ལ་ནི་གནོད་པ་བྱེད། །དེ་རྣམས་དགེ་དང་མི་དགེ་རྣམས། །བདག་ཅག་རྣམས་ཀྱི་སྟོབས་ཡིན་ཟེར། །མངོན་སུམ་སངས་རྒྱས
161b7 འདྲ་བ་ཡི། །སློབ་དཔོན་སྨོད་ཅིང་བསྙེན་བཀུར་མེད། །སྐད་ཅིག་གཅིག་གིས་སྡང་བྱེད་ཅིང་། །དེ་ལ་སྐད་ཅིག་གིས་རྗེས་ཆགས། །ཁྱི་དང་ཕག་དང་ཁྭ་རྣམས་ཀྱི། །སྤྱོད་པ་དག་ནི་སྟོན་པར་བྱེད། །དེ་རྣམས་ཕན་ཚུན་རྣམ་འཚེ་བར། །མངོན་པར་དགའ་བར་བྱེད་པར་འགྱུར། །གསང
iiif viewer powered by OpenSeadragon
