| e-texts navigator |
| Wylie |
161a1 པ་སྐྱེས་བུའི་གཟུགས་དག་ནི། །སྔགས་ཀྱིས་བྱིན་བརླབས་བླ་ན་མེད། །དེར་ནི་ཞལ་གསུམ་པ་ལྟ་བུར། །དེ་བཞིན་གཤེགས་པ་ཀུན་གྱིས་གཟིགས། །དེ་ནས་མགོན་པོ་བཅོམ་ལྡན་གྱི། །ཐུགས་རྗེས་བཞུགས་པ་ལས་བྱུང་སྟེ། །བྱང་ཆུབ་སེམས་ནི་རབ་བསྐོར་ལ། །ལན
161a2 གསུམ་ཆེད་དུ་བརྗོད་པ་མཛད། །བསམ་མི་ཁྱབ་ཅིང་དཔག་མེད་གང་། །དེ་བཞིན་གཤེགས་པ་ཀུན་གྱི་གསང་། །རྡོ་རྗེ་བྱང་ཆུབ་སེམས་གཅིག་ལས། །སྤྱོད་ཡུལ་དེར་ནི་གྱུར་པ་ཡིན། །དེ་ནས་གསང་ཚུལ་ཐོས་པ་དང་། །དེ་འོག་གསང་བའི་བདག་པོས་ནི། །ཁྱབ་བདག་རྣམ་པར་སྣང་མཛད
161a3 ལ། །ཇི་བཞིན་ཚུལ་དུ་དེ་བཏུད་ཞུས། །ཕུང་པོ་ཁམས་ལ་སོགས་པའི་ཆོས། །འདུས་ལ་གང་ཞིག་གནས་པའི་རྣམས། །རྟེན་འབྲེལ་ལས་སྐྱེས་ཡིན་པར་ནི། །ཁྱད་ཆོས་སྟོན་པར་མཛད་པས་ཁུམས། །དམན་པའི་ཆོས་རྣམས་འདི་དག་ནི། །ཞེ་སྡང་ལ་སོགས་རྐྱེན་དང་ལྡན། །འདི་དག
161a4 ཇི་ལྟར་བདེ་གཤེགས་དང་། །རྫུ་འཕྲུལ་ཆེན་པོ་རིགས་མ་ལགས། །བྱང་ཆུབ་སེམས་དཔའ་སེམས་ཆེན་དེ། །ལུས་ལ་སོགས་པ་ཇི་ལྟར་འགྱུར། །གང་ཞིག་ཕྱི་དུས་སྐྱེ་བོ་ཡིས། །འདི་དག་འཚལ་བར་མི་འགྱུར་རོ། །དེ་ནས་བཅོམ་ལྡན་རྡོ་རྗེ་ཅན། །འོད་ཆེན་ལྡན་བས་བཀའ་སྩལ་པ། །
161a5 མ་འོངས་སྐྱེ་བོ་མཐོང་ནས་ནི། །གང་ཞིག་ཁྱོད་ཀྱིས་ང་དྲིས་པ། །ལེགས་སོ་ལེགས་སོ་སེམས་དཔའ་ཆེ། །གསང་བའི་བདག་པོ་ཁྱོད་ལེགས་སོ། །སྨྲ་བ་དོན་ཇི་ལྟ་ཇི་ལྟ་བར། །དེ་ལྟར་ཁྱོད་ལ་ལུང་བསྟན་བྱ། །མ་འོངས་དུས་ན་མི་རྣམས་ནི། །འཇིག་རྟེན་རྒྱང་བ་ན་མཆོག་གཞོལ་འགྱུར། །ལོག
161a6 པར་ལྟ་བ་ལ་གནས་ཏེ། །ཅི་དགའ་བར་ཡང་སྤྱོད་པར་བྱེད། །ལ་ལ་གླུ་དང་གར་ལ་དགའ། །དགོད་དང་སྒེག་ལ་མཆོག་ཏུ་གཞོལ། །དྲི་དང་ཕྲེང་བ་ལ་དགའ་ཞིང་། །དེ་བཞིན་འཁྲིག་པ་ལ་དགར་འགྱུར། །རྨོངས་པ་ལ་ལ་སྡང་བ་དང་། །དེ་བཞིན་གཏི་མུག་ལ་རབ་གཞོལ། །ལ་ལ་དེ
161a7 བཞིན་འདོད་ཆགས་ཞེན། །ཤེས་པ་གཞན་དག་འདོད་པར་འགྱུར། །ཉ་དང་ཤ་དང་དེ་བཞིན་ཆང་། །བཤང་གཅི་ཁུ་བ་ཁྲག་རྣམས་ནི། །སྐྱེས་བུ་གླེན་པ་ཟ་བྱེད་ཅིང་། །མེད་པར་སྨྲ་བ་ཆོས་སུ་སྒྲོགས། །མ་དང་སྲིང་མོ་ལ་སོགས་པ། །བགྲོད་མིན་ལ་ནི་འགྲོ་བ་དང་། །ཕ་དང་མ་ཡང
iiif viewer powered by OpenSeadragon
